The Heiress and the Hoodlum

Misteryo

Chapter Sixty-Three

"A PENNY for your thoughts."

Nakangiting hinarap ni Jethro ang asawa nang yakapin nito mula sa kanyang likuran.

"Have you talked to Andy?" malambing na tanong ni Chantal na kaagad inihilig ang ulo sa kanyang dibdib. 

Hinagkan naman niya ito sa tuktok bago iginiya sa lounger at naupo roon at kinabig itong paupo sa kanyang kandungan.

"Tungkol saan?" Dinala niya ang isang kamay sa umbok ng tiyan nito at marahan iyong hinagod. 

"I think it's better if you hear it from her."

"May boyfriend na ba si Andalusia?" naghihinalang tanong niya sa asawa.

"Hmm, I don't know. And besides, what if she has?"

"Kikilatisin ko muna siyempre."

Napatirik ang mga mata nito sa sagot niya.

Natatawang kinabig niya ito sa batok at inilapat ang mga labi sa bibig nito. Nagsalo sila sa banayad na halik. Tumaas ang dalawang kamay nito sa magkabila niyang pisngi at bahagyang iniawang mga mga labi para sa mas malalim at mapusok na halik. Napaungol siya nang magtagpo ang kanilang mga dila. Para iyong mitsa ng apoy na kaagad nagpainit sa kanya. Mula nang umuwi sila at mangyari ang tangka sa buhay ng kanyang asawa ay hindi na sila nagkaroon ng pagkakataong magtalik. 

"Jellyboo..." 

"Lasang Anmum."

Mahina itong bumungisngis habang nakasubsob ang ilong sa leeg niya.

"I really love your scent," anito habang ikinikiskis ang dulo ng ilong sa kanyang balat.

Napalunok siya. Nagsisimula ng mag-iba ang temperatura ng kanyang katawan. Sabi nila ay likas daw na maiinit ang mga buntis dahil sa hormonal changes na nangyayari sa katawan ng mga ito. At ang tipo ng asawa niya ang walang kiyemeng magpakita ng nararamdaman kapag may gusto.

"I missed my husband," makahulugang bulong nito.

Maingat niya itong binuhat at kaagad na tinungo ang kanilang silid. Awtomatik namang pumaikot ang dalawang braso ng asawa sa kanyang batok. Tahimik ang buong kabahayan. Umalis na si Callous. Dahil katulad ng kanilang napagkasunduan, aalis lamang ito sa sandaling naiharap na nito sa kanya ang mga taong nagtatangka sa buhay ng kanyang asawa. At aminado siyang napahanga siya ng lalaki dahil higit pa sa inaasahan niya ang husay nito na bigyan ng proteksyon ang kanyang asawa.

Wala rin doon si Boogie dahil sumama itong pumalaot kay Manoy Dison. Ang pinsang si Andeng naman ay nagpaalam sa kanya na pupunta kay Marcy. Nakabukod na kasi ng tirahan ang PA ni Chantal. Nakaplano na rin ang pagpapakasal nito at ni Manoy Dison sa katapusan ng buwang iyon. At masaya silang mag-asawa para sa mga ito.

Maingat na ibinaba ni Jethro sa kama ang asawa nang makapasok sila ng silid. Kaagad niyang hinubad ang suot na muscle tee at inihagis sa paanan ng kama. Nakita niya ang pagkagat-labi ng asawa habang pinapanood ang pag-aalis niya ng saplot sa katawan. Kinindatan niya ito. Pilya naman itong ngumiti saka tila nang-aakit na binasa ng dulo ng dila ang mga labi.

Mabilis niyang tinanggal ang pang-ibabang saplot at ang tanging itinira ay ang kanyang Calvin Klein briefs na binili ng kanyang mahal na asawa. Nang lumuhod siya sa gilid ng kama ay kaagad na kumawit ang isang kamay nito sa kanyang batok. Muling naglapat ang kanilang mga labi, sabik na nag-eskrima ang kanilang mga dila. Hinaplos niya ang tagiliran nito. Bumaba ang kanyang kamay sa bilugang hita nito. Sumuot ang isa niyang kamay sa ilalim ng maternity dress nito at marahang pinisil ang umbok ng puwetan ng asawa.