Chapter (733) (စာစဉ် ၅၃- အပိုင်း ၅)
“အဖေတူသား”
ရဲနန်ရှန်၏ စိတ်ထဲတွင် သားဖြစ်သူ ရဲရှောင်မှာ ရှုံးနိမ့်သွားပြီဟု တွေးလိုက်မိသည်။ ထိုအချက်ကိုမူ သူကောင်းစွာ သိနေခဲ့သည်။
တခဏမျှ ငြိမ်သက်သွားပြီးနောက် ရဲနန်ရှန်မှာ သက်ပြင်းရှည်ကြီး ချလိုက်သည်။
ထို့နောက် လက်ထောက်စစ်သူကြီးအား ကြည့်လိုက်ရင်း တိုးညှင်းသောအသံဖြင့် -
“ငါ့သား . . . ရဲရှောင် . . . သူအသက်ရှင်နေသေးလား . . .”
ယခုအချိန်တွင် ထိုအရာသာ သူအလိုချင်ဆုံး အရာတစ်ခုဖြစ်သည်။ သူ၏သား အသက်ရှင်နေသေး သည်ကိုသာ သူလိုချင်နေမိသည်။
(သူက အသုံးမကျတဲ့ ကောင်လေးတော့ မဟုတ်ပါဘူး။ နောက်ပြီး ဆောင်ဂျုကလည်း သူ့အနားမှာ ရှိနေတော့ သူအသက်တော့ရှင်မှာပါ . . .)
ရဲနန်ရှန်အတွက်မူ ရဲရှောင် စစ်ပွဲတွင် အောင်နိုင်ခြင်းဆိုသည်မှာ မဖြစ်နိုင်သည့် အိမ်မက် တစ်ခုလိုပါပင်။
“ဘာကြောင့်များ ဒီလို မေးရတာလဲ စစ်သူကြီး . . .”
လက်ထောက်စစ်သူကြီးမှ ရဲနန်ရှန်အား ကြည့်ရင်း မေးလိုက်၏။
ရဲနန်ရှန် ထိုကဲ့သို့ မေးခြင်းအပေါ် နားမလည်နိုင်ဟန် ဖြစ်နေပုံပါပင်။
(တော်တော်ထူးဆန်းတာပဲ . . . ငါသူ့ကို သတင်းပို့ချက် ဖတ်ပြပြီးပြီ။ စစ်သူကြီးရဲက အောင်မြင်မှုကို ရရှိခဲ့တာလေ။ ဒီလိုဆိုမှတော့ သူက အသက်ရှင်နေလို့ပေါ့။ သူက ဘယ်လိုလုပ်ပြီး သေမှာလဲ . . .)
“ဘာတဲ့လဲ . . .”
“သတင်းပို့ချက်က ဘာတဲ့လဲ . . .”
ရဲနန်ရှန်မှ မေးလိုက်၏။
လက်ထောက်စစ်သူကြီးမှာ အံ့ဩသွားရပြန်သည်။
(ငါပြောတာကို မကြားဘူးလားဟ . . .)
ထို့နောက် လက်ထောက်စစ်သူကြီးမှာ လည်ချောင်းတစ်ချက် ရှင်းလိုက်ရင်း စိတ်လှုပ်ရှားစွာဖြင့် သတင်းပို့ချက်ကို ဖတ်ပြလိုက်ပါတော့သည်။
“အဟမျး . . . အဟမျး . . .”
“အနောက်အရပ်မှ သတင်းပို့လာပါတယ်။ သံတောင်ကုန်းမှာ စစ်သူကြီးရဲရှောင်က စစ်သည် တစ်သိန်းရှစ်သောင်းကို ဦးဆောင်ပြီး ဝရမ်ဂျန်ရင်ရဲ့ စစ်သည်တစ်သန်းခွဲကို တိုက်ခိုက်ခဲ့တယ်။ စစ်သူကြီးရဲက အောင်မြင်မှုကို ရယူနိုင်ခဲ့ပါတယ်။ သူနဲ့ စစ်သည်တွေက ထွက်ပြေးသွားတဲ့ ရန်သူနောက်ကို လိုက်သတ်ခဲ့ကြပါတယ် . . .”
YOU ARE READING
မိုးကောင်းကင်အောက်မှကလဲ့စား (အတွဲ ၃) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...