Ancestal God's Artifacts [Volume 4]

Chapter 8

Mabilis naman siyang sinundan ng puppet ni Human Demon General Criouse habang animo'y nakakaalarma ang sandatang ginuguyod nito na siyang nagsisilbing nakakakilabot na sandata.

Naalarma naman si Human Demon Chief Frant sa kaniyang obserbasyon sa puppet at namangha at nangilabot siya sa kaniyang natuklasan. Hindi ordinaryong puppet ang nagagawa ng mga Human Demon General halimbawa na lamang rito ang nagagawa at kakayahan ni Human Demon General na palakasin ang buhay na host nito sa matataas na lebel nito. Siguradong minamaliit siya nito at isang puppet lamang ang ipinadala niya kung dalawa ito o kaya ay marami malamang ay siguradong patay na siya ngayon.

Anong gagawin ko?! Kapag nagpatuloy pa ito ay mamamatay na ako at hindi ako matatahimik at hindi ako papayag na basta-basta lamang akong mapatay o mapaslang lang ng dahil rito. Aalm kong tuso si Human Demon General Criouse at hindi niya hahayaang mapahamak ang sarili nito hangga't wala akong sapat na ebodensya. Yunang inaakala niya. Sisiguraduhin kong mabubuhay ako at pagbabayaran niya ang lahat ng ito!" Sambit ni Human Demon Chief Frant habang makikita ang labis na galit nito sa kaniyang mukha. Nag-iisip siya ng paraan kung paano siya makakatakas sa sitwasyong ito.

...

Makikita sa kagubatang ito ang naghahabulan na dalawang nilalang makikita na hindi ito simpleng habulan kundi isang life and death situation. Ang isang nilalang na may maamong pagmumukha ay mabilis na nagpapalipat-lipat ng lugar habang ang isa naman ay may nakakatakot na itsura na animo'y pinagtagpi-tagpi ang balat nito na animo'y hindi ito isang buhay na nilalang ngunit isa iyong pagkakamali dahil isa itong buhay na puppet. Ang bilis at liksi nito ay halos pantayan na ang bilis at liksi ni Human Demon Chief Frant ngunit hindi pa rin ito madakip ang tumatakas na si Human Demon Chief Frant. Isa pa ay medyo mabigat ang kamay nito na gawa sa parte ng long sword shark na may kabigatan ngunit may pamatay na atake.

Kapwa habol hininga ang pareho ngunit mas malubha ang lagay ni Human Demon Chief Frant  dahil hindi maitatangging napinsala siya ng lubusan mapaenerhiya man sa loob ng kaniyang katawan at maging ang kaniyang pagtamo ng saksak dulot ng mapangahas na aksyon ng buhay na puppet.

...

Sa kabilang banda, mayroong mga grupo ng mga tao ang nasa outer part ng Black Twin Mountains. Kakaiba kasi ang lupa rito, maitim, kakaiba at napakahiwaga. Sino ba naman ang gugustuhing makakita ng pagkaitim-itim na lupa o kabuhanginan?! Ngunit magkagayon man ay marami pa rin ang naririto ngayon sa lugar na ito alinsunod sa naging utos ng kagalang-galang o respetadong personalidad sa katayuan ni Sect Master Soaring Light.

"Hahahaha... Siguradong ako ang makakakuha ng pinakamalakas na Martial Beast rito hehe..." Sambit ng isang hambog na binata na mayroong mga babaeng martial artists ang inaakbayan nito. Mayroong itong matingkad na kulay pulang buhok na kakaiba kumpara sa ordinaryong kulay pulang buhok ng karamihan. Medyo may kayabangan rin ito at madalas na nakangisi.

"Hoy ikaw na kambing ka na mukhang orangutan na mabantot na Hanz Ciro ka, hanggang dito ba naman ay dinadala mo ang kamanyakan mo dito Grrrr dapat sa'yo ay tinuturuan ng leksyon!" sambit ng isang magandang babaeng kulay pula ang kulay ng buhok nito na katulad na katulad sa buhok ng mayabang na binata, makikita siya hindi kalayuan mula rito. May hawak itong isang malaking espadang mayroong apoy sa paligid ng sandatang ito. Mabilis itong sumugod sa lalaking may pula ring buhok. Sa awra pa lamang ng babaeng ito ay masasabing handa itong makipagbuno o makipagpatayan sa lalaking pinapaligiran ng maraming naggagandahang mga dilag.

Nang marinig pa lamang ng mayabang na lalaki ang boses ng babaeng kung makapagsalita ay parang mega phone sa lakas ng boses nito kung di siya nagkakamali ay halos tumahimik ang buong lugar at pawang silang dalawa lamang ang nasa lugar na ito.

Halos mapait namang nagsalita ang karamihan na mga taong nasa lugar. Halatang inaasahan na nila ang mangayayari pa lamang na tagpuan ng dalawang taong ito.