[Unicode]
သတင်းခေါင်းစဉ်မှာ လွှမ်းမိုးခြယ်လှယ်ထားတဲ့ ရုပ်ရှင်ဘုရင်မ[28]
ရှီရှန်းကကုဟောင်ကိုသတင်းစာထဲမှာအရင်ကမြင်ဖူးတယ်။ ဒါပေမဲ့ သတင်းစာထဲမှာနဲ့ယှဉ်ရင်တော့ လက်တွေ့မှာသူကပိုခန့်ညားပြီး အားမာန်အပြည့်နဲ့တက်ကြွတဲ့ဟန်ရှိတယ်။
သူတို့ကလန်ချင်းရဲ့ကွန်ဒိုဘေးက ကဖေးမှာသွားတွေ့ကြတယ်။ နှစ်သစ်ကူးအကြိုနေ့မို့လို့ ကဖေးထဲမှာလူဘယ်လောက်မှမရှိဘူး။
"မစ်လန် အခုချိန်မှာနှောင့်ယှက်ရတဲ့အတွက် အားနာပါတယ်"ကုဟောင်ကတော်တော်လေးကို နှိမ့်ချတတ်တယ်။
ရှီရှန်းမျက်ခုံးပင့်လိုက်တယ်။ရှီရှန်းထင်ထားတာက ကုဟောင်ကဒီကိုပြဿနာလာရှာတယ်လို့လေ။
"မစ္စတာကု တစ်ခုခုပြောချင်တာများရှိလို့လား?"
ကုဟောင်ကသူ့ရှေ့ကမိန်းမပျိုလေးကိုကြည့်လိုက်တယ်။တော်တော်လေးကိုလှတဲ့မိန်းကလေးပဲ။သူ့အရှေ့မှာတောင်သူမက သူ့အပေါ်ကျေနပ်တာမျိုး ကြောက်နေတာမျိုးမရှိဘဲ ပုံမှန်အတိုင်းပဲ။
"အခုရှောင်ချီမင်းနဲ့အတူရှိနေလား?"
သူကကုချီဆီကိုပုံမှန်အတိုင်း သွားလည်ချင်ပေမယ့်လည်း ဟိုမှာကဘယ်သူမရှိနေဘူး။
ဒါပေါ့။ကုမိသားစုကကုချီနဲ့ရှီရှန်းအတူတူနေနေတယ်ဆိုတဲ့ သတင်းကိုရထားပြီးပြီဆိုပေမယ့် သူတို့ကဝင်မစွက်ဖက်ရဲဘူး။
တစ်ဖက်မှာလည်း လန်ရှန်းကိုသွားပြီးစုံစမ်းစစ်ဆေးမနေဖို့ ကုချီကသူတို့ကိုသတိပေးထားတယ်။
အခုလောလောဆယ်တော့ လန်ရှန်းကယွီထန်လန်ငန်းစုရဲ့သခင်မလေးဆိုတာနဲ့ ဖျော်ဖြေရေးလောကရဲ့ရုပ်ရှင်ဘုရင်မဆိုတာပဲ သူတို့သိထားတယ်။သူမကကောင်းပါတယ် ဒါပေမဲ့ မကြာသေးခင်ကတော့ ကောလဟာလတွေနည်းနည်းရှိထားတယ်။
"အင်း"ရှီရှန်းခေါင်းငြိမ့်လိုက်တယ်။
ကုဟောင်ကအသက်ကိုပြင်းပြင်းရှူလိုက်တယ်။"မစ်လန်တို့နှစ်ယောက်လုံး အတူတူရှိနေတာအချိန်တစ်ခုလောက်ရှိလာပြီဆိုတော့ ကျွန်တော်လိုရင်းကိုပဲပြောတော့မယ်"
YOU ARE READING
ရှီရှန်း ( ႐ွီ႐ွန္း) Book 4 Arc 16 to .....
FantasyCollaboration Work for Shisheng❣