يُقال بأن الأقدار تُكتَب وانَ لكُل منا قدرهُ يُفرض عليهِ وليس لهُ اما الرضوخ امامهُ او مقاومة القدر وتغيير مسارهُ ولو لشيئٍ واحدٍ فقط .
باحدى ليالي الشتاء القارصة .
اباوع بالمرايا الجانبية سيارة تمشي وراية بالبداية عبالي صدفة بس لمن غيرت مسار طريقي وبقت تمشي وراية تأكدت هي تابعة اله وهو اللي دازهم وراية
سحبت نفس بتعب وقفت السيارة بزاوية ركن ورجعت راسي عالمقود الخاص بالسيارك بمزاحمة كل الافكار السيئة ببالي ما اعرف شگد مر من الوقت واني على نفس گعدتي الا لما فززني صوت رنين جهازي باوعت عليه هوَ ديتصل عفته مرديت وبقيت على وضعي اثناء ما انقطع الاتصال صدر صوت اشعار مسجات فتحتهم همين منه
"لتبقين برة رجعي للبيت "
"عندچ مهلة لخمس دقايق اذا ما حركتي ورجعتي للبيت اني اعرف ارجعج"
اقرا وغليان مشاعر بداخلي من تصرفاته المميتة شمرت الجهاز وشغلت السيارة ارجع للبيت .
صفيت السيارة ونزلت منها لگيت شخص واگف بالحديقة اللي يم الباب لابس اسود وداير ظهره من هيئته الخارجية عرفته هوَ مشيت بخطوات مُتثاقلة باردَة
وصلت لعنده هو التفت علية عيونه المُخيفة بعقدتهم والهالات اللي تحيطها بقى مركز بية لثواني وبعدها اردف :- راح اسافر
صفنت دقايق بوجهه وابتسمت ابتسامة صغيرة:- وشنو يعني؟
:- ما تبقين هنا وحدچ عندچ خيارين ومُجبرة توافقين على واحد منهم .
..كتفت ايدي لصدري وبقيت مركزة عيوني بعيونه :- شنو هم؟
اخذ نفس :-يا تخليني اخليلج حراسة عالباب ويرافقوچ وين ما ترحين لبين ما ارجع او تجين وياية اكمل شغلي ونرجع .
:- وشنو يعني هسة اني لازم اختار واحد من ذني الشروط مالتك؟؟
غمض عيونه بشكل انسان متوجع وعافني وگعد على مدرجات الباب بقى مدنگ راسه وماحچة اي شي استفزني بتصرفه رجعت كملت :- خيرر شو لبستنيي؟؟؟
رفع راسه باوع بعيوني بتعب فظيع واضح عليه :- احتاج علاجي ..حچاها بصورة متقطعة
تغيرت ملامحي بسرعة للخوف ولگيت نفسي ناسية كل شي اقتربت منه گعدت مقابيله بالگاع :- وين علاجك؟ السيارة مالتك ماكو برة شلون جيت؟
يحچي بصعوبة وهذا معناها وصل لاقصى مراحله والعلاج مالته ضروري ياخذه حالاً .. صرت افتر حايرة منين اجيب العلاج بعدين تذكرت الناس اللي دازهم وراية ايي اكيد بعدهم برة طلعت ركض عليهم اباوع صافين السيارة بعيد صرت امشي لعندهم هم من شافوني هيچ نزل واحد من السيارة واجاني يركض لان الخوف چان واضح علية وعلى طريقة مشيتي اللي تشبه الهرولة ..
وصل يمي وهو يتنفس :- خير مدام بيج شي صاير شي؟
حجيت بسرعة وخوف:- اي عفية اريد علاجه يمكم تخربط ولازم ياخذه حالاً
أنت تقرأ
كمّال الآيّار
Mystery / Thrillerانا تِلك التي كَبِرت دون غصنها الاخر تَربت وترَعرَعت على حُبهِ لم تكُن تعلم انها لم تكن سوى عشق بديل الجسم لها والقلب مُغيب ألها من القلب نصيب ؟ .
