Almika's POV
"Para kang santo na sinasamba ng mga kalalakihan. You are so beautiful, Almika Sheen Monteverdi but it seems like you didn't notice it. You keep turning them down, why? Do you like someone else?"
Pang ilang beses na itong tanong ni Althea sa akin. Napaka-chismosa niya. Hindi naman sa tinu-turning down ko ang mga nanliligaw sa akin. Ang akin lang ay ayoko munang magpaligaw dahil ayaw ko. And duh! Anong santong pinagsasabi ng babaeng 'to? Nahihibang na ba siya?
"Why are you asking?"
"Uhm, kasi sayang 'yong mga poging nanliligaw sa'yo, ang yayaman pa pero ni isa ay wala kang pinili sa kanila. Are you inlove with someone? You can tell me, hindi ko sasabihin sa ibang tao,"
Halos tumirik ang mata ko sa iritasyon sa kanya. Unang-una pa lang talaga ay ayoko na talaga sa kanya. Maharot siya at walang tigil ang kanyang bibig. Ang ingay-ingay. Hindi ko naman kailangan ang mga opinyon niya, I just want to live a peaceful life. Can she give that to me? Oh God. Sa kanya pa yata ako magkaka-wrinkles.
"Hindi ako inlove sa iba at higit sa lahat wala akong oras sa ligawan na 'yan, Althea. I'm a busy person, wala akong oras sa mga ganyan. Would you mind?"
"W-What?"
"Leave me alone."
"I'm just being friendly here, Almika. Pansin ko kasing walang lumalapit sa 'yo,"
Hinarap ko siya. "Mukha bang kailangan ko ng pekeng kaibigan? Kung ikaw lang rin naman ang magiging kaibigan ko mas mabuting mamatay na lang. You're so annoying. I hope you know that."
Well, totoo naman kasi iyon. Alam kong may gusto siya sa mga manliligaw ko kaya heto siya ngayon lapit ng lapit sa akin para makilala iyong lalaki. If she wants that guy, lapitan niya huwag niya idaan sa akin dahil wala talaga siyang mapapala sa akin. I have my own life, hindi pa oras ngayon magkaroon ng boyfriend. I'm happy being me, just me.
Nakauwi ako pasadong 8pm na ng gabi dahil may tinapos ako sa school. Mabuti nalang ay gising pa ang driver namin, kung hindi wala talagang susunod sa akin. Malayo-layo pa naman ang bahay namin sa school, kakalipat lang kasi naman. Umalis kami roon sa lumang bahay at binenta nina mommy. Hindi ko na sila tinanong kung bakit nila iyon binenta.
Sinalubong ako nina mommy at daddy ng yakap. Pagkatapos ay bumalik sa kani-kanilang ginagawa. Ang busy naman ng mga ito. Tila wala ng bukas kung mag trabaho. 'yan siguro ang dahilan kung bakit hindi kami bumaba kahit palipat-lipat kami ng bahay.
Pagkatapos kong gawin ang mga gawin ay natulog kaagad ako. Maaga pa kasi ako bukasz hindi pwedeng ma-late kasi pinaninindigan ko ang papel ko bilang estudyante.
***
Umagang-umaga ay iritang-irita ako sa pagmumukha ni Althea. Hindi niya ako tinantanan. Hanggang sumapit ang hapon ay tanong parin siya ng tanong. Hindi yata nadala kahapon sa sinabi ko.
Pinili ko na lamang na umuwi, wala rin namang guro. May meeting at tsaka pauuwiin din naman nila kami pagkatapos nila roon. Habang nagpipigil pa ako, aalis na ako. Baka pa masapak nang tuluyan ang babaeng iyon. Hindi naman ako bayolente, sadyang sinasagad niya lang talaga ang pasensya ko.
Balita ko may gusto 'yon kay Vandeon Brix Santford. Sikat ang lalaking 'yon dito sa campus namin, hindi lang mayaman. Napaka-gwapo pa at snobero. Minsan kasi nahuhuli ko siyang tumitingin sa akin, hindi ko alam kung bakit. Hindi rin naman siya mukhang playboy, sa katunayan nga ay sobrang seryoso niya. Matalino din daw 'yon, pareho sila ng kapatid niyang Santford din. Hindi ko kilala ang kapatid niya at wala rin akong balak kilalanin sila.
Napasinghap ako nang harangan ako ng limang lalaki. Isa na roon si Jake na kasalukuyang nanliligaw sa akin. Kailan kaya titigil ang walang hiya na 'to, ayoko nga magpaligaw pero heto siya sunod ng sunod sa akin at sulpot ng sulpot parang kabute. Hindi niya ba naiintindihan ang sinabi kong huwag nalang ako?
