#កាលពី20ឆ្នាំមុនយើងបានឃើញនារីម្នាក់ស្ថិតនៅតាមដងផ្លូវរត់យ៉ាងលឿនតែដូចជាគ្មានគោលដៅទេ គេមិនដឹងថាគួររត់ទកន្លែងណាមួយឡើយតែទោះជាយ៉ាងណាក៏នៅតែខំបន្តដំណើរទៅមុខទៀតព្រោះគេកំពុងតែជួបនឹងអាសន្នអ្វីមួយហើយ
គេស្ថិតនៅក្នុងស្ថានភាពយ៉ាប់យឺនយ៉ាងខ្លាំង រាងកាយប្រឡាក់សុទ្ធតែដីហើយសក់ក្បាលដូចត្រូវនរណាចាប់បោច
យ៉ាងចឹង!! តែបើយើងមើលទៅសម្លៀកបំពាក់និងស្បែករបស់គេវិញ គឺមិនមែនជារបស់ថោកទេ។បើយើងសង្កេតមើលអោយច្បាស់តើយើងនឹងបានឃើញថាស្បែកជើងនិងអាវនោះជាប្រេនChanel
វាជាប្រេនមួយដែលពេញនិយមនិងថ្លៃបំផុតនៅជំនាន់នោះហើយមកដល់បច្ចុប្បន្នប្រេនមួយនេះក៏នៅតែពេញនិយមនិងថ្លៃដដែល មិនមែនមនុស្សធម្មតាសុទ្ធតែអាចមានវាសនាប្រើនោះទេ
តែវាពិតជាចម្លែកណាស់មនុស្សស្រីម្នាក់នេះមានសមត្ថភាពប្រើប្រេនchanelតែបែរជាមករត់តាមផ្លូវបែបនេះទៅវិញ តែមិនមែនរត់ធម្មតាទេគឺមានលាយឡំឃាមួយនឹងទឹកភ្នែកផងដែរ តើគេកំពុងជួបបញ្ហាអ្វីទៅ?
អ្វីដែរសំខាន់នោះគឺនៅក្នុងដៃរបស់គេមានកាន់ទារកតូចមួយទៀតផងអាចនិយាយបានថាទារកនោះទើបតែមានអាយុ1ខួបប៉ុណ្ណោះតែបែរជាត្រូវនារីម្នាក់នេះបីរត់យ៉ាងលឿន នេះបើសិនជាមាន បញ្ហាអ្វីមួយកើតដែលមិនបានព្រៀងទុកនោះដូចជាការក្រឡាច់ជើងដួល តែបន្តិចទារកនោះនឹងមានវាសនាមិនល្អទេ។
នារីនោះបានរត់មកដល់ភូមិមួយដែលមានផ្ទះអ្នកជាស្ថិតនៅជាប់ៗគ្នា ពេលនេះមើលទៅគេដូចជាអស់កម្លាំងខ្លាំងណាស់ ហើយគេគ្មានកម្លាំងគ្រប់គ្រាន់ដើម្បីបន្តដំណើរទៅមុខទៀតឡើយ
គេដឹងខ្លួនច្បាស់ណាស់ថាគេមានពេលមិនយូរទៀតទេ ហើយពេលនេះបាក់កម្លាំងទៀតក៏សម្រេចចិត្តដាក់ទារកនោះចុះនៅមុខផ្ទះអ្នកភូមិម្នាក់ ហើយក៏ដកថង់ក្រហមមួយមកដាក់ជិតទារកនោះរួមទាំងសំបុត្រមួយច្បាប់ផងដែរ។
នៅពេលនោះដែលនារីម្នាក់នេះបានយំយ៉ាងខ្លាំងដូចបាក់ទំនុកអីចឹងដែរ ព្រោះនៅពេលបន្តិចទៀតនេះគេនឹងត្រូវបែកពីទារកមួយនោះហើយ មិនដឹងថាពេលណាបានជួបគ្នាវិញហើយក៏មិនច្បាស់ដែលថាតើនឹងអាចជួបគ្នាវិញដែរឬទេ!!
YOU ARE READING
មនុស្សសម្ងាត់(ចប់)
Romanceពីក្មេងប្រុសម្នាក់ដែលរស់នៅដូចស្លាប់គ្មានអ្នកខ្វល់ខ្វាយជាមួយ ត្រូវគេធ្វើបាបតាំងពីតូចដល់ធំ តែគេមិនដែលព្រមចុះចាញ់នឹងវិថីជីវិតមួយនេះទេគេមានតែខំលើសដើម ប៉ុន្តែវាជារឿងចៃដន្យណាស់ដែលនៅសុខៗគេក៏បានទៅជួបបុរសម្នាក់ដែលនៅឆ្ងាយសែនឆ្ងាយពីពិភពដែលគេរស់នៅ បុរសម្នាក់នោះ...