Transmigrator meets reincarnator (mmtranslation)

150

Unicode

စစ်သူကြီးစီမာ ပုံမှန်သောက်တဲ့ ဘာကြီး ?

ကျန်းရှန် လက်ဖက်ရည်ရဲ့ အရည်အသွေးက နန်းတော်ကိုတရားဝင်ဆက်သတဲ့ လက်ဆောင်တွေထက် အနည်းငယ်သာ နိမ့်ကျတယ်၊ ကျန်းရှန် လက်ဖက်ရည်ရဲ့ ထုတ်လုပ်မှုပမာဏက မြောက်ပိုင်း ဖူကျန်း လက်ဖက်ရည် ထုတ်လုပ်မှုထက် ပိုမိုနည်းပါးလေတယ်။

နှစ်စဉ်  လက်ဖက်ရွက်တွေ ခူးဆွတ်တဲ့ နွေဦးကာလမရောက်ခင်တိုင်း မျိုးရိုးမြင့်အိမ်တော်တွေက ကျန်းရှန် လက်ဖက်ကိတ်မျိုးစုံကို သီးသန့်ပြုလုပ်ကြတယ်၊ ဒါမျိုးဆိုတာက ပိုက်ဆံရှိရင်တောင် ဝယ်လို့ရနိုင်တဲ့ အရာမျိုး မဟုတ်ဘူး။

ပြန်တွေးကြည့်ရရင် သခင်မလေးယွမ်တောင်မှ ချူးလျန်ကို လှောင်ပြောင်ဖို့ရာ သူမ အဘိုးဖြစ်သူဆီကနေ ကျန်းရှန် လက်ဖက်ရည်ကို ခိုးယူခဲ့သေးတယ်။

ချူးလျန်ကတော့ လက်ထောက်စစ်သည်အမျိုးသမီးကို ကြည့်ပြီး အကျယ်ကြီး အော်ရယ်မိတော့မတတ်ဘဲ၊ စစ်သူကြီး စီမာကရော ဒီလက်ထောက်အစေခံနဲ့ အတွေး အတူတူဘဲ ဖြစ်နေလောက်မလား ? ဒါမှမဟုတ် ဒါက ဒီလက်ထောက် တစ်ဦးတည်းရဲ့ မိုက်မဲမှုဘဲလား ?

ချူးလျန်က လက်ဖက်ရည်ကို ပွင့်ပွင့်လင်းလင်းဘဲ ငြင်းပယ်လိုက်ဖို့ တွေးမိသွားတယ်၊ ဒါပေမယ့် အဲ့ဒီအစား ဒီလက်ထောက်အမျိုးသမီးကို သတိပေးနိုင်ဖို့ရာ ပိုပြီး သိမ်မွေ့တဲ့ နည်းလမ်းတစ်ခုကို ပြောင်းလဲရွေးချယ်လိုက်တယ် ၊ အရိုးရှင်းဆံုး ပြောရရင် ဒီအမျိုးသမီးရဲ့ ပရိယာယ်က မသေမသပ်နဲ့ မိုက်မဲလွန်းတယ်၊ ချူးလျန်အတွက်တော့ ဒါကို သခင်မလေးယွမ် ဆီမှာ မြင်တွေ့ခဲ့ဖူးပြီးနေပြီ။

ဒါပေမယ့် ချူးလျန်ဘက်က ပြန်လည်မတုန့်ပြန်ရသေးခင်မှာဘဲ  ဝမ်လန်က သူမ သခင်မကို ကာကွယ်ပေးဖိူ့ရာ မစောင့်နိုင်တော့ဘဲ ဝင်ပြောလာတယ် "စိတ်မရှိပါနဲ့၊  မိန်းကလေးကတော့ မသိလောက်ပေမယ့် ကျွန်မတို့သခင်မက စန်ချာအရသာက ထူးဆန်းလွန်းတာမို့သောက်ရတာ မကြိုက်နှစ်သက်ပါဘူး "

ဒီလို အဖြေကို ကြားလိုက်တာနဲ့ အမျိုးသမီးလက်ထောက်ရဲ့ မျက်နှာတစ်ခုလုံး နီရဲလာပြီး နှုတ်ခမ်းတွေကပါ တုန်ယင်လာတယ်။