Third Person's POV
"Anong gagawin mo kay Almika?" takang tanong ni Aisha kay Austin na ngayong buhat na si Almika. Walang kamalay-malay si Almika sa mga nangyayari dahil sa droga na pinainom nila dito. Since tapos na ang training ni Almika ay pwede na itong umalis. Ayaw ni Austin magkaroon ng anumang koneksyon sa pagitan nila dahil kalaban niya rin si Almika. Darating ang panahon na muli silang magkikita ngunit isa ng magkaaway.
"Iiiwan ko siya sa labas ng kompanya ni Riley. Sigurado akong makikita agad nila si Almika at tutulungan kaysa naman na si Vandeon ang unang makakita sa kanya. Kahit na demonyo iyon sa paningin ni Almika, malambot parin iyon pagdating naman kay Almika."
"Maling tao ang binabangga mo, Austin. Alam kong may alam ka sa lahat, huwag naman sanang dumating sa punto na tra-traydor ka sa clan natin,"
Ngumiti si Austin at nilapag ang walang malay na katawan ni Almika sa labas ng kompanya. Wala ng mga tao sa mga oras na ito dahil hating gabi na at tulog na ang mga tao. Kung meron mang saksi sa ginawa nila at tiyak na wala ng bukas dahil hindi nila palalampasin.
"You can go first, babantayan ko muna si Almika baka may kumuha sa kanya." giit ni Aisha. Hindi naman umangal si Austin, kung 'yon ang gusto ni Aisha ay wala na siyang magagawa. Ang importante ay umalis na sa buhay nila si Almika.
"Alright, I'll go first."
"I'm really sorry, Almika."
"Huwag kang magtatagal, Aisha baka may makakita saiyo. Alam mo namang pakalat-kalat na ngayon ang mga kalaban natin. Nagsisimula na silang gumalaw,"
"Pupunta ka ba sa hideout natin mamaya?" tanong ni Aisha imbes na pagtuunan ng pansin ang sinabi nito.
"Pagkatapos nito pupunta ako ro'n. Ikaw? Anong plano mo? Alam kong may misyon ka rin."
Nagpakawala ng malalim na hininga si Aisha. Hanggang ngayon parin kasi ay wala parin siyang balita sa taong parte ng misyon niya. Masyadong tago ang taong iyon, nahirapan tuloy siyang hanapin.
"Nag-aalala na ako. Hanggang ngayon kasi ay wala parin akong balita sa kanya, ang huling balita ko lang ay nasa Greece siya kasama ang buong pamilya niya."
"Bakit hindi mo sinundan?"
"Bakit ko naman susundan ang taong iyon aber? Wala 'yan sa plano ko at tsaka ayokong gumastos ng malaki para lang sa misyon na 'to."
Alam niyang malaki ang sahod na makukuha niya sa trabahong 'to ngunit ayaw niyang magwaldas ng malaking pera para hanapin ang target niya. Uuwi naman iyon at hindi mananatili sa Greece kayat kampante siya sa misyon niya.
"So, hihintayin mo?"
"Oo, hindi naman sila magtatagal roon. Kinausap ko kahapon ang personal assistant niya, mabuti nalang kilala ko 'yon. May access sa buhay niya." seryosong saad niya.
"Parang jowa ah,"
"Yuck! Sige na nga umalis kana!"
"Sumunod ka ah."
***
Almika's POV
"May gagawin ba kayo ngayon?"
Nasa hospital parin ako ngayon nagpapahinga. Hindi pa ako pinahintulutang lumabas kapag hindi pa tuluyang nawalala itong droga na nasa loob ng katawan ko. Hanggang ngayon ay palaisipan parin sa akin kung sino ang gumawa nito. Imposible namang gagawin 'to nina Austin at Aisha sa akin. They are both good and kind. Hindi ko sila kayang isipan ng masama.
"Wala naman akong gagawin kaya lang ay hindi ako pwedeng lumabas," sabi ko. Tumango-tango naman si Freena.
"May trabaho rin ako mamaya, bakit mo pala naitanong, Freena?" tanong ni Riley. Ano na naman kaya ang pakulo nitong si Freena. Hindi kami close sa isa't-isa pero dahil sa kadaldalan niya ay lumalapit narin ang loob ko. She's nice din kasi.
