Unicode
ချူးလျန် ခေါင်းယမ်းမိတယ်၊ ကြမ်းတမ်းလှတဲ့ ဆောင်းဥတုမှာ လျန်ကျိုးကို ကုန်ပစ္စည်းတွေ သယ်ပို့ဖို့ဆိုတာ ခက်ခဲလွန်းတယ်၊ ဒါက လျန်ကျိုးရဲ့ နဂို ရှိရင်းစွဲ အခြေနေကိုတောင် ပိုဆိုးသွားစေနိုင်တယ်။
ဒီလိုအခြေနေကြောင့်သာ မဟုတ်ရင် အင်ပါယာကလည်း တုဟွန်းတွေ လာတိုက်ခိုက်တာကို ဒီလောက်စိုးရိမ်တကြီးဖြစ်နေမှာ မဟုတ်ဘူး။
နှစ်စလောက်ကတည်းက လျန်ကျိုးဆီကို အထောက်အပံ့တွေ မပို့နိုင်ခဲ့တာ၊ လာတဲ့ အကူအညီတွေကလည်း ယွဲ့ချင်တောင်တန်းပေါ်မှာ ပိတ်မိနေတော့ တုဟွန်းတွေက ဒီအချိန်ကို တမင်ရွေးပြီးတိုက်ခိုက်လာတာ အံ့ဩစရာမရှိပါဘူး။
အခုချိန်မှာ ချူးလျန်စိတ်ထဲ အစစအရာရာ ပူပန်နေပေမယ့် သူမမှာ ဘာအကြံကောင်းမှ မရှိနေဘူး။
ဒီနေရာမှာ ငွေကြေးက အသုံးမဝင်မှတော့ ပထမဆုံးဖြေရှင်းဖို့လိုနေတာက ကုန်ပစ္စည်းတွေ သယ်ယူပို့ဆောင်ရေးဘဲ။
ထန်းယန်က ချူးလျန်ကို သူမရဲ့ ခြံဝန်းဆီ လိုက်လံပို့ဆောင်ပြီးတာနဲ့ သူ့လူတွေကို နေရာချဖို့ရာထွက်ခွာသွားတယ်။
လျန်ကျိုးရဲ့ စီရင်စု အုပ်ျုပ်ရေးမှုးက လွန်ခဲ့တဲ့ နှစ်ဝက်ကတည်းက နှုတ်ထွက်သွားခဲ့တယ်၊ လက်ရှိမှာ စစ်သူကြီး ချီအန်းရဲ့ အုပ်ချုပ်မှုအောက်မှာ ရှိနေတယ်၊ လျန်ကျိုးမှာက မြို့ခံက အနည်းငယ်သာရှိပြီး အများစုက စစ်တပ်ကို အခြေချထားတယ်၊ဒီတော့ စစ်သူကြီးချီအန်းက လက်ထောက်ခြေလျင်တပ်မှုး ခေါင်းဆောင်ဝူကို စီရင်စုတာဝန်တွေကို ကြီးကြပ်ခိုင်းထားတယ်။
အခုချိန်မှာကျ စစ်တပ်တစ်ခုလုံးက မြို့ပြင်မှာ တပ်စွဲထားပြီးပြီ၊ ပုံမှန်ဒီလို အခြေနေမျိုးမှာ ခေါင်းဆောင်ဝူလည်း တပ်ထဲကို ပြန်သွားဖို့ လိုအပ်လိမ့်မယ်။
နှစ်တိုင်း မြို့တံတိုင်းကို ပြင်ဆင်ဖို့ မြောက်ပိုင်းစစ်တပ်ကပါ ပါဝင်ရတော့ မြို့နံရံရဲ့ အခြေနေကို စစ်သူကြီး ချီအန်းက ကောင်းကောင်း သိရှိထားတယ်။
ဒီမြို့ရိုးက အခုချိန်မှာ တိုက်ခိုက်မှု တချက်ကိုတောင် ခံနိုင်တော့မှာ မဟုတ်ဘူး ၊ ဝူအင်ပါယာနဲ့ တုဟွန်း နယ်စပ်ကို အဓိက ပိုင်းခြားထားတာက စူလာမြစ်ဘဲ၊ စူလာမြစ်က မြောက်ပိုင်း မြက်ခင်းပြင်ရဲ့ အသက်သွေးကြောဖြစ်တယ်၊အခုချိန်မှာ စစ်သူကြီး ချီအန်းက မြောက်ပိုင်းတပ်သားတွေကို အဲ့ဒီသဘာဝတရားရဲ့ ဘေးနားကနေ ကာကွယ်ထားစေတယ်။
YOU ARE READING
Transmigrator meets reincarnator (mmtranslation)
Historical FictionTitle: Transmigrator meets reincarnator Not my own story.Just translation. Credits to: Written by:Snow Mountain Mists Translated by:timebun, Premonition,Myst Edited by: renderedreversed Total-340chapters Start date-10.7.2021
