Uni,
You Are My Happiness ( Part 9)
"အင်း ဟုတ်တယ်။ စိတ်မပူနဲ့ အစ်ကိုပြောတာအရင်နားထောင်
ညီမလေးက ဒီနေ့မလာနဲ့နော် နောက်ရက်ဆိုကျောင်းပိတ်မှာပဲ
အဲ့ချိန်မှာ အဖေ့ကိုလာကြည့်။ ဦးလေးပြန်လာရင် သူ့ကိုလွှတ်လိုက်ပါ။"
"..."
" အင်း ခွဲစိတ်ခက အစ်ကိုစုထားတာတွေလည်းရှိတာပဲ။ ကား၀ပ်ရှော့ဖွင့်ဖို့စုထားတဲ့ငွေတွေသုံးရမှာပေါ့။စုထားတဲ့ငွေတွေ ဦးလေးလာရင်ထည့်ပေးလိုက်နော်။ ပိုက်ဆံကိုစိတ်မပူနဲ့ အစ်ကိုနောက်ကျရင်ပြန်ရှာလို့ရတယ်။ အခုစိတ်အရမ်းမပူပဲ စာလုပ်စရာရှိတာလုပ်နေ။ တစ်ခုခုကို အစ်ကိုဖုန်းထပ်ဆက်ခဲ့မယ်။"
ထိန်ယံလင်းမှာ ဇိုင်းမြတ်မဟာေမာင် သူ့ညီမနဲ့ဖုန်းပြောနေတာကို သိပ်မလှမ်းမကမ်းမှ နားထောင်နေပြီးနောက် ဆေးရုံအုပ်နဲ့တွေ့ရန်ထွက်လာခဲ့တော့သည်။
.....
" ဗျာ...အလှူရှင်ရှိတယ်ဟုတ်လား။"
" ဟုတ်ပါတယ် မောင်ရင့်ရဲ့အဖေအတွက် ကုန်ကျစရိတ်အပြီးအစီးအစစအရာရာဘာမှစိတ်မပူနဲ့တော့။"
" ဘယ်သူလှူတာလဲ..."
" ဖောင်ဒေးရှင်းအဖွဲ့အစည်းတစ်ခုကပါ။ အလှည့်ကျလှူနေကျ မောင်ရင်တို့ကံကောင်းသွားတယ်။"
" ထိန်ယံလင်း ဆိုတဲ့လူလား။"
ဆရာ၀န်မှာနေရခက်သွားဟန်ဖြင့် မျက်မှန်ကိုဟန်လုပ်ကာပင့်တင်လိုက်ရင်း
" ဘယ်သူလှူလှူ မောင်ရင်တို့အတွက်အဆင်ပြေသွားပြီလေ။ဒါ၀မ်းသာရမဲ့ကိစ္စပါ။"
ဇိုင်းမြတ်မဟာမောင်မှာ ၀မ်းမသာနိုင်ပေ။ ထိန်ယံလင်းဆီက ဘာကျေးဇူးကြွေးမှပြန်မယူပါဘူး အပြတ်ငြင်းပြီကာမှ ယခုလိုအကူအညီကိုမလိုချင်ပေ။ သူ၀ပ်ရှော့ဖွင့်ရန်စုထားသော ငွေလောက်နဲ့မလောက်မှန်းသိသော်လည်း ထိန်ယံလင်းဆီကအကူအညီယူရမှာ တကယ်ပင်စိတ်ခုမိသည်။
အဲ့အစား သူအလုပ်တွေပင်ပင်ပန်းပန်းသာလိုက်လုပ်ပစ်လိုက်မည်။
ထိန်ယံလင်းအားတွေ့ကာစကားပြောရန်ပြင်သော်လည်းထိန်ယံလင်းကမရှိတော့ပေ။ ဆက်သွယ်ရန် ဖုန်းနံပါတ်လည်းမယူထားမိ။
YOU ARE READING
You Are My Happiness
Romanceဇိုင်းမြတ်မဟာမောင်❤️ထိန်ယံလင်း - ဇိုင်းမြတ်မဟာမောင်...မင်းနာမည်ကလည်း ရှည်လျားထွေပြားလိုက်တာ။ - အင်း ရှည်တယ်ထင်ရင် မောင်လို့တစ်လုံးထဲခေါ်။တစ်ခြားဘယ်သူမှခေါ်ခွင့်မရှိပေမဲ့ ခင်ဗျားကိုခြွင်းချက်ထားပေးမယ်။ Start Date-7.11.2023 End Date -11.4.2024 ဒီဝတ္ထု...
