Uni,
You Are My Happiness (Part 4)
ဇိုင်းမြတ်မဟာမောင် သူ့အင်္ကျီအောက်စအားဆွဲဖြဲ၍ ထိန်ယံလင်းခြေထောက်ဒဏ်ရာမှာစီးနှောင်ပေးလိုက်သည်။
" ဒီရက်ပိုင်း ခင်ဗျားလျှောက်သွားလို့မရလောက်တော့ဘူး။"
" မင်းအင်္ကျီငါ့ကြောင့်ပြဲသွားပြီ တစ်ချိန်ကျိန်းသေငါပြန်ပေးမှာပါ။"
" အဲ့ဒါကြီးပဲ ခဏခဏမပြောနေလို့ရမလား။ "
ထိန်ယံလင်းကသူ့ကိုသူပြန်ငုံ့ကြည့်ရင်း ဘာများရှိမလဲရှာသည်။
ပြီးနောက် သူ့လက်ကတန်ဖိုးကြီးLuxury နာရီအားချွတ်ကာ ဇိုင်းကိုလှမ်းပေးသည်။
" ရော့ မင်းအတွက်..."
ဇိုင်းမြတ်မဟာမောင် မျက်ခုံးတန်းတွေကတွန့်ချိုးသွားရင်း မေးသည်။
" ဘာအတွက်လဲ..."
" ဒီအတောအတွင်း ငါ့ကိုကူညီပေးထားတာတွေအတွက်။ လောလောဆယ်ငါ့မှာဒါပဲပေးစရာရှိတယ်။ "
" ကျွန်တော်က တစ်ခုခုလိုချင်လို့ ကူညီပေးနေတာလို့ထင်နေတာလား။"
" ငါမင်းကိုဘယ်လိုကျေးဇူးတင်ရမလဲ မသိလို့လေ။ ယူလိုက်ပါ နောက်ရက်တွေလည်း ငါကဘာမှသိပ်အကူအညီမဖြစ်တော့ မင်းပင်ပန်းရအုံးမှာ။"
အတင်းထိုးပေးနေသော နာရီအား ဇိုင်းဖယ်ခါပစ်တာကြောင့် နာရီလေးမှာသဲသောင်ပြင်ပေါ်ပြုတ်ကျသွားသည်။
" ဒါကခင်ဗျားတို့လူချမ်းသာတွေရဲ့ ကျေးဇူးတင်ကြောင်းပြတဲ့နည်းပေါ့လေ။
ပိုက်ဆံနဲ့အရာရာဖြေရှင်းနိုင်တယ်ထင်နေပုံပဲ။"
" ကျစ် အထင်လွဲနေပြန်ပြီ။ ငါမင်းကိုအားလည်းနာပြီး တကယ်ကျေးဇူးတင်လို့ပေးတာပါ။ ငါအခုဘာမှမလုပ်နိုင်သေးဘူး အဲ့တော့လတ်တလောပေးနိုင်တာပေးတာ"
ထိန်ယံလင်း ပြောရင်းနာရီလေးကိုပြန်ကောက်ကာ သဲတွေခါလိုက်သည်။
" ဒါကို ကတိသက်သေသဘောထားထားရအောင် ဒီကျွန်းပေါ်မှာ နှစ်ယောက်အတူနေခဲ့ရင်း မင်းငါ့ကိုကူညီပေးခဲ့တယ်ဆိုတာကိုပေါ့ လောေလာဆယ်တော့ ဒီစေတနာလေးပဲတက်နိုင်တယ်။နောက်ကျမှ မင်းဆီကရခဲ့တဲ့အကူအညီတွေအတွက် သေသေချာချာပြန်ပေးဆပ်မယ်။"
YOU ARE READING
You Are My Happiness
Romanceဇိုင်းမြတ်မဟာမောင်❤️ထိန်ယံလင်း - ဇိုင်းမြတ်မဟာမောင်...မင်းနာမည်ကလည်း ရှည်လျားထွေပြားလိုက်တာ။ - အင်း ရှည်တယ်ထင်ရင် မောင်လို့တစ်လုံးထဲခေါ်။တစ်ခြားဘယ်သူမှခေါ်ခွင့်မရှိပေမဲ့ ခင်ဗျားကိုခြွင်းချက်ထားပေးမယ်။ Start Date-7.11.2023 End Date -11.4.2024 ဒီဝတ္ထု...
