كمّال الآيّار

الحَلقة الثامن عشر

#كمال الايار
#رُسُل الكاتب

بقيت بدوامة استمرت دقايق بين الـ"اي" وبين الـ"لا"

ومن بعد تفكير جاوبته من لا وعي :- اي

وسعت عيونه على كبرهن بحماس :- والله والله؟؟؟؟

:- والله بس من هسة نتفق

:- على شنو

:- تبطل حچي على ايڤان وحتى اريحك لان الظاهر انتَ حتى من گلتلك هو اخوية بقيت نفسك فايڤان مرتبط ومبقى شي ويخطب

حچة بفرحة :- ايي واخيرا اعرسه قبل عرسي حتى ادفسه وية مرته واخلص منه

:- يااااه شتفقنا

:- اشاقة جمارة اشاقة

سكتت وهو كمل بفرح وحماس :- باچر نروح نجهز ونتزوج نهاية هذا الشهر

عطت بي مصدومة:- دخاااف متقبل احسننن؟؟؟؟؟

:- ها شبيج نرعصتي

:- شنو نهاية هالشهر هو اني شمسوية حتى اكمل بكم يوم كمال والنبي اذا حصرتني حصرة الچلب مثل الخطوبة والنبي والنبي ابطل خوش لو لا خلي نجهز ونرتب عرسنا على كيفنا ممستعجلين ومن نكمل نحدد موعد للعرس

صفن بوجهي وگلب وجهه :- ادري بيج خبيثة راح كل اسبوع تطلعين تشترين قطعة ومنا عالسنة الجديدة ان شاء الله مكملين نص الجهاز والفرج من الله

ضحكت على شكله :- لا مو هيچ زين شنو رأيك نطلع وحدنا نشتري تجهيزات عرسنا وبهالحالة حتضمن وقت اسرع؟

:- اي هيچ خوش دحضري نفسج باجر من الدوام نطلع ونروح نشتري

:- مو باجر عندي حفلة خليها عالوراها

:- حفلة شنو ؟

:- زواج بنت صديقة امي والبنية كُلش لطيفة واصرت انُ احضر فحروح وية ماما باجر

:- وشوكت چنتِ ناوية تگليلي يالمحروسة من ترجعين ان شاء الله؟

:- مفتهمت ليش دا اگول؟

:- وتطلعين بدون متاخذين رأيي؟؟

:- شبيك كمال رأي شنو غير رايحة وية امي

:- وان يكن تنطيني علم، ايار بطلي هالتصرفات انتِ هسة صرتِ متزوجة تصرفات الزعط عوفيهن على صفحة كل شي تسوي يكون عندي علم بي افتهمتي؟؟

:- وخصوصيتي اني وين ؟

:- يا خصوصية لا تجلطيني انتِ قبل من تطلعين مو تستاذنين من اهلج؟

:- بلي ؟

:- اي وهسة انتِ طلعتي من عصمة اهلچ ودخلتي بعصمتي فتاخذين رأيي اني

:-اهووو شگد معقدين

جر نفس ينبه على نهاية صبره :- ميخالف يابة ما راح تروح ايدج لو رجلج اذا گلتيلي قبل ما تطلعين