Ancestal God's Artifacts [Volume 4]

Chapter 73

Nakita na lamang ni Van Grego ang kaniyang sarili na naglalakbay sa kakahuyang walang buhay. Puro mga marurupok na kahoy lamang ang nakatayo at malalaking tipak ng bato. Kapansin-pansin na kulay abo ang lupa na parang ang lahat ng sustansya sa lupa ay walang natira. Nakikita ni Van Grego na masyado namang imposible ang bagay na ito sapagkat napakasagana naman ng Heaven and Earth Qi ngunit ang lupa at kapaligiran ay parang wala ng buhay. Napansin niya rin na mayroong humahalong Dark Essence sa hangin ngunit hindi naman ito dahilan upang mamatay ang sustansya ng lupa.

Maya-maya pa ay mabilis na pinalabas ni Van Grego ang Book Artifact sa kaniyang wrist o pala-pulsuhan. Agad namang lumitaw ang libro.

"Ano po ang nais niyong malaman Master?!" Sambit ng Book Artifact sa mechanical voice nito.

"Alam mo ba kung ano ang sanhi ng pagkawala ng sustansya ng lupa at ng mga buhay ng kapaligiran dito?!" Tanong ni Van Grego habang nakakunot ang noo nito.

Agad na sinuri ng Book Artifact ang lupa at ang kapaligiran.

"Hindi ko po alam Master, ang alam ko lamang ay abg pagkawala ng sustansya ng lupa ay hindi dahil sa Dark Essence kundi ang lupa ay may mismong nag-aabsorb ngunit may kumukuha rin ng sustansya rito." Sambit ng book Artifact sa usual nitong boses na animo'y isang robot.

Agad na ibinalik ni Van Grego sa kaniyang palapulsuhan ang Book Artifact na siyang naging parang markang muli na animo'y disenyo sa balat nito.

"Hmmm... Kung gayon ay mayroong kung anong nilalang ang kumakain ng sustansya?!" Sambit ni Van Grego at naramdaman niyang biglang nagkaroon ng mahinang pagyanig ng lupang kinaroroonan niya.

Crackkk! Cracckkk! Cracckkk!

Nagkaroon ng bitak-bitak sa lupa hanggang sa lumawak ng lumawak ito kung saan ay papunta sa direksyon ng binatang si Van Grego na siyang ikinanlaki ng mata ng nasabing binata.

PEHHHHH!!!!

Tumalon ng mataas ang binata paatras upang maapektuhan o mapinsala ang kaniyang sarili laban sa maaaring masagupa niya.

BAAANNNNGGGGG!!!!!

Hindi nga nagkamali ang binatang si Van Grego sa kaniyang assumption at bigla na lamang sumabog ng malakas ang kaniyang kinaroonan kanina. Kung hindi pa siya tumalon paatras ng maaga ay malamang ay nadamay siya o nasugatan dulot ng malakas na pagsabog.

"Muntikan na ko doon ah...hmmm." sambit ni Van Grego nang maramdaman niyang biglang nagkaroon ng crack ang kinaroroonan niya. Halos dalawang segundo lamang ito kung kaya't nanlaki ang mata ni Van Grego sa madaliang pagbago ng direksyon ng crack ng kulay abong lupa.

BANNNNGGGGG!!!!!!

Sa oras na ito ay walang nagawa si Van Grego kundi ipalabas ang kaniyang protective essence sa palibot ng kaniyang katawan. Waalng dudang nadamay na siya sa biglaang marahas na pagsabog ng lupa.

"Arrrckkkk!!!!"

Ramdam ni Van Grego ang pagtama sa kaniyang katawan ng marahas na pwersa ng lupa dulot ng pagsabog.

BOOGSHHHH!!!!!

Tumilapon ang sarili ni Van Grego sa malayong parte na kanyang pinagtalunan kanina. Napakabilis ng pangyayari at napakahina pa ng range ng divine sense ni Van Grego sa lugar na ito na siyang palaisipan sa kaniya.

Agad na bumangon ang binata mula sa pagkatilapon nito at mabilis na tumalon-talon paatras malayo sa kaniyang kinaroroonan kani-kanina lamang.

"Malas naman oh. Saan galing ang atakeng iyon. Posible kayang sa lupa mismo?!" Sambit ni Van Grego habang nagtataka. Hindi niya pa naririnig ang halimaw na kayang umatake mula sa ilalim ng lupa at sobrang talas pa at accurate ang pag-atake nito. Isa itong nakakamangha ngunit nakakatakot na pangyayari para sa binatang si Van Grego.