Third Person's POV
Kanina pa lutang si Almika. Hanggang ngayon kasi ay gumabagabag parin sa kanya ang sinabi ni Vandeon, hindi niya alam kung sinong lalaki ang tinutukoy niya at bakit galit na galit ito sa kanya. Sa totoo lang, gusto niya na talagang patulan si Vandeon kaya lang, dahil sa sinabi nito, bigla itong natigilan at hindi na ginawa ang plano. Gusto niya rin sana 'tong saktan habang wala itong malay kaso ay naawa siya. Bumuntong hininga siya, binalingan niya nang tingin ang kanyang anak na ngayong mahimbing nang natutulog.
"Hindi ko na talaga maintindihan ang Daddy mo, Vandish, sumusobra na ang kademonyuhan niya," kung sino man ang lalaking tinutukoy ni Vandeon, sigurado siyang wala nang bukas ang taong 'yon.
Kinumutan niya si Vandish. Dahan-dahan siyang bumaba ng kama tsaka nagpasya na lumabas muna ng kwarto. Hindi na siya nakikitira ngayon kina Riley dahil may sarili na siyang bahay. Pinangako niya kasi sa sarili niya na bibili lamang siya ng bahay kapag nasa kamay niya na ang anak. Kakabili niya lang nito pero hindi pa tapos, plano niyang ulitin ang bahay kapag nakaipon na siya, gusto niyang palakihin ang bahay gaya sa mansyon ni Riley. Gusto niyang mamuhay na ng marangya ang anak niya, gagawin niya ang lahat para hindi magsawa ang bata sa kanya, at gagawin niya rin ang lahat para hindi na maagaw ni Vandeon si Vandish mula sa kamay niya ngayon.
Tahimik pa si Vandeon sa ngayon pero alam niyang may plano na naman 'yon sa kanila. Ngunit? Bakit hindi pinipigilan ni Vandeon ang Secretary ni Almika na ilayo ang bata? Ano na naman kaya ang plano ni Vandeon? Bakit niya hinayaang makuha si Vandish mula sa kanya, anong gusto ni Vandeon, hindi pa ba siya tapos sa paghihiganti niya?
Suminghap si Almika nang bumungad sa kanya ang malakas na hangin, tinatangay pa nito ang mahaba niyang buhok. Wala nang gising sa loob ng bahay pwera na lamang sa kanya, hindi siya makatulog dahil kay Vandeon. Ngayon na-realize niya na hindi talaga madaling kalabanin ang isang Santford. And speaking of Santford?
"I'm Skie Vernon Santford."
Biglang umigting ang kanyang tainga nang maalala niya ang lalaking kausap niya noon sa labas ng hospital. Isang Santford ang lalaking 'yon pero hindi niya man lang binigyan ng pansin dahil sa kadramahan niya, at lutang na lutang ang isip niya noon, ang gusto niya lang naman ay mapag-isa. Bakit ang tanga niya? Sinong Santford naman kaya ang lalaking 'yon? Kaano-ano nito si Vandeon?
"Hindi kaya'y magkasabwat ang dalawang 'yon?" Kunot noo niyang tanong. Naguguluhan na siya pero pilit niya paring kinokonekta ang dalawang Santford na kilala niya.
"Magkapatid kaya? Pinsan?" Hinilot niya ang sentido niya. Diniin niya ang pagkakahawak sa lobby.
"Ano ba talaga ang plano mo, Vandeon? Pinadala mo ba 'yung isang Santford na 'yon para pahirapan din ako? Tangina mo pala eh! Ang hina-hina mong hayop ka, nagpadala ka pa ng resback. Bwesit!" timping sambit niya at akma na sana siyang pumasok sa loob ng bahay nang bigla na lang namatay 'yung ilaw ng sala.
"The fvck?!"
Mabilis siyang lumisan sa pwesto niya, hinakbang niya ang paa papunta sa kwarto ni Vandish, napasinghap siya nang makitang natutulog parin ito.
Dahan-dahan siyang lumapit sa drawer niya. Nilabas niya ang pistol niya, nilagyan niya ito ng bala tsaka lumingon sa pintuan. Sobrang lakas ng kabog kanyang dibdib, kahit hinahawakan niya ang baril nanginginig parin siya. Hindi naman sila pumapatay ng ilaw kapag oras na ng tulog, pero bakit namatay ang ilaw?
"Kung sino ka man! Lumabas ka!" diing sambit niya pero walang lumabas. Hinakbang niya ang paa patungo sa pinto, at habang ginagawa niya ang hakbang, pabalik-balik siya ng tingin. Mula sa anak niya patungo sa pinto.
"Show yourself, idiot." mahinang bulong niya. Hinawakan niya ang pintuan at akma na sana itong bubuksan nang bigla na lamang itong bumukas.
"Kyah!" mahinang tili ni Almika nang biglang tumambad sa kanyang harapan ang katawan ng isang lalaki, duguan ang puting damit nito, may sugat pa ito sa braso at leeg. Hindi niya makita ang mukha ng lalaki dahil nakadapa ito sa sahig, mukhang nahimatay.
