كمّال الآيّار

الحَلقة الثاني عشر

#كمال الايار
#رُسُ الكاتب.

توني گمت دا اريد اروح ابدل واجاني ادم گال :- كمال جوة يريدج

هزيت راسي بتوعد اجيت والله جابك ..

باوعت على نفسي ابدل لو لا بعدين قررت ما ابدل بس رحت جددت حُمرتي وعطري ورتبت شعري ورحت للاستقبال اول ما دخلت صار گدامي ابتسملي بتوتر وقابلته بوجه مگلوب حچة بابتسامة :- يابة شلون بية اني بهالوجه المگلوب ..

باوعتله بغرور وشحيت بنظري عنه

تقدم بأتجاهي وصل يمي وحچة بتنهيدة :- ضايج مني روحي؟

:- شتگول انتَ ؟

:- اگول ما تضوج مني حبيبتي تعرفني شگد احبها

:- كلام يفيدك

جرني من ايدي وگعد عالتخم وگعدني على رجليه وعيونه بعيني وايده تلاعب شعري :- زعلانة اميرتي عالمهر لو عالحفلة

:- ماكو وحدة تنبلع اقل من الثانية ترة

مرر ايده على وجهي :- اسف جُمارتي اذا عالمهر فهذا حقچ علية وتاخذيه من عيوني واذا مفكرة انُ انتِ سلعة ودا اقيمچ بفلوس فابدا لا بالله العظيم المهر هذا ما خليته الا اني ردت اضمنلچ حق من حقوقچ وياية واذا عالحفلة انتِ تدرين بية كلش زين اني اضوج من الهوسة وانتِ ماشاء الله صايرة يمكم الزوراء والله دست على نفسي اتحمل بس ما گدرت راسي گام يدگ وغصب عني عفت المكان وطلعت ..

جاوبته بضوجة:- بس ترة هذا مو عذر يعني اليوم الحفلة بالله هيچ هاي بس بالعرس همين ناوي تعوفني وتروح والله شنو تضوج من الهوسة

هز راسه بنظرات غريبة ورد :- ميخالف بذاك اليوم اهونها علية لخاطر عيونچ ما تزعل

سكتت ونزلت راسي قرب راسه من رُگبتي طبع قُبلة بمنطقة النبض وحچة :- بعدها زعلانة جُمارتي

هزيت راسي بلا واني شعور يحتليني غريب اول مرة احس بي وكأن دغدغة ببطني ..

حك خشمه قريب من صدري بخفة وطبع قبلة عليها

احاول ابعده مني بس احس كل حركتي نشلت بحركاته وكأني فقدت السيطرة على نفسي ما حسيت الا لمن ايديه تسللت لغير اشياء مديت ايدي بصعوبة وهمست :- لاا

رجع راسه واخذ شفتي بين شفايفه ثواني وابتعد بحركة الصحى على نفسه ويمسح بأيده على وجهي ورگبتي وحچة:- حضنچ ضيعني 

ابتسمت بخجل وهو ضمني بحضنه بطريقة غريبة متمسك بية لدرجة حتى عظمي طگ ..

باوعت بعيونه الذبلانة :- كافي حبيبي خاف يجون اهلي

هز راسه بأي وابتعد عني وفعلا دقايق واندگ الباب دخلت امي باركتلنا وقدمت صينية عصير وكيك حطتها عالطبلة وكمال حچة وياها :- عمة اني راح اخذ ايار ونطلع عازمها برة