كمّال الآيّار

الحَلقة الثاني والاربعون

#كمال الايار
#رُسُل الكاتب

ذاك اليوم اللي چنت گاعد بالمعهد اللي فتحته من رجعت يعني چان مار عليه فترة واليوم اول يوم الي وية طلاب السادس وجبة جديدة ادرسها احياء
صعدت فوگ بعد ما گالولي كلهم موجودين بالقاعة
صعدت ولو ادري هيچ راح اشوف چان الموت اهونلي
ولا صاعد  ..

اول ما دخلت للقاعة عيوني مشطت الموجودين بصورة عامة وفجأة من بين الحضور كله صارت ميار گدامي اختل توازني للحظة
كل اللي ببالي اتخيل وما اريد انحط بهيچ موقف گدام الطلاب حاولت اغمض عيوني وارجع افتح
بس نفس الشي الوضع ما تغير
والصورة نفسها متروح
وهي تباوعلي بنظرات خاوية بس مو نفس نظراتها
اللي تعذبني وتشگ روحي
لا هالمرة نظرات ما وصلت لروحي
هنااك و وين طخ عندي اختها
توأمها المتماثل واللي تشبهها حتى بالصوت
بلعت ريگي من هول الموقف ومن صدمتي اللي فززت بية مشاعر چنت دافنهن گوة علية ..

نزلت راسي بدون ما اباوع والمحاضرة كلها اني ما وجهتلها نظرة حتى لا اضعف وارجع اتخيلها ميار وتصير اشياء بغنى عنها ..

كملت المحاضرة وطلعت من المعهد كله
ومن هاليوم ابتدأ عندي شعور جديد
ايما ما تربى بدون ام اجيبلها اختها تربيها وتكون امها
ما اسمح لاحد يعاير بنتي ويگللها انتِ امچ ميتة
اجيبلها ايار هي تربيها
بس شلووون!!!!!!!!! ..

مرت علية ايام وليالي اني ضايگ المر اريد بس شي فكرة تخليني اوصللها بدون ما ابينلها اللي صار كله
لحد ما صممت على فكرة اقترب منها واتزوجها
حتى تصير الي
ومن هنا بدت قصتي وياچ ..

ايار ..
مو صدمة ولا رجفة ولا خوف ولا رهبة لا لا شي اكبر شي مميت قاتل اللي داحسه واللي دعيشه
بعمري مچنت متخيلة اللي مضموم هو هيچ
شگد مچنت اتوقعه چبير بس بعمري متوقعته لهالدرجة..

عفت كل شي واجة ببالي امي اول ما شافت ايما وشلون وضعها كله تخربط وانتكست
شلون ما حسيت شلون مشت المي من جواية واني ما ادري شلووون يا ربيي شلووووون
صفنت للحظات
لا مو شلون اني مو شيطانة حتى راح يجي ببالي هيچ تفكير واشك هيچ شك بي
هذا مو تفكير بشر هذا تفكير شياطين
وكمال شيطان!
انتبهت لايدي شلون ترجف وجسمي كله يختض اني لساعتني ممستوعبة الصدمة لحد هسة مدا اصدگ اللي حچاه واستوعبه

باوعتله بعز انهياري وخوفي وبچيي ورجفتي
مد ايده يريد يلزمني عطت بخوفف وصياح
:- وخرررررر وخررررررررررررر ما اريدددددك وخررررر اني مو مياررررر والله لو ميااااااار عوفنييييييي

كمال :- اهديي اهديي ما اسويلچ شي لا تخافين

زحفت بنهاية الغرفة گعدت بوضعية الجنين اللي متكور على روحه وية محاولاتي العقيمة بتطمين نفسي
واللي كلها تنتهي بالفشل ..