Uni,
You Are My Happiness (Part 39)
" အဲ့၀ိတ်တာက တမင်၀င်တိုက်တာ။ ဦးလေးလုပ်ခိုင်းတာကျိန်းသေတယ်။"
ဇိုင်းမြတ်မဟာမောင်က ကြိတ်မနိုင်ခဲမရဖြင့် သူ့အဖေနဲ့Bellaကိုပြောသည်။" သားဘယ်လိုဖြစ်သွားမလဲသိချင်နေတာဖြစ်မယ်။တကယ်လို့ အဲ့လူကသာသားအတွက်အရေးကြီးမှန်းသိသွားရင် ပိုဆိုးတာတွေလုပ်နိုင်တယ်။သူကအခုသားကိုထိုးနှက်နိုင်မဲ့ ကိစ္စတွေပဲလိုက်ရှာနေတာ။သတိထားမှဖြစ်မယ် "
"ကျွန်တော်သိတယ် အဲ့ဒါကြောင့်လည်းအခုထိယံယံကိုအဆက်အသွယ်မလုပ်ခဲ့တာ။ ကျွန်တော် အဖိုးဆီကအမွေတွေတစ်ခုမှမလိုချင်ဘူး။ဒီတိုင်းတရား၀င်စွန့်လွှတ်ကြောင်းပဲပြောလိုက်ချင်တယ်။ ဘာလို့အရေးမပါတဲ့ကိစ္စအတွက်တိုက်ခိုက်နေရတာလဲ။ ကျွန်တော်ထိခိုက်တာထက် ယံယံထိခိုက်သွားမှာကိုပိုကြောက်တယ်။"
သူ့အဖေကခေါင်းခါရင်း
" အဲ့လိုလုပ်လို့လွယ်လွယ်မပြီးဘူး။သားရှိနေသ၍ သူတို့ကစိတ်အေးမဲ့ပုံမရှိတာ။ ဘယ်လောက်မှမကြာတော့ပါဘူး မကြာခင်သူတို့လည်းထောင်ထဲသွားရတော့မှာ ဒီအတောအတွင်းခဏသည်းခံအုံး။"ဇိုင်းမြတ်မဟာမောင်မှာ စိတ်ရှုပ်သည့်ပုံဖြင့် ဆိုဖာပေါ်ထိုင်ချလိုက်သည်။
ထိန်ယံလင်းရဲ့ မျက်နှာလေးကိုပြန်မြင်ယောင်ရင်း စိတ်ထဲကလည်းအကြိမ်ကြိမ်တောင်းပန်သည်။လွန်ခဲ့တဲ့ ၄နှစ်က ထိန်ယံလင်းနဲ့အတူထွက်သွားမည့်နေ့တွင် သူ့အဖေနဲ့အဖိုးလူတွေကလည်း လိုက်လာခဲ့သည်။ သူတို့တွေအပြင် သူ့ကိုအပြတ်ရှင်းမည့် သူ့ဦးလေးလူတွေက ခြေတစ်လှမ်းဦးသည်။
ဇိုင်းမြတ်မဟာမောင်တို့က စက်လှေဖြင့်ထွက်သွားမည်ကိုသိ၍ဗုံးတစ်လုံးကြိုတပ်ဆင်ထားခဲ့သည်။ ထိုဗုံးအား ဇိုင်းစက်လှေပြန်လှည့်သည့် အချိန်မှာမှတွေ့တာဖြစ်ပြီး ပေါက်ကွဲရန်လည်းစက္ကန့်ပိုင်းသာလိုတော့သည်။
သူအနေနဲ့များများစားစားစဥ်းစားချိန်မရ ထိုစက်လှေပေါ်မှချက်ချင်းခုန်ချခဲ့သည်။ သို့ပေမဲ့ပေါက်ကွဲမှုကနေလွင့်စင်လာသည့် အပိုင်းအစများကြောင့် ဒဏ်ရာတွေလည်းရသည်။
YOU ARE READING
You Are My Happiness
Romanceဇိုင်းမြတ်မဟာမောင်❤️ထိန်ယံလင်း - ဇိုင်းမြတ်မဟာမောင်...မင်းနာမည်ကလည်း ရှည်လျားထွေပြားလိုက်တာ။ - အင်း ရှည်တယ်ထင်ရင် မောင်လို့တစ်လုံးထဲခေါ်။တစ်ခြားဘယ်သူမှခေါ်ခွင့်မရှိပေမဲ့ ခင်ဗျားကိုခြွင်းချက်ထားပေးမယ်။ Start Date-7.11.2023 End Date -11.4.2024 ဒီဝတ္ထု...