မြင်မြင်ချင်း အချစ်

အခန်း(၄၈)

အခန်း(၄၈)

သူ့ကို စိတ်အနှောင့်အယှက် ဖြစ်စေခြင်း။

Ning Cheng ၏ အခြေအနေများကို သိရှိပြီးနောက် Long Feiye မှာ အချိန်အတော်ကြာအောင်  နှုတ်ဆိတ်သွားပြီးမှ တုံ့ပြန်လာသည်။ "စဉ်းစားလို့ ရပါတယ်။"

Ning Cheng နှင့် Han Yunxi တို့ နှစ်ယောက်လုံး ဝမ်းသာသွားကြပြီး Ning Cheng မှာ အလောတကြီး မေးလိုက်သည်။ " မစ္စတာလုံက ဘယ်လောက်ကြာကြာ စဉ်းစားဖို့ လိုမလဲ။"

Long Feiye မှာ ပျော်ရွှင်စွာ ပြောလိုက်လေသည်။ "သုံးရက်။"

"ဒါဆို သဘောတူလိုက်ပါ့မယ်။"

Ning Cheng မှာ တိတ်တဆိတ် သက်ပြင်းချလိုက်သည်။ လက်ရှိ အခြေအနေမှ ကြည့်လိုက်လျှင် သူတို့က လုံးဝ အသာစီး ရနေပြီ ဖြစ်သည်။ အကယ်၍ Long Feiye မှ ၎င်းကို စဉ်းစားလိုလျှင် သူတို့၏ အနိုင်ရရန် အခွင့်အလမ်းမှာ အလွန် မြင့်မားလိမ့်မည်။

Han  Yunxi မှာလည်း သက်ပြင်းရှည်ကြီး ချလိုက်သည်။ အကယ်၍ သူမ၏ ဆေးဘက်ဆိုင်ရာ လုပ်ဆောင်ခွင့်များ ပြန်လည်ရရှိပါက ပံ့ပိုးကူညီရေးအဖွဲ့ ဖွဲ့စည်းခြင်းလုပ်ငန်းသည် ထင်ထားသည်ထက် များစွာ ချောမွေ့လာလိမ့်မည်။ ဆေးဝါးရန်ပုံငွေဖြင့် ကန့်သတ်ထားခံရမည်မဟုတ်တော့ပေ။

ထိုကိစ္စကို ဆွေးနွေးပြီးသည်နှင့် သုံးဦးသည် ရုတ်တရက် တိတ်ဆိတ်သွားကြသည်။

Ning Cheng မှာ Han Yunxi နှင့် ခဏတာ စကားပြောချင်သေးပြီး ထွက်ခွာရန် အစီအစဉ်မရှိပေ။ Long Feiye မှ ထွက်သွားမည်ဟု သူတို့က ထင်ခဲ့ကြသော်လည်း Long Feiye မှာ ငြိမ်သက်စွာ ထိုင်ကာ ရေကို ဖြည်းညင်းစွာ သောက်လိုက်သည်။ တစ်ဖက်တွင် Tang  Li မှာ Han  Yunxi ကို တစ်စုံတစ်ခုမေးချင်သကဲ့သို့ အထပ်ထပ်အခါခါ ကြည့်နေသော်လည်း မဝံ့မရဲဖြစ်နေသည်။

Long Feiye မှ ထွက်ခွာရန် အစီအစဉ်မရှိသောကြောင့် သူတို့က ထွက်ခွာသင့်သည်။

ကံမကောင်းစွာဖြင့် Han Yunxi မှ မတ်တပ်ထရပ်ပြီးသည်နှင့် Long Feiye မှ စကားစလာသည်။ "ပင်းဟိုင်အချစ်က ရပြီလား။"

Han Yunxi မှာ လုပ်ချင်စိတ် မရှိသော်လည်း ယခုအချိန်တွင် ထိုသူကို အပြစ်မပြုခြင်းမှာ  အကောင်းဆုံးဖြစ်ကြောင်း စဉ်းစားပြီး သဘောတူလိုက်လေသည်။ "ခဏစောင့်ပါ။"