Almika's POV
No. I'm not okay, literally not. Nasa bahay ako ngayon kasama ko si Vandish, kasama niya rin naman si Peyton. Naglalaro sila habang ako naman ay tulalang nakatitig sa pintuan. Naalala ko ang nangyari kahapon, ano kaya ang ibig sabihin ni Vandeon? At kaano-ano niya si Yeena? Bakit galit na galit sa akin si Arkanghel? Wala nga akong ginagawa sa kanya eh. Pambihirang Donovan! Ang dedemonyo talaga ng mga utak nila. Pinaglihi siguro sila lahat kay satanas.
Tsk! Pairap kong binalik ang tingin kay Vandish, mabuti na lang hindi naisipang bawiin ni Vandeon sa Vandish sa akin. Akala ko nga magmamatigas ulit siya eh, pero hindi na, imbis na makipag skandalo sa akin niligtas niya pa ako mula kay Ark. Pinikit ko ang mga mata sabay kuyom ng kamao. Kahit na niligtas mo pa ako, Vandeon, hindi parin magbabago ang pag tingin ko sa 'yo. Mamatay tao ka parin, kung ano man 'yung planong sinimulan ko? Tatapusin ko at sisiguraduhin kong luluhod ka mismo sa harapan ko. You killed my parents, friends, Manang at pinagtangkaan mo pa kami. Do you think mapapatawad kita ng ganu'n ka dali? Buo parin ang plano ko, I'll make him fall deeply in love with me, and when that time comes? I'll break him into pieces. Yeah, baliw na nga siguro ako. Kahit na nagbago kana ngayon ay ikaw parin 'yan, ang taong sumira ng buhay ko.
"Argh! Hindi ko na alam ang gagawin! Wala na akong naiintindihan sa mga nangyayari."
Dahan-dahan akong tumayo. Ngumiti ako kay Vandish nang magtagpo ang mga mata namin. Tutuparin ko ang pangako ko sa anak ko, gagawin ko ang lahat para lang sa kanya.
"You two aren't hungry yet?" tanong ko sa dalawa nang makalapit na ako. Tinaas ni Peyton ang kanyang kuting, pinakita niya sa akin ang headband nitong nasa ulo ng kuting. Ang cute!
"Is she lovely, Tita Almika?" ngiting tanong niya. Dahan-dahan naman akong tumango bilang sagot. Peyton is a nice boy, but hindi nagkakalayo ang ugali nila ni Kiefer. Sabagay manang-mana sa ama, gaya na lang din kay Vandish na halos may sarili ng mundo.
"Weren't hungry pa, Mommy, laro muna kami ni pare." I chuckled tsaka tumango na lang din.
"If naka ramdam kayo ng gutom? Call yaya, okay? May pupuntahan lang ako. Dito lang kayo sa loob, Peyton, anak."
"Yes, Mommy!"
"Yes po, Tita!"
Hinalikan ko si Vandish sa ilong. Ginulo ko naman ang buhok ni Peyton kayat sumimangot ito. "I'll go ahead, huwag kayong lumabas ah." paalala kong muli, alam kong matalino sila kayat alam na alam na nila ang gagawin.
Dala ang bag ko, nagpasya ako na pumunta sa hospital, pupuntahan ko si Skie. May dapat kaming pag-uusapan tungkol sa plano namin. This isn't about Vandeon anymore, may tao rin kaming kalaban ngayon, hindi lang sila Vandeon ang pakay nila, pakay din nila si Skie Vernon Santford.
Hindi naman matagal ang byahe kayat agad akong nakarating. Pumasok ako sa loob ng hospital habang walang emosyon ang mukha, marami pa ngang bumabati sa akin pero tango lang ang tangi kong sagot. They all knew me now. Sabagay, ikaw ba naman ang pabalik-balik dito at ang may ari pa nitong hospital ay ang dahilan ng pag punta ko. Damn, Vernon!
"Dumalaw na naman ang girlfriend ni Sir Santford."
"Oo nga eh! Ang ganda niya 'noh!"
"Balita ko nga sobrang yaman daw niya. Siya ang nagpapatakbo ngayon sa mga negosyo ng Monteverdi eh."
"Well, Monteverdi naman siya, trabaho niya 'yun as a heiress."
Hindi ko na lamang pinansin ang dalawa. Pabalang kong tinulak ang opisina ni Skie, bumungad sa akin ang magulong opisina niya. Basag ang window niya, may mga basag din na baso, punit-punit na mga papel at likidong pula. Baka naman nag-inuman sila dito? Bakit ganito kadumi opisina niya? May nangyari kayang masama sa lalaking 'yun?
