Uni,
You Are My Happiness (Part 15)
သာယာလှသော တနင်္ဂနွေနေ့မနက်ခင်းတွင် ဇိုင်းမြတ်မဟာမောင်တစ်ယောက်ကတော့ စိတ်အလိုမကျမှုများကို လက်ဝှေ့အိတ်ထံထိုးနှက်ရင်း ဖြေလျော့နေလေသည်။
ဘေးတွင်ကြည့်နေသော သူ့သူငယ်ချင်းနှစ်ယောက်ကတော့ဇိုင်းအားကြည့်ရင်း
" ဟျောင့် ဒီကောင်ဇိုင်းဘာဖြစ်နေလည်းမသိဘူးနော်။"
" ဘာဖြစ်ရမှာလဲ လက်ဝှေ့ထိုးနေတာလေ။"
" လက်ဝှေ့ထိုးနေတာတော့သိတာပေါ့ကွာ။ မနက်ခင်းလာထိုးတာကရှားတယ်လေကွာ။"
" ဪ အရင်ကမနက်ခင်းတွေဆိုအလုပ်လုပ်နေရတာကများတယ်လေကွာ။အခုအားလို့နေမှာပေါ့။"
ကျော်နိုင်စိုးက အဲ့လောက်တံုးရသလားဆိုကာ ထွန်းရင်ခေါင်းအားတစ်ချက်တီးရင်း
" မင်းကလည်း ပိန်းချက်ကွာ အဲ့ဒါတော့ငါလည်းသိတာပေါ့။ အခုကဇိုင်းမြတ်မဟာမောင် ရုပ်ကိုသေချာကြည့် တစ်ခုခုကိုစိတ်တိုနေတာကွ။လက်ဝှေ့အိတ်သည်းကြီးမဲကြီးထိုးခံနေရတာ ပေါက်တောင်ပေါက်တော့မယ်။"ထိုအခါမှထွန်းရင်ကသူ့ခေါင်းသူပွတ်ရင်း ဇိုင်းကိုသေချာကြည့်သည်။
" အေး ဟုတ်သလိုပဲကွ။ဟိုအလုပ်မှာဖိအားရှိလို့များလား "" ထားပါ ခဏလွှတ်ထားလိုက်။ ငါတို့လည်းအလုပ်သွားရတော့မှာ ပြန်လာမှမေးကြတာပေါ့"
" ဟျောင့် ဇိုင်း...ငါတို့အလုပ်သွားလိုက်အုံးမယ်နော် ညနေအားရင် မသောက်တာကြာပြီ သောက်ကြမယ်ကွာ"
ဇိုင်းအား လှမ်းပြောပြီးနောက် သူ့သူငယ်ချင်းနှစ်ယောက်ကထွက်သွားကြသည်။
ဇိုင်းရဲ့အတွေးတွေထဲမှာတော့ ထိန်ယံလင်းတစ်ယောက်သာရှိနေသည်။ လက်သီးချက်များက လက်ဝှေ့အိတ်ပေါ်တစ်ချက်ပြီး တစ်ချက်ကျရောက်နေဆဲ။
ထိန်ယံလင်းကချက်ချင်းလက်ငင်းပြောင်းလဲသွားပြီး သူ့ကိုရှောင်ဖယ်နေသည်ကို အလွန်ဒေါသထွက်နေမိသည်။ဒီကိစ္စလောက်ကိုဘာကြောင့် ဒေါသထွက်မိမှန်း သူ့ကိုယ်သူလည်းနားမလည်တော့ပေ။
YOU ARE READING
You Are My Happiness
Romanceဇိုင်းမြတ်မဟာမောင်❤️ထိန်ယံလင်း - ဇိုင်းမြတ်မဟာမောင်...မင်းနာမည်ကလည်း ရှည်လျားထွေပြားလိုက်တာ။ - အင်း ရှည်တယ်ထင်ရင် မောင်လို့တစ်လုံးထဲခေါ်။တစ်ခြားဘယ်သူမှခေါ်ခွင့်မရှိပေမဲ့ ခင်ဗျားကိုခြွင်းချက်ထားပေးမယ်။ Start Date-7.11.2023 End Date -11.4.2024 ဒီဝတ္ထု...