အခန်း(၇)
ထမင်းတစ်နပ်။
Ning Cheng ၏ ရုံးခန်းမှာ လင်းယွင် ဆေးရုံနှင့် မဝေးသော်လည်း Ning Cheng မှ သူမရှေ့တွင် ပေါ်လာချိန်တွင် Han Yunxi မှာ အံ့အားသင့်နေဆဲဖြစ်သည်။
ဒီကောင်က ဆယ့်ငါးမိနစ်ပဲကြာတယ်!
သူက တစ်နှစ်ပတ်လုံး မပြောင်းလဲသည့် စတိုင်ဖြင့် စိတ်ကြိုက် မှာယူထားသော အနက်ရောင် အနောက်တိုင်းဝတ်စုံကို ၀တ်ဆင်ထားပြီး ချောမောသော ဘေးခွဲဆံပင်ပုံစံကို ပိုင်ဆိုင်ထားသည်။ သူ၏ ကျက်သရေကို မဆုံးရှုံးစေဘဲ တင်းကြပ်ပြီး ဖြောင့်မှန်ဟန် ရှိသည်။
Han Yunxi မှာ သူ့ကို အပေါ်အောက် ငုံ့ကြည့်ကာ သံသယဖြင့် "ရှေ့နေ Ning၊ ရှင် အောက်ထပ်က ဆရာဝန်နဲ့ တွေ့လာပုံမပေါ်ဘူး။"
အောက်ထပ်မှ ဆရာဝန်ဖြင့် တွေ့ခဲ့သည့် လူနာတောင်မှ ဆယ့်ငါးမိနစ်အတွင်း သူမ၏ သီးသန့် နားနေခန်းကို ရှာတွေ့ရန် မလွယ်ကူပေ။
"ငါ့ကို ကျိန်ဆဲနေသလား။"
Ning Cheng မှာ သူမကို စူးစိုက်ကြည့်ပြီး အနီးရှိ ဆိုဖာပေါ်တွင် ထိုင်လိုက်သည်။ သူ၏ လက်ဆွဲအိတ်ထဲမှ စာရွက်စာတမ်းတစ်ခုကို ထုတ်ပြီး Han Yunxi ထံ ပေးလိုက်လေသည်။
တစ်ချက်ကြည့်လိုက်ရုံဖြင့် Han Yunxi မှာ စာရွက်အဖုံးတွင် ရေးထားသည့် "စာချုပ်ရပ်စဲရေး" ဆိုသော စကားလုံးသုံးလုံးကို တွေ့လိုက်ရသည်။
ကောင်းတယ်။
သူမ အခြေအနေကို အကျဉ်းချုံးကာ ဖုန်းထဲတွင် ရှင်းပြခဲ့သော်လည်း သူက အလုပ်ရပ်စဲရေးစာကိုပင် ပြင်ဆင်လာခဲ့သည်။
Han Yunxi မှာ ၎င်းကို လှန်ကြည့်လိုက်လျှင် စာချုပ်ရပ်စဲရေးမှာ ချို့ယွင်းချက်လုံးဝမရှိပဲ ပြီးပြည့်စုံနေမှန်း တွေ့လိုက်ရသည်။
ထို့နောက် Ning Cheng မှာ သူ၏ လက်ပ်တော့ကို ထုတ်ကာ Han Yunxi ထံ အဖြစ်အပျက်ကို မေးမြန်းရင်း စွဲချက်တစ်ခု ရေးလိုက်သည်။ Han Yunxi မှ ၎င်းကို ပရင့် ထုတ်ခွင့်ပေးခိုင်းလိုက်လေသည်။
ဤအရှိန်ကြောင့် Han Yunxi မှာ အံ့အားသင့်သွားပြန်သည်။
Han Yunxi မှာ Ning Cheng ကို ငှားရမ်းထားသည်မှာ နှစ်နှစ်ခန့်ရှိပြီ ဖြစ်သော်လည်း ယခုအကြိမ်သည် သူ၏ဝန်ဆောင်မှုများကို လက်ခံပြီး သူ၏လုပ်ငန်းစွမ်းဆောင်ရည်ကို ပထမဆုံးအကြိမ် မြင်တွေ့ရခြင်း ဖြစ်သည်။
VOCÊ ESTÁ LENDO
မြင်မြင်ချင်း အချစ်
Romanceဆေးပညာနယ်ပယ်တွင် ကျော်ကြားသော ဆရာဝန်တစ်ယောက်ဖြစ်သည့် သူမ။ သူမ၏ နည်းလမ်းများအတိုင်း လုပ်ဆောင်ကာ အာဏာကို မကြောက်ပေ။ ရင်းနှီးမြှုပ်နှံမှု အသိုင်းအဝိုင်းတွင် သားရဲတစ်ကောင်ဖြစ်ကာ ရက်စက်သည့် သူ။ အခွင့်အားလျော်စွာ သူက သူမ၏ လူနာဖြစ်လာခဲ့သည်။