كمّال الآيّار

الحَلقة التاسع والاربعون

#كمال الآيار
#رُسُل الكاتب

حَرگ وَردات گلبي
ويگلي رِجعيلي!!.

مرت فترة طويلة وخلصت السنة الدراسية نجحت
بيها للمرحلة السادسة
وصلت للختام وعلاقتي بكمال رجعت اقوى حيل
وصار ميمشي يومه اذا ميتصل بية كل شوية
وبالبيت كل شوية يحضن ويبوس
حتى ميار ما عاد يتذكرها
صار روحه بية اذا نجرحت يبقى الخوف والقلق ماكله
يدلل ويطلع ويونس ويحب وكل شي
رغم هذا چان من يباوع لعيوني يصفن هواية
ومن اساله شبيك يجاوب احبج واتمنى ميخيب ظني
لان اذا خاب ظني هاي القاتلة الي
جنت اطمنه بابتسامة كاذبة واسكت
لحد ما وصلت لقمة انتقامي
واليوم اجة اليوم الموعود
اليوم اللي رسمتله سنين
اليوم اللي احقق بي غايتي
وانتقامي بي منه ...

العودة الى الماضي ..

واگفة گدام مكتب واحد من المحاميين
الشطار اللي ببغداد
جريت نفس بعد ما صممت على قراري
النهائي وخلص هذا اللي لازم يصير ويستحقه
دخلت للمكتب بعد ما دخلتني
السكرتيرة اول ما فتت صار گدامي المكتب
مالته باوعلي بأبتسامة لطيفة وحچة
:- اهلا وسهلا ست ايار

:- اهلا بيك استاذ

:- شلون حضرتج

:- الحمدلله استاذ انتَ شلونك ؟

:- اني بأحسن حال ..
سكت ثواني واردف .. اي ست ايار اوراق الخلع
اكتملت والتقارير كلها اللي رفقناها
تحكملج بالخلع من اول جلسة
بس لازم موافقته هاي تصير ورة السفر
اني اشتغل بيها ..
واوراق السفر مكتملة بس تحتاج توقيع الموافقة مالته

هزيت راسي بحيرة :- تمام اني اخلي يوقعهم

:- اي الباقي كله كامل بس ما اباشر بشي
لحد متسافرين خوفا على حياتج

هزيت راسي واني اردد عليه كلمات الشكر وطلعت
من يمه متوجهة للبيت بعد ما اخذت وياية
اوراق السفر اللي تحتاج توقيعه ..

وصلت للبيت ومر اليوم طبيعي
بالليل جنت احوص اريد طريقة اخلي الاوراق
گدامه ويوقعهم بس شلون ما ادري
هو كل يوم بالليل يجيب مجموعة اوراق
ويبدي يشتغل بيهم اللي تحتاج تدقيق وتوقيع
يخليهم اخر شي ..
اجتي ببالي فكرة اخلي الورقة وية الاوراق مالاته
بس ترددت ، خفت لا ميشتغل اليوم والورقة
تروح وية اوراقه ، او يقراها وهنا انتهي حرفيا .

بقيت افتر لحد ما جتي ببالي فكرة جهنمية
رحت غيرت ملابسي ايما نايمة بغرفتها
والبيت هادئ لبست شورت اسود مشبك
و وياه تيشيرت كيمونو اسود لنص البطن
خليت حمرة حَمرة وفتحت شعري وعطر
وطلعت برة للصالة
هو جان طالع برة ديجيب اشياء لايما لروضتها
خليت الاوراق وية اوراقه ثاني ورقة بالضبط
ورحت لبست روب فوك ملابسي وكعدت
فات هو اني كاعدة شمرلي بوسة بالهوا
واجة كعد يشتغل بالحاسبة بالبداية
عيونه كل شوية تجي ناحيتي وترجع للحاسبة
كمل وجاب الاوراق ديوقعهم
اول ورقة وقعها وصل للثانية
ذبيت الروب وحجيت بصوت ناصي بس مسموع اله
:- اووه اشو استحريت هواية