كمّال الآيّار

الحَلقة السادس عشر

#كمال الايار
#رُسُل الكاتب

سديت الاتصال من عنده وطلعت برة شافتني امي حچت :- كملت لف وحطيتها عالنار بعد ماعندي شي بس غسلي المواعين اللي توسخت ..

هزيت براسي وفكري مشدود عنده وشنو ممكن تكون تبريراته راسي طبول تدگ بي من الهوسة ما صدگت كملت المطبخ وصعدت للغرفة طلعت كل ملابسي وگعدت ارتب بيهم حتى ما ابقى افكر ونفس الشي اصلا زاد ما قل

كملت ونزلت جوا تغدينا وگلت لاهلي كمال حيجي بعد شوية نطلع عادي محچوا شي صبيتلهم چاي وصعدت ابدل ..

باوعت الساعة بالاربعة العصر بدلت بنطلون كابوي ثلجي چارلس وفوگاه بلوز صوف فضفاض احمر وطقمت وياه حذاء ابيض وجنطة بيضة ولأول مرة باوعت عالحمر وعجبني احط حُمرة حَمرة اكتفيت بيها وبماسكارا ..

كملت ودزلي رسالة هو جوة ينتظرني نزلت لگيته گاعد بالاستقبال يم ابوية وامي اول ما وگعت عيونه علية صفن لحظات وبعدها تدارك نفسه وگام :- يلا

گمت وياه طلعنا للسيارة اول ما صعدنا اندارلي بغضب :- شنو هذا اللي بحلگچ خاتون

:- حُمرة .. حچيتها بأستفزاز

:- لا والله مادري بيها حمرة اني هاج خففيها

عندت وياه:- ما اخفف عاجبتني

:- ارجعج والله اذا ما تخففينها

:- وشنو يعني بعد احسن ترجعني

:- ايار بطلي تصرفات المزعطة مالتج وصيري ادمية وخففيها كل مكان اله لبسه ومكياجه اني ما ماخذج العرس لو الحفلة حتى جايتني بهذا اللون رايحين مكان عام

:- محاطتها للعالم اني حاطتها لنفسي لان راهمة وية لبسي وبعدين شدخل المكان بالمكياج لخاطر الله ؟ وهو وينه المكياج اللي اني حاطته عدا الحمرة كل شي ممخلية

:- اي لان حاطتها كفاية و وفاية من البقية

:- ترة ما امسحها

:- خوش لعد لتظلين تعيطين هسة عالمكان اللي راح اوديج اله

هو اني شلون مخايفة منه وشلون الماضي مالته يمي بحركة لا ارادية مني سحبت كلينكس وخففت الحمرة مو هواية بس خليتها طبيعية ..

باوعلي بابتسامة مرسومة على شفايفه ورد :- بعد شوية

:- والقران بعد ما اخفف خوش لو لا .. حچيتها بعصبية

سكت هو بعد ما حچة شي ..

تكئبت من الطريق وهو مفاتح شي بالسيارة جريت موبايله چان مربوط بس ممفتوح بي شي بقيت اگلب صارت گدامي اغنية لأليسا اسمها فاتت سنين فتحتها حتى اسمعها لاول مرة واسمع كلماتها اللي اكتشفت انُ اني دا اعيش واقع هذي الكلمات

فاتت سنين وانا اسمعك ولا مرة فكرت اخدعك
مالقيتش جرحي بيوجعك ولا قلبي عز عليك
وعايزني ثاني اصدقك واسيب حياتك تسرقك
شيء مستحيل اني اعشقك او حتى افكر فيك
والله انا قلبي جنيت عليه وبكل بساطة لعبت فيه
وعايزني ارجع دالوقتي ليه لحياتي معاك
شفت القسوة فيك وعرفت الغدر ده من عنيك
انا بعد ده كله ازاي وليه ارجع لهـواك ..