အခန်း(၃၃)
ချောမောလွန်းသော အမျိုးသား။
Han Yunxi မှာ အလွန်စိတ်မသက်မသာ ခံစားလာရပြီး စိတ်ရှုပ်လာသည်။ ထိုညတွင် သူမက ကြီးမားကျယ်ပြန့်သော ရေခဲပြင်ကြီးပေါ်တွင် ရှိနေသည့် အိပ်မက်တစ်ခု မက်ခဲ့လေသည်။ သူမ ဘယ်လောက်ပဲ လျှောက်လှမ်းနေပါစေ အဆုံးကို မရောက်နိုင်ပေ။ နောက်ဆုံးတွင်တော့ အကြောင်းတစ်ခုကြောင့် သူမ၏ ခြေထောက်အောက်တွင် အပေါက်ကြီးတစ်ခု ရုတ်တရက်ပေါ်လာပြီး ပြုတ်ကျသွားတော့သည်။
"အား... "
Han Yunxi မှာ ကုတင်ပေါ်မှ ရုတ်တရက် ထထိုင်လိုက်ပြီး အေးစက်နေသည့် ချွေးများ ထွက်လာတော့သည်။
ထိုအချိန်တွင် ကြမ်းပြင်မှ မျက်နှာကျက်အထိ မြင့်သော ပြတင်းပေါက်များမှတစ်ဆင့် နေရောင်မှာ ဝင်ရောက်လာကာ မိုးလင်းနေပြီဖြစ်သည်။ အိပ်ယာဘေးရှိ နှိုးစက်နာရီမှာ ခြောက်နာရီခွဲကို ပြသနေပြီး အသေးလေးမှာ ကြမ်းပြင်မှ မျက်နှာကျက်အထိ မြင့်သော ပြတင်းပေါက်ရှေ့တွင် ထိုင်ပြီး ရှုခင်းများ ကြည့်နေလေသည်။
Han Yunxi မှာ ကုတင်ပေါ်တွင် ထိုင်ကာ သူမ၏အိပ်မက်ကိုပြန်စဥ်းစား၍ ထိုအိပ်မက်ထဲမှ ရေခဲပြင်သည် Long Feiye ၏ WeChat ပရိုဖိုင်ပုံနှင့် ထပ်တူနီးပါးတူညီကြောင်းတွေ့လိုက်ရသည်။ အဆုံးမရှိသော အဖြူရောင်ပြင်ကျယ်ကြီးဖြင့် ကောင်းကင်ကြီးနှင့် မြေကြီး သာရှိလေသည်။
Long Feiye ၏ WeChat ပရိုဖိုင်ပုံအား ယမန်နေ့က သူမ ပထမဆုံးမြင်လိုက်ရသောအခါတွင် ၎င်းသည် နှင်းမြင်ကွင်းတစ်ခုဟု ထင်ခဲ့သည်။ သူမက ၎င်းကို အမည်ပျက် စာရင်းသွင်းလိုက်သောအခါတွင် နှိပ်၍ ကြည့်ရှုခဲ့ရာ နှင်းမြင်ကွင်းမဟုတ်သော်လည်း ရေခဲမြင်ကွင်းတစ်ခုဖြစ်ကြောင်း တွေ့ရှိခဲ့ရသည်။
မနေ့က သူ့ကို နာမည်ပျက်စာရင်းသွင်းလိုက်ချိန်တွင် သူ၏ ခရီးစဉ်များအတွင်း ပရိုဖိုင်ဓာတ်ပုံကို ရိုက်ထားခြင်းရှိမရှိကို သိနိုင်ရန် Long Feiye ၏ Moments ကို အမှန်တကယ် စစ်ကြည့်ခဲ့သည်။ သို့သော်... Long Feiye တွင် အလုပ်တွင်ဖြစ်စေ ဘဝတွင်ဖြစ်စေ သူငယ်ချင်းအသိုက်အဝန်းတစ်ခုမျှမရှိပေ။ သူ၏ WeChat သည် ဆက်သွယ်ရေးအတွက်သက်သက်ပင်။
YOU ARE READING
မြင်မြင်ချင်း အချစ်
Romantikusဆေးပညာနယ်ပယ်တွင် ကျော်ကြားသော ဆရာဝန်တစ်ယောက်ဖြစ်သည့် သူမ။ သူမ၏ နည်းလမ်းများအတိုင်း လုပ်ဆောင်ကာ အာဏာကို မကြောက်ပေ။ ရင်းနှီးမြှုပ်နှံမှု အသိုင်းအဝိုင်းတွင် သားရဲတစ်ကောင်ဖြစ်ကာ ရက်စက်သည့် သူ။ အခွင့်အားလျော်စွာ သူက သူမ၏ လူနာဖြစ်လာခဲ့သည်။