Unicode
ငါ အပြင်မှာနေဖို့ ထွက်လာခဲ့ပြီး သူငယ်ချင်းတွေဆီက ပိုက်ဆံချေးကာ အခန်းတစ်ခန်းငှားဖို့အတွက် သုံးလိုက်တယ်။ ငါ လစာရရင် ပြန်ဆပ်နိုင်မှာလေ။
ငါ ကျောင်းကုန်းဇီမရှိဘဲ ကောင်းကောင်းနေ,နေတယ်။ နေ့တိုင်းမှာ ငါ အချိန်တွေ အများကြီး ပိုရလာတယ်။ ပြီးတော့ အလုပ်တွေအများကြီးကိုလည်း ပိုလုပ်နိုင်လာတယ်။ ငါ အလုပ်လုပ်ရတာကို နှစ်သက်တယ်။ အလုပ်ကသာ ငါ့ကို သနားစရာကောင်းတဲ့အိမ်မွေးတိရစ္ဆာန်, ဒါမှမဟုတ် ကပ်ပါးကောင်လိုမျိုးမဟုတ်ဘဲ အမှီအခိုကင်းတဲ့ လူတစ်ယောက်လိုမျိုး ခံစားရစေနိုင်တယ်။
အနည်းဆုံးတော့ အလုပ်က ကိုယ့်ကိုယ်ကို ဒီလိုမျိုး လိမ်ညာထားလို့ရတယ်လေ။
ကျင်းရှန့်က ငါ့ကို လာတွေ့ပြီး ဘာဖြစ်တာလဲလို့ မေးတယ်။ သူက သူ့ကို ကျောင်းကုန်းဇီက ရိုက်ပြီးတော့ ငါက လုပ်လိုက်တာလို့ ပြောခိုင်းခဲ့ကြောင်း ပြောပြတယ်။
ငါ့မှာ တောင်းပန်ရုံသာ တတ်နိူင်ခဲ့တယ်။
ကျင်းရှန့်က ပြောတယ်, "စိတ်မပူပါနဲ့, ငါလည်း သူ့ကို ရိုက်လိုက်တယ်"
ငါ : "……"
ကျင်းရှန့်က ထပ်ပြောတယ်, "ငါ အား အများကြီး မသုံးခဲ့ပါဘူး, မင်း စိတ်ပူနေဖို့ မလိုဘူး"
ငါ မင်းတို့နှစ်ယောက်ထဲက တစ်ယောက်ကိုမှ စိတ်မပူဘူး။ ငါ အချိန်မရွေး အသက်ရှင်လျှက် မြေမြှုပ်ခံရမှာကိုပဲ စိုးရိမ်မိတယ်။
ငါ့ကို လွတ်လမ်းပေးဖို့အတွက် သူတို့ထဲက တစ်ယောက်ယောက်ကို တကယ်တောင်းပန်ချင်ပါတယ်။
တစ်လလောက်ကြာတော့ လမ်းတွေထဲမှာ ငါ ကျောင်းကုန်းဇီကို တွေ့လိုက်ရတယ်။ သူက ငါ့ရဲ့ခွေး, ဟမ်းနဲ့အတူ လမ်းလျှောက်နေတယ်။ ဒါမှမဟုတ် ပိုပြီးသေချာတာက ငါ့ခွေးနဲ့ လမ်းလျှောက်နေတဲ့ သူ့ရဲ့ဘေးနားမှာ အမျိုးသမီးတစ်ယောက်ရှိနေတယ်။ သူကတော့ အေးစက်စက်နဲ့ ချောကလက်တွေကို တိတ်တိတ်လေး စားနေတာဖြစ်တယ်။
နှစ်လလောက်ကြာတော့ ငါ ပန်းခြံမှာ ကျောင်းကုန်းဇီကိုတွေ့လိုက်ရတယ်။ သူက ဟမ်း, ငါ့ရဲ့ဟမ်းနဲ့အတူ အပြားကို လေထဲပစ်တမ်း ကစားနေတယ်။ အတိအကျပြောရမယ်ဆိုရင်တော့ ဟမ်းနဲ့အတူ အပြားပစ်တမ်းကစားနေတဲ့ သူ့ရဲ့ဘေးနားမှာ လူငယ်လေးတစ်ယောက်ရှိနေတယ်။ ကျောင်းကုန်းဇီကတော့ အေးစက်စွာနဲ့ပဲ ချောကလက်တွေကို တိတ်တိတ်လေး စားနေခဲ့တယ်လေ။
YOU ARE READING
Annoying Zhao Gongzi (Myanmar Translation) Completed
RomanceThis is just a translation ... Original work is 讨厌的赵公子 by Your唯 and we translated from the website, novelupdates.com. Here is the link of the E translation - https://www.novelupdates.com/series/annoying-zhao-gongzi/ All credit to the original author...
