Uni,
You Are My Happiness (Chapter 1)
နေရောင်ခြည်ဖြင့် တောက်ပနေသောမနက်ခင်းလေးတွင်
နှေးကွေးဖြေးညင်းသော ခြေလှမ်းများဖြင့် ငါးဖမ်းစက်လေးတစ်စီးပေါ်ကို
ထိန်ယံလင်း ခဏတက်လာခဲ့သည်။ ပင်လယ်ပြင်ကြီးကိုကြည့်၍ သူ့ရဲ့ရှုပ်နေသောစိတ်တွေကိုရှင်းရန်ဖြစ်သည်။
ဒီနေ့ နိုင်ငံခြားက၀င်လာတဲ့ ကွန်တိန်နာသေင်္ဘာပေါ်ပါလာသည့် ပစ္စည်းများကိုတစ်ခါထဲလာရောက်စစ်ဆေးရင်း
စစ်ဆေးပြီးချိန်တွင် မပြန်ချင်သေးတာကြောင့် ငါးဖမ်းစက်လှေလေးတစ်စီးပေါ်တက်ရင်း ဆေးလိပ်လာသောက်သည်။
ပင်လယ်ပြင်မှ တိုက်ခတ်နေသော လေစိမ်းများကြောင့် ဆေးလိပ်အခိုးအငွေ့များမှာ မြန်မြန်ဆန်ဆန်ပင် လေဖြင့်ပါသွားသည်။
ခဏမျှကြာချိန်တွင် စက်လှေက ကမ်းမှခွာကာ ထွက်ခွာသည်မို့ ထိန်ယံလင်းပါပါလာတော့သည်။ စက်လှေဦးစီးက သူပါလာမှန်းသိ၍ ပြန်လှည့်ပေးရမလား မေးသည်။
" အိုး ဘယ်လိုလုပ်သူဌေးကပါလာတာလဲ ကျွန်တော်တို့ပြန်လှည့်ပေးရမလား"
ထိန်ယံလင်းတို့ပိုင်ဆိုင်သော စက်လှေများ အချို့သေင်္ဘာများကို ပြန်လည်ငှားထားပေးတာကြောင့် ထိန်ယံလင်းအား သူဌေးဟုခေါ်လိုက်တာဖြစ်သည်။
ထိန်ယံလင်းက ခေါင်းခါရင်း
" ရတယ် မလိုဘူး ဦးလေး ။ စိတ်ပြေလက်ပျောက်ဖြစ်အောင်လိုက်ခဲ့လိုက်မယ် ဒါကဘယ်အချိန်ကမ်းပြန်ကပ်မှာလဲ"
" ညနေစောင်းမှ သူဌေး"
" အင်း လုပ်စရာရှိတာ လုပ်ကြပါ ကျွန်တော့်ကိုဂရုမစိုက်နဲ့ "
ထိန်ယံလင်းထိုသူအားပြောပြီးနောက် သူ့အတွင်းရေးမှူးထံစာပို့လိုက်သည်။
" ငါစက်လှေပေါ်ပါလာတယ် ညနေမှပြန်ရောက်မယ်။ညနေမှဆိပ်ကမ်းမှာပြန်လာကြိုလိုက် "
စာပို့ပြီးချိန်တွင် ကုန်သွားပြီဖြစ်သော သူ့ဆေးလိပ်မီးကိုငြိမ်းလိုက်သည်။
ပြီးနောက် ချက်ချင်းပင်နောက်တစ်လိပ်ထုတ်သောက်သည်။
လွန်ခဲ့သောလများက ကပ်ရောဂါဆိုးတစ်ခုကြောင့် လုပ်ငန်းတော်တော်များများ ရပ်ဆိုင်းလိုက်ရသည်။ သူတို့Company လုပ်ငန်းတွေပြန်စတင်တာမကြာသေးပေ။ တော်တော်ကြာပြီးမှ ပြန်စသည်မို့ အလုပ်တွေသေအောင်များသည့်အပြင် သူ့ညီငယ်ဖြစ်သော ခြံရံလင်းမှာချစ်သူကောင်လေးကြောင့် အိမ်ကိုပုန်ကန်သွားသည်။
YOU ARE READING
You Are My Happiness
Romanceဇိုင်းမြတ်မဟာမောင်❤️ထိန်ယံလင်း - ဇိုင်းမြတ်မဟာမောင်...မင်းနာမည်ကလည်း ရှည်လျားထွေပြားလိုက်တာ။ - အင်း ရှည်တယ်ထင်ရင် မောင်လို့တစ်လုံးထဲခေါ်။တစ်ခြားဘယ်သူမှခေါ်ခွင့်မရှိပေမဲ့ ခင်ဗျားကိုခြွင်းချက်ထားပေးမယ်။ Start Date-7.11.2023 End Date -11.4.2024 ဒီဝတ္ထု...
