အခန်း(၃၇)
ဆုံးရှုံးမှုအတွက် လျော်ကြေး။
Han Yunxi မှာ ပြန်ရောက်သွားချိန်တွင် ဘယ်လိုပဲ မေးနေပါစေ Ajie မှာ ဘာလုပ်ခဲ့မှန်း လုံးဝ မပြောပြချေ။ နှစ်ယောက်မှ လျင်မြန်စွာ မောင်းထွက်သွားကြပြီး သိပ်မကြာခင် Mu Linger မှာ သူမ၏ Polo အသေးစားလေးဖြင့် လင်းယွင် ဆေးရုံ၏ မြေအောက်ကားပါကင်ထဲသို့ အပြေးအလွှား ရောက်လာလေသည်။
သူမ ကွေ့လိုက်ချိန်တွင် အကန့်အသတ်ဖြင့် ထုတ်ထားသော Lamborghini Veneno Roadster တစ်စီးမှာ ရုတ်တရက် ထွက်ပေါ်လာလေသည်။
“ဘန်း”
ကားနှစ်စီး တိုက်မိပြီး Mu Linger မှာ ရုတ်တရက် ဘရိတ်အုပ်ရန် နောက်ကျသွားကာ သူမ၏ တစ်ကိုယ်လုံး စတီယာရင်ဘီးပေါ် မှောက်ကျသွားတော့သည်။
“သေစမ်း…”
သူမ အလျင်အမြန် မှတ်စုယူကာ ဖုန်းနံပါတ်နှင့် လိပ်စာကို ရေးချပြီးနောက် ကားပေါ်မှ ကမန်းကတန်း ဆင်းကာ ပျက်စီးနေသော ကားရှေ့တွင် မှတ်စုကို တင်လိုက်သည်။
ထိုအချိန်တွင် တစ်ဖက်ကားပိုင်ရှင်မှာလည်း ကားထဲမှ ထွက်လာခဲ့သည်။ ကားပိုင်ရှင်မှာ ပိန်ပိန်ပါးပါး ဘောင်းဘီရှည်နှင့် ရှပ်အင်္ကျီတစ်ထည်ကို ဝတ်ဆင်ထားသည့် လူငယ်လေးဖြစ်ပြီး ရိုးရိုးရှင်းရှင်းဖြင့် ဆန်းကြယ်သော အနက်ရောင်ကို ၀တ်ထားသည်။ သူ၏ ဆံစများမှာ မျက်လုံးထောင့်ကို ဖုံးအုပ်နေပြီး အေးစက်ကာ အနည်းငယ် စိတ်တိုနေဟန်တူသည်။
ကမ္ဘာပေါ်တွင် Borghini Veneno Roadsters ကိုးစင်းသာရှိပြီး ပြုပြင်ထိန်းသိမ်းမှုကုန်ကျစရိတ်မှာ အလွန်စျေးကြီးလေသည်။ အကယ်၍ ကားမှ တိုက်မိခံရလျှင် မည်သူမဆို ဒေါသထွက်လိမ့်မည်။
Mu Linger မှာ Veneno Roadster ဆိုသည်ကို သိမသိ မရှင်းလင်းပေ။ သူမ၏ စိတ်ထဲတွင်တော့ ဤကိစ္စကို အနည်းငယ်ပင် မရှိပေ။ သူမ၏ ချီကိုကို ကိုရှာရန်သာ အလျင်လိုနေသည်။
သူမ စိုးရိမ်တကြီး ပြောလိုက်လေသည်။ “လူကြီးမင်း ကျွန်မ အလျင်လိုနေလို့ပါ။ ကျွန်မရဲ့ ဖုန်းနံပါတ်နဲ့ လိပ်စာအပြင် ကျွန်မကားကို ချန်ထားခဲ့မယ်။ အာမခံနဲ့ ယာဉ်ထိန်းရဲကို အကြောင်းကြားပေးပါ။ ကျေးဇူးတင်ပါတယ်။"
YOU ARE READING
မြင်မြင်ချင်း အချစ်
Romanceဆေးပညာနယ်ပယ်တွင် ကျော်ကြားသော ဆရာဝန်တစ်ယောက်ဖြစ်သည့် သူမ။ သူမ၏ နည်းလမ်းများအတိုင်း လုပ်ဆောင်ကာ အာဏာကို မကြောက်ပေ။ ရင်းနှီးမြှုပ်နှံမှု အသိုင်းအဝိုင်းတွင် သားရဲတစ်ကောင်ဖြစ်ကာ ရက်စက်သည့် သူ။ အခွင့်အားလျော်စွာ သူက သူမ၏ လူနာဖြစ်လာခဲ့သည်။