Uni,
You Are My Happiness (Part 35)
ထိန်ယံလင်း၏ အိမ်ထဲသို့ ခြံရံလင်းမှာခြေလှမ်းကျဲကြီးတွေဖြင့်၀င်လာသည်။
သူ့ဘေးက အောင်ဇေရဲက ဖုန်းဆက်ပြီး ဖြစ်ပျက်သွားသည့်ကိစ္စတွေကိုအကျိုးအကြောင်းပြောကာခေါ်လိုက်သည်မို့ ထက်ဝေဦးနဲ့အတူ ခရီးထွက်နေရာမှ ကမန်းကတန်းပြန်လာခဲ့တာဖြစ်သည်။
အိပ်ခန်းရှေ့ရောက်တော့ တံခါးပိတ်ထားတာကြောင့်
" တံခါးကအဲ့လိုပဲပိတ်ထားတာ ဒီတစ်ပတ်လုံး အပြင်ထွက်တာဘယ်နှခါမှမရှိဘူး။ အစ်ကိုလည်း Bossစိတ်အဆင်ပြေလာမဲ့အချိန်ထိစောင့်နေပေမဲ့ ဒီတိုင်းလွှတ်ထားရင် အခြေအနေပိုဆိုးလာမှာစိုးလို့ မင်းကိုခေါ်လိုက်ရတာ။"
ခြံရံလင်းက ဇေရဲပြောတာနားထောင်ပြီးသည်နှင့် တံခါးခေါက်သည်။
" ကိုကြီး..ကိုကြီး ကျွန်တော်ပါ ခြံရံလင်း ကျွန်တော်တို့စကားနည်းနည်းပြောရအောင်လေနော်။"
အထဲကဘာမှပြန်ဖြေမလာတာကြောင့် ထပ်ပြောရသည်။
" တံခါးခဏဖွင့်ပေးလေဗျာ။ဒီလိုပဲနေနေလို့မှမရတာ။
မဖွင့်ပေးရင် တံခါးဖျက်ပြီး၀င်လာမှာနော်။"
ဘယ်လိုပြောပြော ဘာမှမကြားရတာကြောင့်
" ဘယ်လိုလုပ်မလဲ ကျွန်တော်တို့တံခါးဖျက်၀င်ကြမလား။"
" အခန်းသော့တော့ရှိတယ် ရှာလိုက်မယ်။"
" တော်ပြီ ကြာတယ်။"
ခြံရံလင်းမှာပြောရင်းဆိုရင်း တံခါးကို ခြေထောက်ဖြင့် ကန်ဆောင့်တော့သည်။
တံခါးကတော်တော် ခိုင်တာကြောင့် မပွင့်။
ထို့ကြောင့် ခြံရံလင်းကထပ်အော်ပြောသည်။
" ကိုလင်း တကယ်မဖွင့်ဘူးလားဗျာ။"
ခြံရံလင်းမှာပြောရင်းစိတ်နည်းနည်းပူလာသည်။
တော်ရုံ ဒီလောက်ဆိုဘယ်လိုဖြစ်နေပါစေ တံခါးလာဖွင့်တာသို့မဟုတ် တစ်ခုခုတော့ပြောလာတော့မှာဖြစ်သည်။
" fuck တစ်ခုခုဖြစ်နေတာလားဟ။"
ခြံရံလင်းနဲ့ အောင်ဇေရဲမှာ မျက်လုံးချင်းအကြည့်စုံလိုက်ကြသည်။
ပြီးသည်နှင့် ခြံရံလင်းမှာအချိန်မဆွဲတော့ပဲ မီးသတ်ဘူးကြီးကိုယူကာ တံခါးကိုရိုက်ဖွင့်တော့သည်။
YOU ARE READING
You Are My Happiness
Romanceဇိုင်းမြတ်မဟာမောင်❤️ထိန်ယံလင်း - ဇိုင်းမြတ်မဟာမောင်...မင်းနာမည်ကလည်း ရှည်လျားထွေပြားလိုက်တာ။ - အင်း ရှည်တယ်ထင်ရင် မောင်လို့တစ်လုံးထဲခေါ်။တစ်ခြားဘယ်သူမှခေါ်ခွင့်မရှိပေမဲ့ ခင်ဗျားကိုခြွင်းချက်ထားပေးမယ်။ Start Date-7.11.2023 End Date -11.4.2024 ဒီဝတ္ထု...
