"ကျွန်တော်..........."
ကုဖုန်း လက်မခံချင်ဘူး ။ ပိုင်ရှီရှန်းပြောတာကို ငြင်းပစ်လိုက်ချင်တယ် ။ ဒါပေမယ့် ဒေါက်တာပြောတာလည်း မှားမှ မမှားတာ ။
သူ စိတ်လျော့ပြီး ထိုင်ခုံကို ကျောမှီကာ သူ့ရဲ့နာကျင်မှုတွေ သက်သာလိုသက်သာငြား
သူဆောင်နေကျ ဘုံကျောင်းငယ်လေးကို ပွတ်သပ်နေမိတယ် ။
"ကျွန်တော် ဝန်ခံပါတယ်...ကျွန်တော် အမှားတွေ လုပ်ခဲ့တယ် ""အခုရော အမှားတွေ ထပ်လုပ်ဦးမှာလား "
ပိုင်ရှီရှန်းက စာရွက်ကို ကုဖုန်းရှေ့ တွန်းပို့လိုက်တယ် ။
"ပြီးခဲ့တဲ့ နှစ်တွေတုန်းက သူ ခံစားခဲ့ရတဲ့ စိတ်ဒဏ်ရာတွေအားလုံးနီးပါးက ခင်ဗျားကြောင့်ချည်းပဲ ...ဒါပေမယ့် အဲ့ဒါကို ခင်ဗျားမသိဘူး....ဂရုလည်းမစိုက်ခဲ့ဘူး...Relationship တစ်ခုဆိုတာ နှစ်ယောက်ပေါင်းပြီး တည်ဆောက်ရတာလေ...ဒါပေမယ့် ခင်ဗျားတို့ရဲ့ Relationship မှာ ယုပေါ်ယွင်ကသာ အရာရာ ပေးဆပ်ခဲ့ရတယ်..ဒါပေမယ့် သူ ဘာပြန်ရခဲ့လဲ..အဆုံးသတ်မှာ ခင်ဗျားက သူ့ကို စွန့်ပစ်ခဲ့တယ်မဟုတ်လား..ခင်ဗျားနဲ့ လမ်းခွဲပြီး သူ ထွက်လာတဲ့အချိန်က စိတ်ဒဏ်ရာတွေအပြည့်နဲ့ ...အထီးကျန်ရှုံးနိမ့်မှုတွေ ရင်မှာပိုက်ထားရတာ...သူ ဘယ်လောက်တောင် ကူကယ်ရာမဲ့နေခဲ့လဲ ခင်ဗျားမသိဘူး..သိလည်း ခင်ဗျား ဂရုမစိုက်ပါဘူး..."ကုဖုန်း ဖိုင်တွဲပေါ်က နာမည်လေးကို ကြည့်မိပြန်တယ် ။ သူ့ ရင်တွေလည်း အဆမတန်နာနေရပါပြီ ။
"သူ ခင်ဗျားကို ဂရုမစိုက်ဘဲ လျစ်လျူရှုထားတော့ ခင်ဗျား စိတ်ထဲ အဆင်ပြေမနေဘူး... ဟုတ်တယ်နော်..ဒါပေမယ့် သူ ပြင်ပေးနေကျ နေ့လည်စာကို သူ မပြင်ပေးတော့လို့...သူ စည်းပေးနေကျ နက်ခ်တိုင်ကို သူ မစည်းပေးတော့လို့ အဆင်မပြေဖြစ်ရတာလို့ ထင်နေတာ မဟုတ်လား "
ပိုင်ရှီရှန်းရဲ့အသံက အနည်းငယ် တိုးတိမ်သွားတယ် ။ ဒါက လူတစ်ယောက်ကို သူ့စိတ်သူ ပြန်မြင်လာအောင် မေးခွန်းတွေ မေးတော့မယ်ဆိုတဲ့ သဘောပဲ ။"ကဲ..ကျွန်တော် ခင်ဗျားကို မေးမယ်...ခင်ဗျား သေသေချာချာစဉ်းစားပြီး ဖြေဖို့တော့ လိုလိမ့်မယ်...ခင်ဗျားနဲ့ ယုပေါ်ယွင် အတူနေကြပြီဆိုပါတော့...အရင်လိုပဲ အိပ်ရာတစ်ခုတည်းမှာ အတူတူ ပြန်အိပ်ကြပြီဗျာ..ဒါပေမယ့် ဒီတစ်ခါတော့ အိမ်မှုကိစ္စတွေကို ခင်ဗျားကပဲ လုပ်ပေးရမယ်ဗျာ...ချက်ပြုတ်တော့လည်း ခင်ဗျား.. တံမြက်စည်းလှည်း အိမ်သန့်ရှင်းရေးလည်း ခင်ဗျား...နက်ခ်တိုင်ချည်လည်း ခင်ဗျား..အိုးခွက်ပန်းကန်ဆေးလည်း ခင်ဗျား........တစ်အိမ်လုံးအလုပ် ခင်ဗျားလုပ်ရမယ်ဆိုပါတော့...အဲ့ဒါဆိုရင်ရော ခင်ဗျား စိတ်မသက်မသာဖြစ်နေသေးလားဆိုတာ
သေချာစဉ်းစားကြည့်ပါ..."
YOU ARE READING
Big Bossရဲ႕ ကိုယ္ဝန္လြယ္ထားရၿပီ [Myanmar Translation]
Fantasyကိုယ့္ကိုယ္ကို အထင္ႀကီးလြန္းၿပီး ေသြးနားထင္ေရာက္ကာ ေအးစက္စက္ေနတတ္တဲ့ ေကာင္ေလးရယ္ သြက္သြက္လက္လက္ ထက္ထကျ္မက္ျမက္နဲ႔ ေပ်ာ္ေပ်ာ္ေနတတ္ၿပီး ဆြဲေဆာင္မႈ႐ွိတဲ့ ေကာင္ေလးတစ္ေယာက္ရယ္ သူတို႔ႏွစ္ေယာက္ ဆံုေတြ႔ၾကတဲ့အခါ ႏွစ္ေယာက္ၾကားမွာ ဘာေတြျဖစ္လာမွာလဲ Author::Ju...