كمّال الآيّار

الحَلقة السابعة

#كمال الايار
#رُسُل الكاتب

:- الزبدة من هذا كلامج ؟

:- الزبدة انتَ بهاي تصرفاتك خليتني اعيد النظر هواية بعلاقتنا والافضل تنتهي وتموت مزالنا عالبر

اجاني صوته وهو يحچي ببرود قاتل :- ومنو يگول احنا عالبر ؟

:- عفواً ؟ ليش شنو اللي صار اساساً هو حتى تسأل هالسؤال هذا ؟!

رد بابتسامة :- الصار بيچ انتِ مشاعرج هالمرة مو مثل كل مرة يعني مشاعر اليوم مو مثل مشاعرج البارحة اليوم انتِ گلبچ طوع ايدي واني اعرف هذا كله مكابرة منچ فليش دتأذين نفسچ وتأذيني اضعاف بسبب تصرفاتچ هاي ؟

:- يا تصرفات كمال يا تصرفات لخاطر الله دشوف نفسك واسلوبك بالكلام وياية عبالك اشتغل عندك ورأيك من ينفرض علية مُجبرة اسمعه ولا كأن اني انسان والي شخصيتي و كياني !

همس بحيرة :- هسة اللي ترديه شنو ؟

:- تنساني وننسى بعض

:- ليش هيچ انتِ سلبية ومن اول وگعة تردين تتركين كل شي وتصيحين ننسى بعض ! ،، ليش ما ننطي فرصة لنفسنا نتعرف عليها اكثر ونتمسك انهُ تنجح علاقتنا !

:- وليش اسوي هيچ؟

:- ليش يعني حبج ما يستاهل تضحين علموده وتتعبين حتى تحافظين عليه ؟؟

درت وجهي وما رديت عليه بهالاثناء سمعت صوت موبايلي يتصل امي فتحت خط عليها اجاني صوتها تحچي بخوف :- شنو ماما وين رحتِ ظل بالي

:- لا ماما هياتني جوة نزلت اشتري واصعد لتخافين ما اتاخر

:- ديلا لتتاخرين بساع رجعي

:- تمام حبيبتي

:- صدگ ايفان حيجي ويانا بنهاية الدوام ياخذنا نشتري ملابس كال صديقه مفتح مجمع كلش بضاعته زينة نروح عليه هو ياخذنا

:- ليش ايفان مو عنده دوام شلون يجينا ،، حچيتها وسمعت صوت زفيره بغضب

:- اي ياخذ زمنية

:- تمام يوم هسة حكمل واجي

:- يلا لتتاخرين

سديته منه دا ارجعه بالجنطة واجاني صوته :- شبي نعلان ديجيكم

التفتت عليه واني گوة لازمة اعصابي :- منو نعلان ؟

:- استاذ ايفان

:- اسمه ايفان ترة

:- ادري ترة شكو جاي عليكم لو هي دودة

:- هاي شبيك ترة ما اقبل تحجي عليه والنبي هسة انزل وحتى ما اتناقش وياك

:- ديلا خوش كملي

:- دياخذنا لصديقه نشتري ملابس

:- الج؟