كمّال الآيّار

الحَلقة الثالث والثلاثون

#كمال الايار
#رُسُل الكاتب

يا بذات يالگطعَي يما تهتِم
‏كتبنالك قصَايد نبچَي بيهن دم

گمت گوة غسلت وبدلت ملابسي طلعت للدوام گوة مشيت اليوم لان چنت تعبانة ونعسانة وين ما اگعد احط راسي واغفى  ما صدگت خلص ورجعت للبيت شمرت روحي ونمت هواي ما حسيت الا على لمسات على وجهي تململت بانزعاج عبالي دا احلم ولساتني نايمة بس صار عطر بخشمي وهالعطر مو غريب علية
فزيت مرعوبة وعيوني تتفحص بالمكان جتي عيني على لهيب نار مشتعلة مديت ايدي فتحت التيبلام والرجفة بيدي بس رهبة  لان شبه عرفت منو ولمن فتحته تأكدت صارت عيوني عليه گاعد عالكرسي مُقابيلي بيده جداحته يفتح ويسد بيها وعيونه متشخصة بيها باوعتله بخوف وحچيت گوة

:- كمال

رفع راسه بس عيونه ميحطهم بعيوني صفن ثواني وحچة:- مرتاحة

هزيت راسي بخوف :- دا احاول اعيش

گام من مكانه اجة بصفي واني الرجفة اكلتني همست بخوف :- وين كمال

:- اششش لتخافين ما اسوي شي

تمدد يمي وحط راسه على صدري جيت احچي واوخره بس سبقني وحچة:- بس هاليوم

:- حراااام

:- لا مو حرام سكتي

مد ايده سحب ايدي حطها على راسه تحسست جسمه المشتعل لهيب رغم برودة الجو القاتلة

طلع موبايله من جيبه شغل اغنية سعدي الحلي

مابدلك والنبي ما طول عندي عيون
ما بدلك والنبي ما طول عندي عيون
كل ظني توفي بالعهد بالعجل ليش تخون
كل ظني توفي بالعهد بالعجل ليش تخون
ششفت مني ذنب وعالهجر من دلاك
كل ما تعذب الگلب لا تعتقد ينساك

ساكتة وحابسة انفاسي رغم كل اللي صار كُله وشگد جبروته وقوته بهاللحظة حسيته اضعف مخلوق عالارض منظره دمرني ..

شدد ايده على حضني وما اسمع بس حسراته مرت لحظات قاتلة لا ارادي حركت ايدي دا اوخر وهو ما صدگ حچة :- لعبي بشعري

:- بس قاطعني ورد:- بس هالمرة

سكتت وايدي متخللة خصلات شعره مر وقت لا بأس بي حسيته ثگل نفسه باوعت لگيته غافي

خفت ، خفت لا تدخل امي وتشوفه وساعتها حتقوم القيامة بچيت بضعف لا يهون علية اگعده لسة تصرفه وحسراته تحرگ روحي وخايفة من ردة فعل امي اذا فاتت

انتظرته للفجر مساهرة يمه وگاعدة رغم عيوني تطفي من النعاس بس بقيت گاعدة لحد ما صارت الساعة بالخمسة وربع تململ من مكانه واني ما صدگت هزيته بأيدي واهمس يمه :- كمال فدوة اگعد لتجي امي

فتح عيونه بدون ميباوع علية وگام من مكانه عيونه حمر جمر فرك وجهه وگام حچة بدون ميباوع :- ما نمتي