Chapter (841)(စာစဉ် ၆၀- အပိုင်း၁၃)
“သူ့နာမည်က ရဲရှောင်”
အချိန်အတော်ကြာပြီးမှ ရဲရှုချင်က ပြုံးလိုက်ရင်း -
“ဟုတ်ပါတယ်လေ . . .”
“ငါ့မြေးလေးက ဒီမှာ ရှိမနေသင့်ဘူး၊ သူသာ ဒီမှာ ရှိနေရင် သေသွားနိုင်တယ် . . .”
ရဲနန်ရှန်က ခေါင်းညိတ်လိုက်ကာ -
“ဟုတ်တယ် အဖေ . . .”
“သူက ကျွန်တော့်သား ဖြစ်နေတယ်ဆိုတဲ့ အချက်နဲ့တင်၊ ချင်းဟွာနန်းတော်ကို ခြိမ်းခြောက်နိုင်တယ် ဆိုတဲ့ အချက်နဲ့တင်၊ ဆယ့်ခုနှစ်လောက် ကြာပြီး နောက်ပိုင်း သူ့လို လူမျိုးက ဒီမျိုးနွယ်စုမှာ ထပ်ရှိ နေစရာ အကြောင်း မရှိဘူးလေ . . .”
“သူသာ ထပ်ရှိနေရင် ကိုယ့်အချင်းချင်း ပြန်သတ်တာ မျိုးတွေ၊ အာဏာလုတာမျိုးတွေ ဖြစ်လာနိုင်တယ် . . .”
“ကျွန်တော့်ညီ သေသွားရပြီးပြီ . . .”
“ကျွန်တော့်သားကို ထပ်အဆုံးရှုံး မခံနိုင်တော့ဘူး . . .”
“ကျွန်တော့်သားသာ ဒီကို ရောက်လာပြီး သူ ဘယ်လောက် ပါရမီပါတယ်၊ အစွမ်းထက်တယ် ဆိုတာ ပြလိုက်ရင် သူ့ကို သေချာပေါက် သတ်ကြတော့မှာ . . .”
ရဲနန်ရှန်က မချိပြုံး ပြုံးရင်း ပြောလိုက်သည်။
ရဲရှုချင် မျက်နှာ ကွက်ခနဲ ပျက်သွားသည်။
မည်သည့် စကားမှ မဆိုသော်လည်း လက်နှစ်ဖက်လုံး ကိုမူ ကျစ်ကျစ်ပါအောင် ဆုပ်ထားသည်။
ရဲနန်ရှန်က ဆက်လက်၍ -
“သူ့ကို အပြင်သိုင်းလောကမှာပဲ သူ့ဘာသာ ရှင်သန် ခိုင်းလိုက်တာ ပိုကောင်းပါတယ် အဖေ . . .”
“အဲဒါဆို မျိုးနွယ်စုကြောင့် စိတ်အနှောင့်အယှက် မဖြစ် ရတော့ သူလည်း လွတ်လွတ်လပ်လပ် နေနိုင်တာပေါ့ . . .”
“ဒီဆုံးဖြတ်ချက်ကို ညီလေးကိစ္စ မသိခင်ကတည်းက ကျွန်တော် ဆုံးဖြတ်ခဲ့တာပါ။ အခုပဲ ကြည့်လေ ကျွန်တော့် ဆုံးဖြတ်ချက် မှန်သွားပြီ . . .”
“သူအဆင်ပြေစေဖို့ ငါမျှော်လင့်ပါတယ် . . .”
ရဲရှုချင်က သက်ပြင်းချရင်း ပြောလိုက်သည်။
YOU ARE READING
မိုးကောင်းကင်အောက်မှကလဲ့စား (အတွဲ ၃) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...
