Goddess In Apocalypse (On-Going)

Chapter 35: No Regret

Chapter 35

No Regret

LIMANG minuto ang lumipas, nadinig na ni Ashyra ang ingay na pakikipaglaban nila Raiden at Kasper. Kahit hindi nakikita ni Ashyra ang nangyayari, nararamdaman niya naman ang galaw ng dalawang lalake.

"Kasper, don't be nervous and just focused" sabi ni Ashyra kahit hindi nakikita si Kasper.

May malakas na panramdam si Ashyra. Alam niya kung anong enerhiya ng kapaligiran. Paano gumalaw ang mga bagay at kung ano ang nararamdaman ng isang nilalang kahit hindi tumingin at gamit lang ang nararamdaman. Hindi masasabing supernatural power ang meron si Ashyra. Sadyang sanay na sanay na siyang maging alerto dahil sa mga naranasan.

Nalalaman ni Ashyra ang kapaligiran dahil sa galaw. Nararamdaman niya kung may tao sa likod, ramdam niya kung paano gumalaw ang kaharap kahit nakapikit at alam niya kung anong kondisyon ng nilalang sa kapaligiran. Nalalaman niya ito dahil sa paghinga at kahit hindi niya masyadong nadidinig, nasanay na siya sa ganito. Talaga namang masasanay siyang maging alerto kung nakaranas siya ng sobrang nakakatakot na lugar o pangyayari. Alerto si Ashyra upang maprotektahan niya ang sarili kung sakali mang nakatulala siya at may malalim na iniisip.

Ilang oras ang lumipas at katabi lang ni Ashyra si Marine. Pinapakiramdaman padin ni Ashyra ang nangyayari at sa lumipas na oras tanging pakikipaglaban lang ang nadidinig ni Ashyra. Buti nalang at mukhang magaling at mabibilis sila Raiden habang nasasanay naman si Kasper sa pakikipaglan dahilan naging mabilis at maayos na natapos sila sa pakikipaglaban.

"It's done. Those white zombies retreat!" Sabi ni Raiden tsaka naunang gumalaw pabalik sa pwesto nila Ashyra. Hindi niya pa pinansin si Kasper na siyang naliligo na naman sa dugo at walang reaksyon.

"Ash, are you okey?" Tanong ni Raiden at balak na sanang hawakan si Ashyra ngunit bigla nalang itong tumayo at naglakad papunta kay Kasper.

"May sugat ka. Sinabi kong mag ingat ka at mag focused sa ginagawa mo!" Sabi ni Ashyra at nag-abot muli ng towel kay Kasper.

Ipinunas naman ni Kasper ang towel sa mukha.

Si Raiden na mukhang hindi na nakapagpigil at sumunod kay Ashyra. Tinignan si Kasper ngunit bago pa man siya makapagsalita, nakita na ni Raiden ang green veins mark ni Kasper na siyang nasa ibaba ng labi nito. Hindi malaki ang mark na yun at katulad ng normal na mark ng awakened, ganoon lang din iyon kalaki.

Bigla ay natahimik si Raiden tsaka balak sanang kausapin si Ashyra ngunit isang boses naman ang biglang nakakuha ng atensyon nila.

"Ash!" Sigaw ni Amora na siyang tumatakbo papalapit sa pwesto nila Ashyra. Makikitang umiiyak pa si Amora at ng makalapit kaagad niyang niyakap si Ashyra. "Waahhh, Ash! L-Luna is- Lu-luna—"

Nagtaka si Ashyra sa sinasabi ni Amora kaya inilayo niya si Amora sakanya upang madinig ang sinasabi ng harap harapan.

"What about Luna?" Kinakabahang tanong ni Ashyra. 'Wag naman sanang—

"I lose her! She suddenly disappeared while we were escaping" umiiyak na sabi ni Amora.

Medyo napahinga ng maayos si Ashyra. Mabuti na ang nawala lang kesa sa ibang ibigsabihin ng nawala...

"Saan kayo nagkahiwalay? Let's go there, baka may nakasalubong kayo dahilan napahiwalay si Luna. Sigurado akong maayos lang siya" Ashyra said tsaka tumingin sa mga kasama.

Nakayuko si Kasper, nakatingin naman sa paligid si Marine.

Napatibin si Ashyra kay Raiden, napansin ni Ashyra ang malamig na mga mata nito. Gusto kausapin ni Ashyra si Raiden pero gusto niyang unahin na hanapin si Luna.