#كمال الايار
#رُسُل الكاتب
-ورة مراح لملمت المطبخ وصعدت لفوگ سبحت ودخلت للغرفة فتحت الجهاز لگيت مسج منه فتحته راد عالستوري مال ايڤان اللي شاركته :- على اي اساس ينام على رجلچ هيچ!!!.
صفنت هاي شبي هذا بقيت دقايق ابارع عالمسج مالته افكر برد اخر شي كتبت :- بصفته ابن خالو وصديقي واقرب انسان الي
الظاهر چان متواجد لان بسرعة شاف المسج وكتب :- وينام على رجلج؟
استفزني حسيته وكأنهُ ديتدخل بحياتي واكثر شي انقرف منه بحياتي هو احد يدحس خشمه ويتدخل بية كتبت بضجر:- ترة عادي وشنو يعني ؟ اذا انتَ عندكم هالشي ميصير فاحنا علاقاتنا العائلية مترابطة لدرجة انهُ محد يركز على هالاشياء و واحد يعتبر الثاني اخ واكثر وكلنا عائلة وحدة !.
دزلي مسج :- اگدر اتصل ؟
قريته واحس كل عصبيتي تبخرت وانگلبت للتوتر والارتباك اخذت نفس اكثر من مرة وزفرته حتى اريح نفسي ،، گمت سديت الباب ورجعت كتبت :- اي
بسرعة اتصل اول مفتحت خط اجاني صوته :- شلونها طفلتي الگاعدة تعاركني ومعصبة
حچيت بتوتر :- زينة استاذ وانتَ ،، حچيتها وانتبهت على نفسي چفصت بكلمة استاذ
ضحك بصوت عالي اخترق مسامعي ورسم البسمة على وجهي بسبب ضحكته :- استاذ اياري ولج تردين تعلعلين گلبي بهالكلمة
ابتسمت :- بلا قصد طلعت مني
:- ولا يهمچ گليبي ،، اي احچيلي منو هذا وشنو علاقتكم هالگد قوية ..
من صار الموضوع على ايڤان تحمست وحچيت بحماس :- اييي ايي انتَ متعرفه هو اسمه ايڤان اكثر انسان قريب مني احبه كُلش هواية وهو همين ودائماً احنا سوى حتى من ننجمع وين ميكون ايڤان تكون ايار او بالعكس ويعني حَرفياً اكثر انسان يفهمني من عيوني واكثر واحد اني شالعة گلبه ويلملم وراية وشنو اسوي مصايب هو يتحمل الرزايل ،، ضحكت واني اتذكر موقف من المواقف اللي صارت وبديت احچيله
هاي مرة چنت بصف الثالث متوسط اهلي چانوا مسجليني دورات خصوصي حتى اطلع معدل عالي فاني مچنت احب مدرس الرياضات وما احب احضر محاضراته بيومها چان عندي محاضرة وايڤان گعد يحرگ باعصابي مسوين جمعة وحيطلعون فلم ويضوجني انهُ اني ما اگدر اروح بسبب المحاضرة بحيث هو يحجي واني احرگ باعصابي وافكر بشي ميخليني اروح للمحاضرة اخر شي توصلت اضربها واروح لبيت جدو بس كدام اهلي اني بالمحاضرة والله طلعت ورحت الهم وايڤان گعد يحقق وياية ليش مو بالمحاضرة سلكته بعذر انهُ الاستاذ لغى المحاضرة صار عنده ظرف واجيت المهم كملنا الفلم والسوالف واني الافندية گاعدة گعدة ملوكية حاطة راسي على رجل ايڤان ورافعة رجلية عالكوشات ونضحك وما احس غير امي ببيت جدي وشكلها ميت رعبة وخوف اول مشافتني جتي تركض حضنتني وتبوس بية عبالها بية شي بقت حاضنتني لحد مخفت هبطتها واندارت سألتني:- ولچ انتِ شتسوين هنا والاستاذ مالتج خابرنا گال شنو ايار اليوم متجي وانتِ كدامي طلعتي للدرس حيل مابقى عندي مية فكرة جتي ببالي لو ما شوية گلبي واگف
STAI LEGGENDO
كمّال الآيّار
Mistero / Thrillerانا تِلك التي كَبِرت دون غصنها الاخر تَربت وترَعرَعت على حُبهِ لم تكُن تعلم انها لم تكن سوى عشق بديل الجسم لها والقلب مُغيب ألها من القلب نصيب ؟ .
