Continue.
"What the hell?" Nagulat siya nang makitang nakatayo si Vandeon. Nakatayo sa kanyang harapan ang katawan ni Vandeon, ayos at tuwid pa ito, parang hindi man lang tinablan ng suntok sa mukha at katawan. May hawak itong baril sa kaliwang kamay habang ang dugong nanggaling sa kanyang braso ay patuloy na umaagos pababa sa baril na hawak niya.
Hindi kumibo si Kace, wala siyang pinakitang emosyon sa kaibigan. Natatakot siya kay Vandeon pero hindi niya lamang pinapakita, kung tutuluyan man siya ni Vandeon ngayon, lalaban parin siya ng patas.
Tumikhim si Kace bago sinalubong ang tingin ni Vandeon. Hindi niya rin naman inaasahan na iisipin iyon ni Vandeon, magkaibigan lamang ang turingan nilang dalawa ni Almika sa isa't-isa, at wala siyang balak magtaksil sa dati nitong minamahal kahit na wala na ito sa tabi niya. May asawa na siya ngayon, kahit na hindi buo ay mahal niya iyon. But his first love is still in his heart.
"Kahit anong pilit mong habol sa kanila Vandeon, You can't still get them; why? Because when it comes to hiding, Miss Monteverdi is good at it. Keep that in your mind, Tol." hilaw siyang ngumiti kay Vandeon. Pero wala man lang reaksyon si Vandeon, agad niya na lamang tinutok ang baril sa noo ni Kace.
"Wala akong pakialam kung kaibigan kita Kace, sasabihin mo ba sa akin kung nasaan sina Almika or papasabugin ko ang bungo mo kasama ang pamilya mo?"
Galit na tiningnan ni Kace si Vandeon. Sinipa niya ang baril na nakatutok sa kanya 'saka niya sinuntok ang leeg ni Vandeon, napahawak naman roon si Vandeon. Sa halip na hayaan lang ang mga suntok ni Kace? Kinasa niya ang baril at tinamaan si Kace sa tuhod kaya't napaluhod ito. Panay ang mura at daing ni Kace habang nakatingin sa tuhod nitong may tama ng baril. Pinikit niya nang mariin ang kanyang mga mata, ininda niya ang sakit ngunit tila nanghihina na talaga siya pero hindi siya sumuko, lalabanan niya parin si Vandeon.
Wala na talagang awa ngayon si Vandeon, kung sino man ang haharang sa landas niya ay wala na siyang pakialam kung ano man ang mangyari. Papatayin niya ang pipigil sa kanya, 'yan ang nasaisip ni Kace. Minulat niya ang mga mata, hindi na siya nagulat sa pag lapit ng kaibigan.
Nasa harapan niya si Vandeon, nakaupo at pinantayan siya.
"You tell me or I'll end your life here, Gunner. I only ask once." mariing sabi ni Vandeon kay Kace. Bumuntonghininga naman si Kace. Pinikit niya muli ang mata nang makaramdam na naman ng panghahapdi galing sa tuhod niya.
"Then what? Kung sasabihin ko nga sa'yo tol? Anong gagawin mo? Papatayin si Almika? Kukunin ang bata? Do you think ibibigay 'yan ni Almika? Mangarap ka na lang sa panaginip mo to--"
*PAK!*
Hindi natapos ni Kace ang kanyang sasabihin nang sampalin siya ng baril ni Vandeon sa mukha. Hinuli rin ni Vandeon ang kanyang mga panga at mariin itong hinawakan.
Ngunit ngumisi lamang si Kace, sobrang sakit na nang buong katawan niya, hindi niya lang pinapakita na nasasaktan siya sa halip ay ininda niya ang lahat alang-alang sa kaligtasan ni Almika. Gagawin niya ang tama kahit na ang kapalit nito ay ang buhay niya.
"Just tell me where are they, Kace, don't make this hard for the both of us!" malamig na usal ni Vandeon habang dinidiin ang pagkakahawak sa panga ni Kace.
Pilit pinipilan ni Kace ang umungol sa sakit. Gusto niyang abutin ang mga kamay ni Vandeon upang pigilan ngunit tila namamanhid na ang kanyang mga kamay, kapag gagalaw naman siya mas lalong sasakit ang kanyang tuhod.
"Kill me now, Santford. Wala kang makukuhang kahit na ano sa'kin."
"Because you're useless, Kace. Walang-wala talaga! Wala kang kwenta!" galit na sigaw ni Vandeon at sinuntok ang mukha ni Kace. Nasaktan naman si Kace sa sinabi ni Vandeon. Matagal na silang magkakaibigan at ito ang unang beses na sinabihan siya nitong walang kwenta. Ngumiti siya nang palihim. Hindi na pumalag si Kace at hinayaan niya na lamang na suntukin siya ni Vandeon sa mukha at sikmura, sinalo niya lahat ang mga sakit.
