Unicode
ငါတို့သုံးယောက် အသစ်ဖွင့်ထားတဲ့ စားသောက်ဆိုင်မှာ သွားစားလိုက်ကြတယ်။ ငါတို့ထိုင်နေတုန်း, ပရော်ဖက်ဆာလင်းက အံ့သြတကြီးမေးတာကို ငါကြားလိုက်ရတယ်, "အဲ့ဒါ ကျောင်းကုန်းဇီမဟုတ်လား?"
တွန်မီက ပြောတယ်, "သူ့ဆီ သွားပြီးတော့ ငါတို့နဲ့အတူစားမလားလို့ မေးလိုက်လေ"
ငါ့မှာ ထလိုက်ရုံသာရှိပြီး ကျင်းရှန့်နဲ့ ဟောင်တာ့တို့နဲ့အတူ ဖယောင်းတိုင်မီးတွေထွန်းကာ ညစာစားနေတဲ့ ကျောင်းကုန်းဇီကိုကြည့်ရင်း အနည်းငယ်ပြုံးပြလိုက်တယ်, "သူ့မှာ အရေးကြီးကိစ္စရှိနေပုံရတယ်ရော်"
ပရော်ဖက်ဆာလင်းက ပြောတယ်, "အလုပ်ကိစ္စကြောင့် တွေ့တာမဟုတ်လောက်ဘူး, ငါ သူတို့ကို ဒီကိုလာဖို့ သွားဖိတ်လိုက်မယ်လေ, ဒါမှမဟုတ်လည်း အနည်းဆုံးတော့ သူတို့ကို သွားနှုတ်ဆက်လိုက်တာပေါ့"
သူ့ရဲ့စကားလုံးတွေ သူ့ပါးစပ်က ထွက်သွားနေတုန်းပဲရှိတဲ့အချိန်မှာ ဘုရားသခင်ပဲသိမယ့်အရာကို တွေးတောနေရရင်း အာရုံပျံ့လွင့်စွာနဲ့ စပျစ်ရည်တွေအကုန်လုံးကို လောင်းချလိုက်တဲ့ ကျောင်းကုန်းဇီကို ငါတို့ တွေ့လိုက်ရတယ်။ ဟောင်တာ့က အရမ်းအံ့အားသင့်သွားပြီး အလျင်အမြန်ထကာ စားပွဲခင်းကို အမြန်ဆွဲထုတ်လိုက်သော်လည်း စားပွဲခင်းတစ်ခုလုံးကို အလျင်အမြန်ဆွဲထုတ်လိုက်တာကြောင့် ပန်းကန်ပြားတွေအားလုံးက ပြုတ်ကျပြီးတော့ ရှုပ်ပွသွားလေတယ်။ ကျင်းရှန့်က မတ်တပ်ရပ်ပြီးတော့ လက်သုတ်ပုဝါကိုယူကာ ကျောင်းကုန်းဇီရဲ့ကြယ်သီးတပ်အဖြူရောင်ရှပ်အင်္ကျီပေါ်က ပေကျံနေတာကို သုတ်ဖို့သွားလိုက်သော်လည်း ဘုရားပဲ သိမယ့်အရာကို တွေးတောနေဆဲဖြစ်တဲ့ ကျောင်းကုန်းဇီရဲ့ တွန်းဖယ်ခြင်းကို ခံလိုက်ရတယ်။ သူ့လက်ထဲက ခက်ရင်းက လွင့်ပျံလာပြီး ငါ့ရှေ့က ဝိုင်ဖန်ခွက်ထဲကို ကျဆင်းသွားကာ ဝိုင်တွေက ငါ့ရဲ့မျက်နှာပေါ်မှာ လွင့်စင်ပြန့်ကျဲ့သွားခဲ့တယ်။
တွန်မီက အလန့်တကြား ထအော်တယ်။
ကျောင်းကုန်းဇီနဲ့ သူ့တွဲဖက်က တချက်လှည့်ကြည့်လိုက်ပြီး နောက်ဆုံးတော့ ငါတို့ကို တွေ့သွားကြတယ်။
YOU ARE READING
Annoying Zhao Gongzi (Myanmar Translation) Completed
RomanceThis is just a translation ... Original work is 讨厌的赵公子 by Your唯 and we translated from the website, novelupdates.com. Here is the link of the E translation - https://www.novelupdates.com/series/annoying-zhao-gongzi/ All credit to the original author...
