Unicode
ပေကတ်ကတ်နဲ့ သစ္စာရှိတဲ့ ရှီယန်ကတော့ အခု သူမထက်စာရင် ပိုမျက်နှာရနေပြီဘဲ။
ဟက်!
မင်ယန်က အခုချိန်မှာ ရေခဲကန်ရဲ့ အလယ်တည့်တည်မှာ ရောက်နေသလိုခံစားနေရတယ်၊ သူမ ရင်ထဲမှာ အနွေးဓာတ်လေး နည်းနည်းရှိနေသေးပေမယ့် ဒီမီးစလေးကလည်း ငြိမ်းလုနီးပါးဘဲ တဖြည်းဖြည်းနဲ့ ဖျော့တော့လို့လာတယ်။
တိုက်ခတ်လာတဲ့ အအေးဒဏ်ကို အံတုရင်းနဲ့ဘဲ ကျန်းအိမ်တော်က အဖြစ်အပျက်တွေက သူမစိတ်ထဲ ပြန်ဝင်လာတယ်။
မြို့စားအိုကျန်းက ကူလင်းစားသောက်ဆိုင်ကို အကြိမ်ကြိမ် အခါခါ သွားရောက်လည်ပတ်လေ့ရှိတယ်၊ ဆိုင်ဖွင့်ပြီးကတည်းက ဒီလူအိုကြီးက မနက်စာကလွဲပြီး ကျန်တဲ့ အချိန်တွေကို ကူလင်းစားသောက်ဆိုင်မှာဘဲ စားသောက်လေ့ရှိတယ်။
ချူးလျန်ကလည်း မြို့စားအိုကျန်းအတွက် အထူးသီးသန့်ခန်းကို အမြဲပြင်ဆင်ပေးထားတယ်၊ဒီတော့ သူသွားတိုင်း စားချင်တဲ့ ဟင်းမှန်သမျှကို အလှည့်ကျ စောင့်နေစရာမလိုဘဲ ရရှိနိုင်တော့တယ်။
တဖြည်းဖြည်းနဲ့ မြို့စားအိုကျန်းက မင်ယန်ရဲ့ ဟင်းလျာတွေကို ခံတွင်းမတွေ့တော့ဘူး။
တနေ့ မြို့စားအိုကျန်း အိမ်ကို ပြန်လာတော့ မြို့စားအိုကတော်က သူ့ယောက်ျားကို ညစာ ဘာစားချင်လဲလို့မေးတယ်၊မြို့စားအိုကျန်း ပြန်ဖြေလိုက်တာက ထိပ်တန်းလက်ရာဟော့ပေါ့ တဲ့၊ သူက ဒီဟင်းလျာကို နေ့လည်ကမှ ကူလင်းစားသောက်ဆိုင်ကနေ စားလာတာဖြစ်ပြီး ဒါက ဒီလအတွက် ဆိုင်ရဲ့ ဟင်းလျာ အသစ်ဘဲ၊ သူက ဒါကိုတခါ စားပြီးတာတောင်မှ မတင်းတိမ်နိုင်ဘူး ၊ဒီတော့ သူ့အတွင်းစိတ်ကနေ တကယ်ဘဲ တောင့်တနေတယ်။
ကျန်းအိမ်တော်က စားတော်ကဲအဟောင်းတွေက အခုချိန်မှာ တကယ်ဘဲ အားလပ်လို့နေတယ်၊မြို့စားအိုကျန်းရဲ့ စားဖိုဆောင်မှာ မင်းမူနေတာကတော့ မင်ယန်ဘဲ၊ မြို့စားအိူကျန်း တခုခု ပြောလိုက်တာနဲ့ ဟင်းလျာတွေ ချက်ပြုတ်ဖို့က မင်ယန် ပုခုံးပေါ်ကျလာတော့တာဘဲ။
သူမက ချက်ပြုတ်တဲ့ အခါတိုင်း အခြားသူတွေကို အပြင်ကိုမောင်းထုတ်လေ့ရှိတော့ စားဖိုဆောင်က အစေခံတွေကလည်း သူမ အပေါ် အမြင်မကြည်ကြဘူး။
YOU ARE READING
Transmigrator meets reincarnator (mmtranslation)
Historical FictionTitle: Transmigrator meets reincarnator Not my own story.Just translation. Credits to: Written by:Snow Mountain Mists Translated by:timebun, Premonition,Myst Edited by: renderedreversed Total-340chapters Start date-10.7.2021