كمّال الآيّار

الحَلقة الثالثة

#كمال_الايار
#رُسُل الكاتب

بقيت صافنة ومصدومة يعرفوا و وين وحجي بهير منو ؟ وليش جان بعيد عنهم وهو قريب وليش ديريد يوصله ؟ وبعد اسئلة كلها تدور براسي وما الها اي اجابة .

..احس راسي من الاسئلة صار طبل ، فزيت على صوت آدم مرتبك سألني:- ليش واگفة يمچ

تصنعت اللا مبالاة :- مادري شو دخت

اجاني يركض وبابا گام من مكانه بفزع :- شبيچ بنتي شيوجعچ

:- مابية والله بس اكيد لان جوعانة مماكلة والدراسة همين كلها طاقة وتعب

حچة بلوم :- يا بابا شلون متاكلين تردين تموتيني انتِ شعندي غيرچ بقى انتِ وذاك ،، روحي حبيبتي روحي اكلي ومن تكملين نامي وارتاحي حتى المغرب اخذج تحللين واشوف شعندج نقص

هزيت راسي بقبول ورحت كعدت يمهم لما صاحتنا ماما تغدينا وصعدت فوگ نعسانة نمت ،، مادري شگد مر وقت الغرفة ظلمة وصوت دگ عالباب وابوية يحچي :- ايار بابا گعدي يلا دنروح

،،هاي عادة ابوية ميچفت للغرفة يدگها ويحچي من وراها اما ادم وامي لا چفت .

كمت فتحت الباب صار ابوية گدامي ابتسم:- شنو هالكفشة هاي ولچ

:- والله نعسانة خلي نأجلها لباچر

:- لا لا مانتاخر ساعة زمان نسويهن ونرجع

:- خوش ،، رحت غسلت وجهي وبدلت ملابسي مستعجل حتى منتاخر اكثر ويعزلون ..

نزلت جوة لكيت امي كالت برة دينتظرج بالسيارة ،، طلعت اركض وصعدت يمه حرك السيارة وطلعنا ..

اجة على بالي مختبر ميكي انداريت عليه وسألته:- لأي مختبر حنروح؟

:- مختبر لولد صديقي

جيت اگول نروح للمُختبر مالته بس سكتت ما ردت اثير الشك .

وصلنا للمختبر سحبوا مني دم وكال صديقه هو يدزله النتيجة .

رجعنا للبيت گبل صعدت فوگ وكعدت اقرا والنتيجة طلعت عندي نقص فايتمين دي ،

استمرت حياتي بين الدروس والمدرسة اللي كثرت غياباتي بيها لحد فترة امتحانات نصف السنة اللي كملت الحمدلله بتوفيق واجتي العطلة بعدها گالوا ارتاحوا كم يوم بهالكم يوم كضيتها اغلب الوقت نايمة لحد قبل يومين من قبل لا تنتهي بيت خالو سووا عيد ميلاد لأبنهم وقررت اروح وياهم اني احب بيت جدو هواية وعلاقتي بيهم كلهم لطيفة بس بسبب السادس اعتكفت وگمت ما اروحلهم بس هم دائماً يسألون امي علية

كعدت الظهر اول شي سويته سبحت وسويت شعري كيرلي رجعت طلعت فستان قصير لون اسود صح راح اشبع برد بي بس هو حلو كُلش وكعدت احط مكياج كملت كل شي ولبست الحذاء الساعة صارت بالاربعة العصر نزلت جوة اهلي هم مكملين تقريباً انتظرتهم لما كملوا كل شي وطلعنا..