သူတို့ သုံးယောက် ဆေးရုံကိုရောက်တော့ မန့်လုံက သွေးတွေနဲ့ ခွဲစိတ်ခန်းထဲမှာ ။ သတိလုံးလုံးမရှိတော့ဘူး ။
ပိုင်ရှီရှန်းက တကိုယ်လုံးတုန်နေပြီး မျက်နှာလေးက သွေးမရှိတော့သလို ဖွေးဆုတ်လို့ ။
သူက ကုဖုန်းအင်္ကျီကို ဆောင့်ဆွဲပြီးမေးတယ် ။"မန့်လုံက လုပ်ငန်းကိစ္စနဲ့ ပြည်ပထွက်သွားတယ်ဆို....
သူက ဘာလို့ ဒီမှာပဲ ရှိနေရတာလဲ...
ခင်ဗျားတို့နှစ်ယောက်............
ကျွန်တော့်ကို ဘာလို့ ဖုန်းကွယ်ထားတာလဲ "ကုဖုန်း သက်ပြင်းချပြီး သူ့လက်ထောက်တွေအကူအညီနဲ့ ပိုင်ရှီရှန်းကို နားနေဆောင်ရှိရာကိုခေါ်လာခဲ့တယ် ။
"ပြောပြ ! "
ပိုင်ရှီရှန်း အော်မေးပစ်လိုက်တယ် ။
"ဘာလို့ မန့်လုံက ကုမ္ပဏီမှာပဲ ရှိနေရတာလဲ..
ဘာလို့ ခွဲစိတ်ခန်းထဲ ရောက်နေရတာလဲ...
ဘာတွေဖြစ်ခဲ့တာလဲ ""မစိုးရိမ်ပါနဲ့ "
ကုဖုန်းက ပိုင်ရှီရှန်းပခုံးကို ပုတ်လိုက်တယ် ။
"ဒီလိုပဲ အကြောင်းလေးတွေနည်းနည်းရှိနေလို့ပါ ""ဘာအကြောင်းပဲဖြစ်ဖြစ် ကျွန်တော် သိရမှဖြစ်မယ်..ပြောပြ...ပြောပြလို့...အခုပြော! "
ကုဖုန်းက တွန့်ဆုတ်နေခဲ့ပေမယ့် နောက်ဆုံးတော့ ပြောပြလိုက်တယ် ။
"မန့်လုံက အားလုံးကို ကျော်တက်ပြီး ကုမ္ပဏီရှယ်ယာတွေရော ဒါရိုက်တာအဖွဲ့ဝင်တွေကိုရော သူ့ဘက်ပါအောင် လုပ်နိုင်ခဲ့တယ် ..
ရှင်းရှင်းပြောရရင် စီအီးအိုနေရာကို တက်လှမ်းနိုင်ခဲ့တယ် ..ဒါပေမယ့်
မန့်မိသားစုဝင်ထဲက တစ်ယောက်ယောက်က သူ့ကို ဖြုတ်ချပစ်ဖို့ ဆင်ကြံကြံနေတယ်..ပြီးတော့ ခင်ဗျားတို့နှစ်ယောက်ကြားကကိစ္စကလည်း မန့်မိသားစုကြောင့်ပဲ "ပိုင်ရှီရှန်း ခြေထောက်တွေတုန်ပြီး မတ်မတ်တောင်မရပ်နိုင်တော့ဘူး ။ ပြိုယိုင်လဲလုလုအခြေကို ဆိုက်နေပြီ ။
"မန့်လုံက ပြဿနာတွေအားလုံး ရှင်းပြီးပြီ..ဒါပေမယ့် မန့်ချွန်တစ်ယောက်လွတ်ထွက်သွားတယ် "
ကုဖုန်းမျက်လုံးတွေ နက်ရှိုင်းသွားတယ် ။ သူ သတိလက်လွတ်နဲ့ လက်သီးတောင် ဆုပ်လို့ ။
"မန့်ချွန်က မသိသင့်တာတွေပါ သိသွားခဲ့တာ..ပြီးတော့ သူက ဝရမ်းပြေးဖြစ်နေတာဆိုတော့ ပိုက်ဆံအရမ်းလိုနေတယ်..လွန်ခဲ့တဲ့ ရက်ပိုင်းလောက်က မန့်လုံဆီကို
ခြိမ်းခြောက်တဲ့ message
တွေ ပို့လာခဲ့တယ်...သူက ခင်ဗျားကို မထိခိုက်စေချင်ဘူး...အဲ့ဒါကြောင့်သူ စိတ်ဆုံးဖြတ်ပြီး ဒီလိုတွေလုပ်ခဲ့တာ..သူ့ပြဿနာတွေကို သူကိုယ်တိုင်ဖြေရှင်းပြီး မန့်ချွန်နဲ့ ထိပ်တိုက်တွေ့ဖို့ ကြိုးစားတယ်..ဒီအကြောင်းတွေကို ခင်ဗျားရောက်လာပြီး ခင်ဗျားလုံခြုံပြီဆိုတဲ့အချိန်ကျရင် ကျွန်တော်ပြောပြမယ်လို့ ရည်ရွယ်ထားတာပါ..ဒါပေမယ့်............"
YOU ARE READING
Big Bossရဲ႕ ကိုယ္ဝန္လြယ္ထားရၿပီ [Myanmar Translation]
Fantasyကိုယ့္ကိုယ္ကို အထင္ႀကီးလြန္းၿပီး ေသြးနားထင္ေရာက္ကာ ေအးစက္စက္ေနတတ္တဲ့ ေကာင္ေလးရယ္ သြက္သြက္လက္လက္ ထက္ထကျ္မက္ျမက္နဲ႔ ေပ်ာ္ေပ်ာ္ေနတတ္ၿပီး ဆြဲေဆာင္မႈ႐ွိတဲ့ ေကာင္ေလးတစ္ေယာက္ရယ္ သူတို႔ႏွစ္ေယာက္ ဆံုေတြ႔ၾကတဲ့အခါ ႏွစ္ေယာက္ၾကားမွာ ဘာေတြျဖစ္လာမွာလဲ Author::Ju...