Uni,
You Are My Happiness (Part 14)
မနက်ခင်းတွင် ဇိုင်းမြတ်မဟာမောင်အရင်နိုးလာပြီး သူ့ဘေးကထိန်ယံလင်းကိုကြည့်သည်။ ဖြစ်ပျက်သွားသည့်ကိစ္စတွေက အိမ်မက်နဲ့တူသော်လည်း လက်တွေ့ဖြစ်ကြောင်း သူ့ရင်ခွင်ထဲကထိန်ယံလင်းမှာသက်သေပြနေသည်။
ထိန်ယံလင်းကတော့ ပင်ပန်းထားတာကြောင့် နှစ်နှစ်ခြိုက်ခြိုက်အိပ်ပျော်နေဟန်ရှိသည်။ပုံမှန်ဆိုအမြဲသပ်သပ်ရပ်ရပ်လှန်တင်ထားသောထိန်ယံလင်း၏ ဆံပင်များကယခုချိန်တွင် ဖရိုဖရဲဖြင့်နဖူးပေါ်အုပ်ကျလျက်ရှိပြီး အပူအပင်ကင်းသည့် လူငယ်လေးတစ်ယောက်လို နှစ်လိုဖွယ်ကောင်းနေပြန်သည်။
ဇိုင်းမြတ်မဟာမောင်၏ လက်များကသူကိုယ်တိုင်ပင်မသိလိုက်ပဲ မြှောက်သွားပြီး ထိန်ယံလင်းဆံပင်များကိုသပ်ပေးမိသည်။အနည်းငယ်ပူနွေးသောအရှိန်ကိုခံစားမိတာကြောင့် နဖူးလေးကိုစမ်းကြည့်တော့ အဖျားအနည်းငယ်ရှိသယောင်နွေးထွေးနေလေသည်။
ထို့ကြောင့် ဇိုင်းအချိန်ဖြုန်းမနေတော့ပဲ တစ်ခုခုကျွေးပြီး ဆေးတိုက်ရန်ထလုပ်တော့သည်။ ထိန်ယံလင်းအား မနိုးစေချင်သေးတာကြောင့် ခပ်သာသာဖွဖွပင်ထကာ လုပ်စရာရှိတာလုပ်ပြီး ဆေးသွားပြေး၀ယ်သည်။
ဆေးပြေး၀ယ်ပြီးနောက် hotel ကမီးဖိုချောင်းခန်းအတွင်း ကိုယ်တိုင်၀င်၍
ခရုဆန်ပြုတ်လေးကိုချက်ပေးသည်။ Hotelမီးဖိုချောင်ကို သာမာန်လူတွေ၀င်ခွင့်မရှိသော်လည်း ထိန်ယံလင်း၏လက်ထောက်ဖြစ်တာကြောင့် သူ့အား၀င်ခွင့်ပေးတာဖြစ်သည်။" ဟုတ်ပြီ ဒါလေးခဏနေအခန်းထဲကိုပို့ပေးနော်...။"
ဇိုင်း၀န်ထမ်းလေးအား မှာပြီးနောက် သူ့အိမ်ကိုဖုန်းဆက်ရန် အပြင်သို့ထွက်ခဲ့သည်။
" စိတ်ပူမနေနဲ့ ဒီညနေပြန်လာမှာပါ။ အစ်ကိုဘာ၀ယ်ခဲ့ရအုံးမလဲ။"
"...."
" အင်း ဟုတ်ပြီ။ ပြန်လာရင်မုန့်၀ယ်ခဲ့မယ်"
"...."
" အဲ့ဒါဆို အစ်ကိုဖုန်းချလိုက်တော့မယ် ကျောင်းသွားရတော့မှာမလား ။ဒါပဲနော် တစ်ခုခုဆိုချက်ချင်းဖုန်းဆက်ဟုတ်ပြီလား။"
YOU ARE READING
You Are My Happiness
Romanceဇိုင်းမြတ်မဟာမောင်❤️ထိန်ယံလင်း - ဇိုင်းမြတ်မဟာမောင်...မင်းနာမည်ကလည်း ရှည်လျားထွေပြားလိုက်တာ။ - အင်း ရှည်တယ်ထင်ရင် မောင်လို့တစ်လုံးထဲခေါ်။တစ်ခြားဘယ်သူမှခေါ်ခွင့်မရှိပေမဲ့ ခင်ဗျားကိုခြွင်းချက်ထားပေးမယ်။ Start Date-7.11.2023 End Date -11.4.2024 ဒီဝတ္ထု...