Uni,
You Are My Happiness (Part 20)
ဖုန်းဆက်ပြီး ပြန်လာသည့် ထိန်ယံလင်းမှာ ဇိုင်းနဲ့အတူထိုင်နေသော ရှိန်းသက္ကရာဇ်ကိုတွေ့၍ လန့်သွားသည်။
" ရှိန်းသက္ကရာဇ်!"
ရှိန်းသက္ကရာဇ်က ထိန်ယံလင်းကိုမြင်တော့ ခပ်မဲ့မဲ့ပြုံးရင်းမေးသည်။
" ဒီမှာကောင်လေးကိုထားခဲ့ပြီး ဘယ်တွေသွားနေတာလဲ။"
ထိန်ယံလင်း ထိုရှိန်းသက္ကရာဇ်အား လျစ်လျူရှူလိုက်ပြီး ဒေါသရိပ်လွှမ်းနေသည့် ဇိုင်းမြတ်မဟာမောင်ကိုကြည့်သည်။
" ဇိုင်း ဘာဖြစ်လို့လဲ။"
ဇိုင်းထရပ်လိုက်ပြီး သူ့နားကပ်နေသည့် ထိန်ယံလင်းကိုအနည်းငယ်တွန်းလိုက်သည်။
" ခင်ဗျားမိတ်ဆွေတွေက တစ်ယောက်မှကောင်းတာမရှိသေးဘူး။
ထိန်ယံလင်း ခင်ဗျားလည်း ကျွန်တော့်သည်းခံမှုကိုစမ်းသပ်နေသလိုပဲ။
သူ့ကိုပြောထားလိုက် ကျွန်တော့်ဘာကောင်လဲဆိုတာ။"
ဇိုင်းမြတ်မဟာမောင်ကထိုသို့ပြောပြီး လက်ကိုင်ပုဝါကိုစားပွဲပေါ်ကြမ်းတမ်းစွာပစ်တင်၍ ထိုနေရာမှထွက်သွားရန်ပြင်သည်။
ထိန်ယံလင်းက ဇိုင်းလက်ကိုဆွဲရင်း
" ဇိုင်း ခဏလေး သူဘာပြောလို့လဲ။ ကိုယ်တို့အတူပြန်မယ်လေ။"
ဇိုင်းကချက်ချင်း သူ့လက်ကိုရုန်းပစ်သည်။
" သိချင်ရင် သူ့ကိုမေးလေ။ ခင်ဗျားကိုလည်း ကျွန်တော်မတွေ့ချင်ဘူး။မလိုက်လာနဲ့"
ဇိုင်းကဒေါသထွက်နေပုံရပြီး ဘာဖြစ်သွားလဲ မသိတာကြောင့် ထိုင်နေသော ရှိန်းသက္ကရာဇ်ကိုသာမေးရန်ကျန်တော့သည်။
" ရှိန်းသက္ကရာဇ်..မင်းဘာတွေသွားပြောတာလဲ။"
ရှိန်းသက္ကရာဇ်ကအရင်ရယ်သည်။
" ဟေ့ မင်းအခုအဲ့လူငယ်လေးဆီက ဒေါသထွက်ခံလိုက်ရတာလား။
ဘာလဲကွာ ထိန်ယံလင်းမဟုတ်သလိုပဲ။ ဒီကောင်လေးကကိုင်တွယ်ရခက်မဲ့ပုံနော် ဘာလို့အဲ့လိုခပ်ဆိုးဆိုးတွေသဘောကျရတာလဲ။"
" မင်း ဘာပြောလိုက်လဲဆိုတာအရင်ပြောစမ်းပါ။ဒါဟာသမဟုတ်ဘူး။"
" ဒီတိုင်း မင်းစပွန်ဆာပေးထားတဲ့ကောင်လေးလားလို့ မေးလိုက်တာ။ အရင်တစ်ယောက်ကိစ္စရော နည်းနည်း။"
ရှိန်းသက္ကရာဇ်က ခပ်ပေါ့ပေါ့ပြန်ဖြေလာပုံကိုကြည့်ပြီး ထိန်ယံလင်းဒေါသထွက်သွားသည်။
YOU ARE READING
You Are My Happiness
Romanceဇိုင်းမြတ်မဟာမောင်❤️ထိန်ယံလင်း - ဇိုင်းမြတ်မဟာမောင်...မင်းနာမည်ကလည်း ရှည်လျားထွေပြားလိုက်တာ။ - အင်း ရှည်တယ်ထင်ရင် မောင်လို့တစ်လုံးထဲခေါ်။တစ်ခြားဘယ်သူမှခေါ်ခွင့်မရှိပေမဲ့ ခင်ဗျားကိုခြွင်းချက်ထားပေးမယ်။ Start Date-7.11.2023 End Date -11.4.2024 ဒီဝတ္ထု...
