မောင်ထူးနဲ့ပေါင်းပြီး ကျွန်တော်ပါထူးသွားတယ် ( Completed)

P_2 (Zawgyi)

ကျောင်းတွေပိတ်သွားပေမယ့် ကျွန်တော်အိမ်မပြန်ဖြစ်ဘူး။ အဆောင်မှာပဲနေပြီး အလုပ်တစ်ခုရှာလုပ်နေလိုက်တယ်။ မောင်ထူးကတော့ အိမ်ပြန်သွားတယ်ထင်ပါရဲ့ သူ့ကိုမတွေ့ မိဘူး။ တွေ့ လည်းမတွေ့ ချင်တာမို့ ပြန်သွားတာကောင်းတယ်။

ဒီနေ့က ကျွန်တော်ပထမဆုံး အလုပ်စဆင်းမယ့်နေ့ဖြစ်တယ်။ ကျောင်းပိတ်တဲ့လပိုင်းလေးအတွင်းပဲ လုပ်မှာဆိုတော့ အလုပ်ရှာရတာ အရမ်းခက်ခဲခဲ့ပေမယ့် နောက်ဆုံးမှာတော့ အလုပ်တစ်ခုရရှိခဲ့တယ်။ ငါးတန်းတက်မယ့် ကလေးတစ်ယောက်ကို အင်္ဂလိပ်စာသင်ပေးရမှာ။ လစာက အတော်လေးများတယ်။
နေ့ခင်း(၃)နာရီကနေ ည(၆)နာရီထိ သင်ပေးရမှာဖြစ်ပြီး ညစာကိုသူတို့အိမ်ကကျွေးမယ်တဲ့။ ညစာစားပြီးမှ ကျွန်တော်ကပြန်ရမယ်။ ကျွန်တော့်အတွက်တော့ အဆင်ပြေတာပေါ့။ ထမင်းတစ်နပ်ခ သက်သာတယ်လေ။

------------------------------------------------------------

ကျွန်တော်စာသင်ရမယ့် ကောင်လေးအိမ်ကို ရောက်နေပြီ။ အိမ်ကြီးက အရမ်းကိုခမ်းနားတယ်။ ခြံကြီးကလည်းအကျယ်ကြီး။

အိမ်ကြီးထဲက ဧည့်ခန်းမမှာ ကျွန်တော်ထိုင်နေတယ်။ မျက်စိကစားပြီး ဟိုဟိုဒီဒီ လျှောက်မကြည့်ရဲဘူး။ ကိုယ့်ကိုကိုယ်သိမ်ငယ်မိမှာစိုးလို့။ ခေတ္တကြာတော့ အဒေါ်ကြီးတစ်ယောက်ရောက်လာတယ်။ ဝတ်စားထားတာ တောက်တောက်ပြောင်ပြောင်။ ကျွန်တော့်ကိုယ်ကျွန်တော်ငုံ့ကြည့်မိတယ်။ ရှပ်လက်ရှည်အဖြူနဲ့ ပုဆိုးနက်ပြာရောင်ကို ဝတ်ထားတယ်။ လက်ရှည်အဖြူဆိုတာလည်း ဆရာနဲ့တူအောင်ဆိုပြီး ဟိုတနေ့ကမှဝယ်ထားတာ။ ၉၅၀၀ ပေးရလို့ နှမြောမြောနဲ့ ဝယ်ခဲ့ရပေမဲ့ ကျွန်တော့်အရှေ့ ကအဒေါ်ကြီးနဲ့ ယှဉ်လိုက်တော့ အနုတ်စုတ်ဂုတ်စုတ်လေးဖြစ်နေရော။

မထင်ထားဘူး။ အဒေါ်ကြီးက အတော်သဘောကောင်းတယ်။ ကျွန်တော့်နာမည်မေးတယ်။ ဘယ်ကလည်းဆိုတာမေးတယ်။ ကျွန်တော်စာသင်ရမှာက သူ့သားအငယ်ကောင်တဲ့။ သူ့မှာသားနှစ်ယောက်ရှိကြောင်းပြောတယ်။ ကျွန်တော်မလာသေးလောက်ဘူးလို့ထင်ပြီး သားငယ်ကို သားကြီးနဲ့အပြင်ထည့်လိုက်မိကြောင့် ရှင်းပြတယ်။ စာသင်းပေးရမဲ့အခန်း လိုက်ပြပေးတယ်။ ကျွန်တော့်ကို စာသင်ခန်းထဲထားခဲ့ပြီး အဒေါ်ကြီးက ပြန်ထွက်သွားတယ်။ အဒေါ်ကြီးထွက်သွားပြီး မကြာဘူး အသီးပန်းကန်ပြားတွေ အစီအရီနဲ့ အလုပ်သမားတစ်ယောက်ရောက်လာပြီး အခန်းထဲက စားပွဲပေါ်မှာချတယ်။ ပြီးတော့ ပြန်ထွက်သွားတယ်။ စားလို့လဲမပြောသွားဘူး။ မကျွေးပဲစားရင်လည်း ငတ်ကြီးကျတယ်ဖြစ်ဦးမယ်။