#كمال الايار
#رُسُل الكاتب
خَل ينساني!
ما اردله
لو يرجع طفل ويچلب
بقمصاني
انا المعلمه على المشي
ولمن ركض عافاني
والله لوصله المرحلة
يتمنى بس يلگاني !.
كُنتُ ابحث عن الراحة
في ثنايا ايامي وطياتها ، اطلبها وابحث عنها
فلم يأتِ يوم و وجدتها بهِ
حتى ذهبتُ راكضة اصنعها
تحقيقًا لِأعتزل اي ما يؤذيك
فررتُ هاربة احمل معي
شيئ مخبئ شيئ مجهول شيئ خفي
في محاولة عقيمة لتأمين روحي الخائفة
وهنا كان ما لم اجرؤ ان افكر فيه ابدًا
ابتعدت عن ما يؤذيني لاطمئن فما وجدتُها
ذهبت طالبة الراحة فلم احققها
اصبحتُ عالقة وسط كل شيء
بين الماضي والحاضر
وسط تفاصيلهُ
أغرقت وأتهت..
ايما :- مامييي مااامييي
ايار :- ها ماما شبيچ
:- ماميي جعانة
:- هسة امي بدلي ملابسج وغسلي بين ما اصب الاكل
:- اوكيي ماميي
.. راحت تبدل ملابسها واني احضر بالاكل
بعد متجي من روضتها اول شي تصيحه ماما جعانة
تاكل وتنام من التعب ..
تقريبًا مر على جيتنا تلث اشهر
الوحيد اللي چان يعرف اني وين هو بس ايڤان وجمانة
حچيت وياهم ونبهت محد يعرف بأي شي
وحتى المشكلة محچيتها الهم بس من عصبيتي وانفعالي وانهياري عرف اللي بيناتنا شي چبير كُلش..
رتبلي شقة اجار هنا ودفعلياها مفروشة وكاملة
ورتبلي شغل يم ولد صديقه عنده شركة اجهزة طبية
اشتغل وياه الصبح للعصر ارجع والباص مال الروضة يجي وراية يجيب ايما من الروضة احضر الاكل ناكل تنام هي واني اشتغل تكعد اما نطلع نفتر او نبقى بالبيت هي تلعب واني يمها ..
هذا الجانب الشكلي من حياتي اما الجانب الثاني
فما اعرفه شنو حتى ايفان منبهه عليه ميحجيلي بخصوصه..
ورقمي غيرته وبس انطيته لايفان وجمانة..
وبيوم اخابر على ايڤان دا اشوفه صارله يومين ماكو
ادزله مسجات يشوفهم وميرد
لو يوصلن وميفتحهم خبلني كل اللي ببالي بي شي
وايما تنگ فوگ راسي ماما نطلع وماما نطلع
گوة علية لبستها ولبست وطلعنا الثلج ينزل منا ومنا
بس شسوي وهم مرحنا بعيد حديقة
قريبة علينا رحنا بيها ..
وصلت ليم مسطبة گعدت وايما گدامي
تلعب بالمزلگانة واني اجرب اتصل بأيڤان
اكثر من عشرين مرة يلا رد بمسج
"اتصلي كاميرا"
صفنت هذا شبي تخبل ميكدر يرد ويفتح كام عادي
اتصلت عليه اول مرة ما رد رجعت دزيتله مسج
"شبيك تخبلت مو كلتلي اتصلي كاميرا ليش متفتح"
شافها واتصل كاميرا رديت ماكو شي مبين منه
شي ابيض اعتقد حايط توني دا اسلم وجتي ايما تبجي
حجيت باستعجال :- ثواني ايفان دشوف ايما
باوعتلها :- ها ماما شبيج حبيبتي
:- مامي ذاك البوي دفعني
:- ليش دفعج سويتيله شي؟
YOU ARE READING
كمّال الآيّار
Mystery / Thrillerانا تِلك التي كَبِرت دون غصنها الاخر تَربت وترَعرَعت على حُبهِ لم تكُن تعلم انها لم تكن سوى عشق بديل الجسم لها والقلب مُغيب ألها من القلب نصيب ؟ .
