Uni,
You Are My Happiness (Part 3)
ထိန်ယံလင်းတို့နှစ်ယောက်ကျွန်းပေါ်တွင်သောင်တင်နေသည်မှာ၅ရက်ခန့်ရှိပြီဖြစ်သည်။
နှစ်ယောက်သား သဲသောင်ပြင်ပေါ်တွင်ထိုင်ရင်း ပင်လယ်ကြီးကိုငေးကြည့်နေကြသည်။ ထိန်ယံလင်းမှာ အရမ်းမပျော်မရွှင်တော့ဖြစ်မနေ။ အနေအထိုင်နဲ့ အစားအသောက်အဆင်မပြေသည်ကလွဲ၍ သူ့စိတ်များကလွတ်လပ်ပေါ့ပါးနေပြီး စိတ်ရှုပ်စရာအလုပ်များလည်းရှိမနေပေ။
ဇိုင်းမြတ်မဟာမောင်ကလည်း စကာားအပြောအဆိုသိပ်မကောင်း ခပ်ကန်ကန်ပြောတက်သည်ကလွဲ၍ ကျန်တာအကုန်အဆင်ပြေသည်။
မလုပ်တက်မကိုင်တက်သော ထိန်ယံလင်းအား ပစ်တော့မထားချေ။
" ဇိုင်း မင်းပြောကြည့် ငါတို့ကိုလိုက်မရှာတော့တာများလား"
" လိုက်မရှာတာမဟုတ်ပဲ ရှာမရတာ ရှာမတွေ့တာဖြစ်မယ်"
ထိန်ယံလင်းက ပင်လယ်ပြင်ဆီကြည့်နေသော မျက်လုံးများအား ဇိုင်းဆီပို့လိုက်သည်။
" ဘာလို့ရှာမရ ရမှာလဲ။"
" ကျွန်တော် ဒီရက်ပိုင်းပင်လယ်လေတိုက်နှုန်းတွေကြည့်ရသလောက် မကောင်းဘူး။ အခုဒီနားတစ်၀ိုက်ငြိမ်သယောင်ရှိပေမဲ့ တစ်ခြားဘက်တွေမှာ လှိုင်းကြီးပြီး မုန်တိုင်းတွေရှိရင်ရှိနေလောက်တယ်။ အဲ့လိုအချိန်တွင် ဘယ်ငါးဖမ်းစက်လှေမှ ပင်လယ်ထဲလည်းမထွက်ကြဘူး။ လူပျောက်လို့ရှာမယ်ဆိုရက်တောင် အခက်အခဲတွေနဲ့ ခရီးသိပ်တွင်မှာမဟုတ်ဘူး"
" အဲ့လို လှိုင်းကြီးနေတာမျိုးတွေကဘယ်လောက်ကြာမှာလဲ။"
" အတိအကျတော့မရှိဘူး တစ်ခါတလေလည်း ၁လလောက်ပေါ့"
" ဆိုလိုချင်တာက ငါတို့ဒီမှာ၁လလောက်နေရနိုင်တယ်ပေါ့"
ထိန်ယံလင်း လေသံမှာစိတ်ပျက်သွားခြင်းမျိုးေတာ့ရှိမနေပေ။
"အင်း ကျွန်တော်ကတော့ လေတိုက်နှုန်းပေါ်မူတည်ပြီး၁လလောက်စောင့်ကြည့်အုံးမလို့။ဒါမှမဟုတ် ဒီတိုင်း ဖောင်လေးလုပ်ပြီး ကိုယ့်ဘာသာသွားကြမလား။ တကယ်လို့ ကိုယ့်လူတွေနဲ့မတွေ့ပဲ လမ်းမှာမုန်တိုင်းထပ်မိလို့ ဒီထပ်ပိုဆိုး ပိုေ၀းတဲ့နေရာရောက်သွားရင်တော့မသိဘူး။"
YOU ARE READING
You Are My Happiness
Romanceဇိုင်းမြတ်မဟာမောင်❤️ထိန်ယံလင်း - ဇိုင်းမြတ်မဟာမောင်...မင်းနာမည်ကလည်း ရှည်လျားထွေပြားလိုက်တာ။ - အင်း ရှည်တယ်ထင်ရင် မောင်လို့တစ်လုံးထဲခေါ်။တစ်ခြားဘယ်သူမှခေါ်ခွင့်မရှိပေမဲ့ ခင်ဗျားကိုခြွင်းချက်ထားပေးမယ်။ Start Date-7.11.2023 End Date -11.4.2024 ဒီဝတ္ထု...
