#كمال الايار
#رُسُل الكاتبانـا اول ابنادم گَلبه ما يَبرد
انـا المبيوع سَد بسَد
انـا الخَلص حياته يگـول
چا وَحَد؟ .طلعوا كلهم واني ايما تنحست ممتعودة عالهوسة
شايلتها وافتر بيها طلعت وراهم دا اتلفت وين اصعد
واجاني صوت من وراية يصيح
:- ميار مياررجفت رجلية احس النفس ثگل عندي
انداريت واني ميتة خوف
صار گدامي ابوية وعيونه مليانة دموع
منظره وكسرته كسرت كل ضلع بية
احس لهنا وخلص الدنيا خلصت عندي والهوا
ثگل علية مثل اللي ديصارع نفسه بنفسه
نزلت دموعي بحسرة وقهر وركضتله
متناسية كل شي حوالية
فتحلي ايديه وشبكته بكل قوة عندي
فززنا صوت بچي ايما اللي عياطها وصل لامة محمد
وخرت من يمه وهو عيونه علية وعليها
باوعلي وعيونه مدمعة
:- هي هاي بنت صديقه؟:- اي بابا
رجف فكه وفتح ايديه يريدها تروحله
بس هي غطت راسه برگبتي وشدت على حضنتي
باوعت لبابا:- تستغرب هسة احاچيها
انداريت عليها
:- ماما حبيبتي جدو يحبچ يريد يبوسچ
يلا حضني وبوسيه من خدهوخرت راسها خجلانة واصبعها بحلگها
باوعتلي ودمعة مچلبة برمشها
:- جوو؟:- اي جدو حبيبتي يلا
مد ايده اخذها مني يبوس بيها ويحضّن
كل نفس ياخذه منها ويوخر راسه يصيح
اخخخ يابة
چانت هاي حچايته تموتني
بس اسكت واتحمل علمودهم ..مر وقت لا بأس بي انداريت ولا سيارة موجودة
كلهم طالعين
باوع بابا لنظراتي گال
:- يلا بابا اني اوصلكمهزيت راسي وصعدنا وياه وصلني لبيت جُمانة دا انزل واخذ ايما گال
:- تضوجج خليها يمي ومن تخلصون خابروني امرلكم:- خاف تتعبك؟
:- لا بابا خطية شمسوية
هزيت راسي ونزلت وهم راحوا ..
طبيت جوة ورحت سلمت على جُمانة
اللي زعلانة تأخرت عليها بس شسوي كلتلها صار شي
بعدين احجيلج اني وبقوا يسألوني منو جابج
كلتلهم ابوية عاد التهوا بالحفلة ..لليل يلا كملت الحفلة امي خابرت ابوية
اجانا گال طلعولي برة
سلمت على جمان وامها وطلعنا اول ما صعدت
ملهوفة ادور على ايما صارت گدامي بالصدر محملة
بالغراض باوعتلي وتصيح
:- مما مما:- ها ماماتي ها حبيبتي
:- جوو اوفي نمنم وبابي
جايبلها حلويات وباربي چبيرة حبيبتي
مكيفة بيهم انداريت لبابا
:- بابا ليش كلفت نفسكتنهد :- اخذت گلبي هالطفلة انطيها عيوني
صفنت لحظات
اصدق شي سمعته بحياتي الدم يحن
يعني محد بيهم يعرف هي بنتهم
بس الدم خلاهم يحنون عليها وعبالك بنتهم
من غير ميعرفون
حبهم الها مثل حب اب لبنته
تنهدت واني اقطع افكاري بصوت ايما
KAMU SEDANG MEMBACA
كمّال الآيّار
Misteri / Thrillerانا تِلك التي كَبِرت دون غصنها الاخر تَربت وترَعرَعت على حُبهِ لم تكُن تعلم انها لم تكن سوى عشق بديل الجسم لها والقلب مُغيب ألها من القلب نصيب ؟ .