Uni,
You Are My Happiness (Part 34)
ထိန်ယံလင်း မျက်လုံးနှစ်လုံးပွင့်လာချိန်တွင် ဆေးရုံအခန်းထဲ၌ရောက်ရှိနေသည်။မနေ့ထဲကမေ့သွားတာဖြစ်ပြီး နောက်မနက်မှပြန်နိုးတာဖြစ်သည်။
ဇေရဲကသူနိုးလာတာမြင်၍ ချက်ချင်းအနားထလာသည်။
" Boss အဆင်ပြေရဲ့လား တစ်ခုခုမသက်မသာဖြစ်တာရှိလား။"
" ဇိုင်း...ဇိုင်းဘယ်မှာလဲ ဇေရဲ?"
ဇေရဲက စိတ်မကောင်းစွာပြောသည်။
" ကယ်ဆယ်ရေးတွေရှာဖွေနေတုန်းပါ သူ့ကိုတော့မတွေ့သေးဘူး။ "
ထိန်ယံလင်းက လက်ကဆေးပိုက်တွေချက်ချင်းဆွဲဖြုတ်ပစ်လိုက်သည်။
" ငါကိုယ်တိုင်သွားရှာမယ်။"" Bossသွားလို့မရသေးဘူး။ နိုးလာရင်စစ်ဆေးမှုတွေလုပ်ရမယ်လို့ ဆရာ၀န်တွေကပြောတယ်။Bossကျန်းမာရေးကိုအရင်စစ်ကြည့်ရအောင်နော် "
" ငါဂရုမစိုက်ဘူး ဇေရဲ။ ဇိုင်း...ဇိုင်းကဘယ်ရောက်နေမှန်းတောင်မသိတာ
ငါ့ကျန်းမာရေးက ဘာအရေးကြီးမှာလဲ။"ဇေရဲမှာ တားမရတာကြောင့် ထိန်ယံလင်းနောက်ကသာလိုက်ရသည်။
ဟိုရောက်တော့လည်း သတင်းကောင်းတစ်ခုမှမကြားရပေ။" ကျွန်တော်တို့ ဒီနေ့ရှာပြီးရင် ရပ်ရတော့မှာပါ။ ပေါက်ကွဲမှုကပြင်းထန်တာဆိုတော့ လူကအစရှာမရတော့တာလည်း ဖြစ်နိုင်တယ်ဗျ။ရှာဖွေရေးအဖွဲ့တွေလည်း အခုချိန်ထိတက်နိုင်တာအကုန်လုပ်ခဲ့ကြပြီးပါပြီ။ ကျန်တဲ့အမှုကိစ္စကတော့ သက်ဆိုင်ရာကတာ၀န်ယူသွားမှာပါ။ "
ထိုလူငယ်လေးက ပြောပြီးသွားတော့ ထိန်ယံလင်းကိုယ်မှာယိုင်နဲ့သွားတာကြောင် ဇေရဲကလှမ်းထိန်းပေးရသည်။
" ဇေရဲ တစ်ခြားရှာဖွေမယ့်အဖွဲ့တွေငှားလိုက်ပါ။ဇိုင်းနဲ့ပတ်သတ်တာတစ်ခုခုမရမချင်း ငါမယုံနိုင်ဘူး။ ဇိုင်းကလှေပေါ်ပြန်မပါလာတာလည်းဖြစ်နိုင်တာပဲလေ။"
" ဟုတ် ကျွန်တော်လုပ်ခိုင်းလိုက်ပါ့မယ်။ရိုက်နှက်ကြတဲ့ တရားခံတွေကိုလည်း မျက်မြင်သက်သေအကူအညီနဲ့ ဖမ်းလို့ရပြီ အဲ့တာကိုေရာဆက်လုပ်ရမှာလား။ "
YOU ARE READING
You Are My Happiness
Romanceဇိုင်းမြတ်မဟာမောင်❤️ထိန်ယံလင်း - ဇိုင်းမြတ်မဟာမောင်...မင်းနာမည်ကလည်း ရှည်လျားထွေပြားလိုက်တာ။ - အင်း ရှည်တယ်ထင်ရင် မောင်လို့တစ်လုံးထဲခေါ်။တစ်ခြားဘယ်သူမှခေါ်ခွင့်မရှိပေမဲ့ ခင်ဗျားကိုခြွင်းချက်ထားပေးမယ်။ Start Date-7.11.2023 End Date -11.4.2024 ဒီဝတ္ထု...