كمّال الآيّار

الحَلقة الرابع والثلاثون

#كمال الايار
#رُسُل الكاتب

:- شنو منو گال حرام غير متطلگين

:- منيلچ هاي السالفة

:- شنو منيلي هاي السالفة شبيك والمحكمة اللي رحنالها وطلگتني گدام القاضي

:- هاي شلچ بيها واني هيچ زوج اطلگچ

رجف صوتي :- يعني شنو

:- تخدير اعصاب الچ حبيبتي بعدچ مرتي بشرع الله..

فتحت عيوني بصدمة وايدي كلها ترجف :- شلون

ابتسم ولزم ايدي نفضتها عالسريع منه وهو رد :- رددتُكِ الى عصمتي

:- ورجعتلك؟

:- ورجعتيلي

:- واني رأيي وين بالموضوع؟؟؟؟؟؟؟؟؟؟

:- "وبعولتهُن احق بردهن في ذلك ان ارادوا اصلاحاً " ما طول اني شايف بهذي الرجعة اصلاح فأكدر ارجعچ برضاچ او بدونه

فتحت عيوني بصدمة من اللي دا اسمعه وكل اطرافي ترجف :- هاي عود صدُگ تحچي لو دتتشاقى؟؟؟

:- لا صدگ

بقيت مبهوتة وبس دموعي تنزل صافنة شلون رأيي معدوم وما الي حق حتى انُ اني ارفض الرجوع للزوج بس بمجرد هو شاف هالشي صحيح خلص حتى لو چان مو ادمي لو يضرب لو يأذي لو طايح حظه ورأيه ممأخوذ بي هو يبقى من حقه الرجعة !!!!

عقد حواجبه من ردة فعلي :- ضجتي؟

:- طبعا اضوج طبعا دا اغلي اني مو بس دا اضوج بأي حق ترجعني وشنو سويت اني اساسا من خلصت منك وطلعت راجعتلك

:- وشتردين حضرتچ اعوفچ بكيفچ اذا انتِ ما عندچ عقل تفكرين ترديني اني اصفگلچ واگلچ يلا؟

:- عقليش كمال عقليش هو انتَ شبقيت بية مسويته وختمتها بزواجك هسة ارجعلك تگلب بيتنا مگودة وحدة طابة و وحدة طالعة

عيونه صارت جمر من الاعصاب يحچي بصوت ناصي بس بعصبية :- انتِ صدگ زعطوط تدرين مو صوچچ صوچي اني الجاريتچ بالطلاگ لو عايفچ منچبة هواي احسن لان طلعتي كل شي متفتهمين مثل الزمال بس تگمزين وتهوبزين

:- اني؟؟؟؟؟

:- اي انتِ

:- والله اني اللي صدُگ اطلع ما افتهم اذا رجعتلك

:- غصبا ما على راسج ترجعين

:- تجبرني ؟؟

:- واكسر راسج هم

خزرته ودرت وجهي منه وهو گام قبل ليطلع اندارلي وحچة بوعيد :- باچر جاي ارجعچ واذا انتِ صدگ مرة وطالعة من ظهر زلم ارفضي لترجعين وشوفي

:- شتگدر تسوي ؟؟؟

:- انتِ جربي و شوفي شگدر اسوي

حچاها وطلع وخلاني بقهري وصدمتي احس راسي من التفكير صار طبل مادري ضغطي ارتفع وگمز للعشرين من الحرگة على ساعة مجلوطة والله كل حرگة ينطينياها بالعظم يدُگني دگ بيها