សង្គ្រាមស្នេហ៍ដ៏ក្ដៅគគុកត្រូវបានកន្លងផុតអស់រយៈពេលបីម៉ោង ពេលនេះម្នាក់ៗក៏ទម្លាក់ខ្លួនគេងទាំងអស់កម្លាំង ។ នាយតូចសន្លប់ឈឹងលែងនិយាយស្ដី គេងកើយទ្រូងរាងក្រាស់ទាំងអោបចង្កេះគេជាប់ ។ ប៉ុន្តែ Jungkook មិនបានបាក់អ្វីបន្តិចឡើយ នាយនៅតែបញ្ឈរភ្នែកសម្លឹងមើលកាយស្រឡូនរបស់ Tae ដែលនៅក្នុងរង្វង់ដៃ អង្អែលស្មាគេថ្នមៗជាការលួងលោមអោយគេង ទាំងមិនដឹងឡើយថាពួកគេអាចក្បែរគ្នាបែបនេះបានយូរប៉ុណ្ណា ។
«សឺត...មិនថាមានរឿងអ្វី ខ្ញុំមិនចោលបងដាច់ខាត»Jungkook ថើបថ្ងាសរបស់គេមុននឹងទាញរាងតូចមកអោបយ៉ាងណែន ។ បាត់បង់ត្រឹមម្ដងទុកជាបទពិសោធ បើអោយនាយបាត់បង់គេម្ដងទៀត ស៊ូស្លាប់ល្អជាង ។
ឈានមកដល់ថ្ងៃថ្មី អ្វីៗហាក់ប្រែប្រួលទៅតាមធម្មជាតិ លើកលែងតែមនុស្សដែលមានទុក្ខហាក់មិនស្បើយពីរបួសទាល់តែសោះ ។
«ហ្ហឹម....»សម្លេងក្រហឹមចេញពីកាយតូចដែលពត់ពែនខ្លួន មុននឹងបើកភ្នែកភ្លឹសៗសម្លឹងរាងសង្ហារដែលបិទភ្នែកគេងមិនទាន់ក្រោកនៅឡើយ ។
«សឺត morning!!»Tae បង្ខិតមុខថើបខ្ទង់ច្រមុះនាយកម្លោះទាំងញញឹម ដៃរវាមលើកទៅទាញថ្ពាល់របស់គេលេងបង្ករជាការរំខានមួយរំពេច ។
«អ្ហឹម...»Jungkook បញ្ចេញសម្លេងហាក់ធុញទ្រាន់ព្រោះកំពុងងងុយ ខណៈដែលដៃបែរជាបន្តឹងអោបគេកាន់តែណែន ទៅលាក់បំពួនដោយខ្ទប់មុខនឹងកញ្ជឹង.ករបស់ Tae ដើម្បីគេងបន្ត ។
«ហិកហិក ភ្លឺហើយណា មិនទៅរៀនទេហេស៎អ្នកប្រុសតូច»Tae ឱនមកខ្សឹបក្បែរត្រចៀក Jungkook ម្ដងទៀត កេះកៀវនាយមិនអោយគេងបានទេ ព្រោះនេះក៏ព្រឹកហើយដែរ ។
«សឺត ងងុយ»សម្លេងខ្សាវៗស្ដាប់សឹងមិនបានចេញពីអ្នកកម្លោះដែលមិនព្រមបើកភ្នែកមើលពិភពលោកទាល់តែសោះ ។
«ម៉ោងប្រាំមួយហើយ ទោះងងុយក៏ត្រូវតែក្រោក ចាំខ្ញុំធ្វើអាហារអោយលោកញុាំណា»Tae ប្រឹងស្រដីយ៉ាងស្រទន់ដើម្បីឲ្យនាយព្រម ស្របពេលដែលដៃអង្អែលសក់គេលេងមិនឈប់ ។
«ច្បាប់មួយថ្ងៃមិនបានទេហេស៎ ខ្ញុំក្រោកមិនរួច»
«មិនបានទេ ត្រូវតែទៅសាលា លោកជិតបញ្ចប់ឆ្នាំហើយ Jung មិនយូរទេលោកនឹងលែងពិបាកក្រោកពីព្រលឹមហើយ»
YOU ARE READING
The slay of love / ប្រមាញ់ស្នេហ៍ (ចប់✓)
Romanceតើស្នេហានេះអាចចាប់ផ្ដើមម្ដងទៀតដែរទេ?
