Chapter (779)(စာစဉ် ၅၆- အပိုင်း၇)
“သွားခွင့်ပြုလိုက်ပါ”
ရှောင်မူဖေ့မှ အပြုံးဖြင့် -
“သူမသေလောက်သေးပါဘူး . . .”
“မိန်းကလေး မင်းက ရွန်ရွန်လား . . .”
“ရွန်ရွန် . . . ဒီကိုလာပါဦး . . .”
“မင်းကိုငါ ကြည့်ပါရစေဦး . . .”
ရှောင်မူဖေ့၏ အသံများ တုန်ယင်နေသည်။
မိန်းကလေးငယ်မှ ဒူးထောက်ထားရာမှ မော့၍ ကြည့်လိုက်သည်။
မျက်ဝန်းမှ မျက်ရည်စများမှာမူ မခြောက်သေး။
“ကျေးဇူးပြုပြီး . . .”
“ကျေးဇူးပြုပြီး . . .”
“ကျွန်မရဲ့ ဦးလေးဂေါင်ကို ကယ်တင်ပေးပါ . . .”
“သူက မတောင်းပန်စေချင်ပေမယ့် ကျွန်မ သူ့ကို မသေ စေချင်ဘူး။ ကျွန်မ ရှင့်ကို တောင်းပန်ပါတယ် . . .”
တုန်ရီမောဟိုက်နေသော အသံဖြင့် တောင်းဆိုနေသည့် မိန်းကလေး၏ မျက်နှာကို ရှောင်မူဖေ့ ထပ်မြင်လိုက်ရချိန် မှင်သက်သွားမိသည်။
ထိုမျက်နှာမှာ နှလုံးသား အနက်ရှိုင်းဆုံး နေရာအထိ ထင်ဟပ်သွားစေသည်။
ရှောင်မူဖေ့မှာ မျက်ရည်များ စီးကျလာပြီး-
“ရွန်ရွန် . . . ကောင်မလေး . . .”
“တကယ်ပဲ မင်းဖြစ်နေတာကိုး . . .”
“ဒါအမှန်ပဲလား . . .”
ပြောပြောဆိုဆိုဖြင့် ရှောင်မူဖေ့က မိန်းကလေးကို လှမ်းဖက်လိုက်သည်။
ထိုအခါ -
မူလက မျက်ရည်များဖြင့် ငိုကြွေးနေသော မိန်းကလေး ၏ မျက်နှာမှာ သတ်ဖြတ်လိုသော ပုံစံ ချက်ချင်း ပြောင်း သွားသည်။
တစ်ချိန်တည်းမှာပင် -
သူမ၏ လက်မှ အလင်းတန်း နှစ်ခု ထွက်ပေါ်လာပြီး ရှောင်မူဖေ့၏ ခြေထောက်များကို ထိုးစိုက်လိုက်သည်။
အဘိုးကြီးမှလည်း သူ၏ လက်ထဲမှ အလင်းတန်း နှစ်ခု ဖြင့် ရှောင်မူဖေ့၏ ရင်ဘတ်သို့ လက်နှစ်ဖက်လုံး သုံးကာ အားကုန် စိုက်ချလိုက်သည်။
YOU ARE READING
မိုးကောင်းကင်အောက်မှကလဲ့စား (အတွဲ ၃) မိုးေကာင္းကင္ေအာက္မွကလဲ့စား
AdventureMc က ဥာဏ်အရမ်းများပြီး စည်းရုံးသင့်တဲ့လူဆို စည်းရုံးပြီး အပြတ်ရှင်းပစ်သင့်တဲ့ လူဆို အပြတ်ရှင်းပစ်တတ်တဲ့ character ပါ။ (っ˘̩╭╮˘̩)っ လက်တွဲဖော်တစ်ယောက်ထက်ပိုပါတယ်။ မင်းသားကပွေရှုပ်နေတာမျိုးတော့မဟုတ်ပါ။ Mc က ဥာဏ္အရမ္းမ်ားၿပီး စည္း႐ုံးသင့္တဲ့လူဆို စည္း႐...